ລັດຖະມົນຕີກະຊວງການຕ່າງປະເທດ ສຳເລັດການຢ້ຽມຢາມ ສ.ຟີລິບປິນ ຢ່າງເປັນທາງການ


...

     ໂດຍຕອບສະໜອງຕາມ ຄຳເຊີນຂອງທ່ານ ອາລັນ ປີເຕີ ຊະແຣມ ກາເຢຕາໂນ (Alan Peter Schram Cayetano) ລັດຖະມົນຕີກະຊວງການຕ່າງ ປະເທດແຫ່ງ ສາທາລະນະລັດ ຟີລິບປິນ, ທ່ານ ສະເຫຼີມໄຊ ກົມມະສິດ ລັດຖະມົນຕີກະ ຊວງການຕ່າງປະເທດແຫ່ງ ສປປ ລາວ ພ້ອມດ້ວຍ ຄະນະໄດ້ເດີນທາງຢ້ຽມຢາມ ສ.ຟີລິບປິນ ຢ່າງເປັນທາງການ ໃນລະຫວ່າງວັນທີ 13-14 ກໍ ລະກົດ 2017, ຊຶ່ງເປັນການ ຢ້ຽມຢາມຄັ້ງທຳອິດໃນຖານະ ລັດຖະມົນຕີກະຊວງການຕ່າງ ປະເທດ, ເພື່ອເສີມຂະຫຍາຍ ແລະ ຮັດແໜ້ນສາຍພົວພັນມິດ ຕະພາບ ແລະ ການຮ່ວມມືອັນ ດີງາມລະຫວ່າງສອງປະເທດ ທີ່ມີມາແຕ່ດົນນານໃຫ້ນັບມື້ ນັບແໜ້ນແຟ້ນຂຶ້ນເລື້ອຍໆ. ໃນໂອກາດຢ້ຽມຢາມ ສ.ຟີລິບປິນ ໃນຄັ້ງນີ້, ທ່ານີ ສະເຫຼີມໄຊ ກົມມະ ສິດ ໄດ້ພົບປະສອງຝ່າຍກັບ ທ່ານ ອາລັນ ປີເຕີ ຊະແຣມ ກາເຢຕາໂນ. ພ້ອມນັ້ນສອງລັດ ຖະມົນຕີກະຊວງການຕ່າງປະ ເທດກໍໄດ້ເປັນປະທານຮ່ວມ ໃນກອງປະຊຸມຄະນະກຳມາທິ ການວ່າດ້ວຍການຮ່ວມມືສອງ ຝ່າຍ (JC) ລາວ - ຟີລິບປິນ ຄັ້ງປະຖົມມະລືກ, ທີ່ນະຄອນ ຫວງມານີລາ. ກອງປະຊຸມດັ່ງ ກ່າວດຳເນີນໄປດ້ວຍບັນຍາ ກາດອັນອົບອຸ່ນ ແລະ ເປັນ ມິດ, ຊຶ່ງສອງຝ່າຍໄດ້ປຶກສາ ຫາລືກັນຢ່າງກົງໄປກົງມາບົນ ພື້ນຖານມິດຕະພາບ ແລະ ຄວາມເຂົ້າໃຈເຊິ່ງກັນ ແລະ ກັນ, ແລະ ໄດ້ຕີລາຄາສູງຕໍ່ ການຈັດກອງປະຊຸມຄັ້ງປະຖົມ ມະລືກໃນຄັ້ງນີ້ວ່າຈະເປັນ ບາດກ້າວອັນໃໝ່ໃນການຊຸກ ຍູ້ການພົວພັນຮ່ວມມືສອງ ຝ່າຍທາງດ້ານຕ່າງໆໃຫ້ຂະ ຫຍາຍຕົວ ແລະ ມີຜົນສຳເລັດ ຕົວຈິງຍິ່ງຂຶ້ນໃນອະນາຄົດ, ພ້ອມທັງໄດ້ຕີລາຄາສູງຕໍ່ສາຍ ພົວພັນ ແລະ ການຮ່ວມມືອັນ ດີທີ່ມີບາດກ້າວຂະຫຍາຍຕົວ ແລະ ແຕກດອກອອກຜົນ, ຊຶ່ງ ສະແດງອອກໃນການແລກ ປ່ຽນຄະນະຜູ້ແທນໃນລະດັບ ປະມຸກລັດ, ຫົວໜ້າລັດຖະ ບານ ແລະ ຂະແໜງການ ຕ່າງໆນຳກັນຢ່າງເປັນປົກກະ ຕິ. ສອງຝ່າຍໄດ້ເຫັນດີຈະສືບ ຕໍ່ສົ່ງເສີມການຮ່ວມມືທາງ ດ້ານການເມືອງ, ປ້ອງກັນຊາດ - ປ້ອງກັນຄວາມສະຫງົບ, ເສດຖະກິດ, ໂຍທາທິການ ແລະ ຂົນສົ່ງ, ສຶກສາ, ວັດທະ ນະທຳ - ສັງຄົມ, ທ່ອງທ່ຽວ ແລະ ການຮ່ວມມືເພື່ອການພັດທະ ນາ, ລວມທັງການພົວພັນຮ່ວມ ມືລະຫວ່າງສອງກະຊວງການ ຕ່າງປະເທດລາວ - ຟີລິບປິນ ໃຫ້ເກີດດອກອອກຜົນໃນອະ ນາຄົດ. ພ້ອມກັນນັ້ນ, ສອງ ຝ່າຍໄດ້ສະແດງຄວາມຊົມ ເຊີຍ ແລະ ຕີລາຄາສູງຕໍ່ຄະນະ ຜູ້ແທນຈາກສະພາອຸດສາຫະ ກຳ ແລະ ການຄ້າຟີລິບປິນທີ່ ໄດ້ເດີນທາງມາເຮັດວຽກຢູ່ ສປປ ລາວ ເພື່ອຊອກຫາຊ່ອງ ທາງໃນການຮ່ວມມືດ້ານການ ລົງທຶນຢູ່ ສປປ ລາວ ໃນອະນາ ຄົດ. ນອກຈາກນັ້ນ, ສອງຝ່າຍ ຍັງໄດ້ແລກປ່ຽນຄຳຄິດຄຳເຫັນ ຕໍ່ສະພາບການທີ່ພົ້ນເດັ່ນໃນ ພາກພື້ນ ແລະ ສາກົນ. ໃນໂອກາດນີ້, ທ່ານ ສະເຫຼີມໄຊ ກົມມະສິດ ໄດ້ສະ ແດງຄວາມຊົມເຊີຍທີ່ທ່ານ ອາລັນ ປີເຕີ ຊະແຣມກາເຢຕາ ໂນ ໄດ້ຮັບການແຕ່ງຕັ້ງໃຫ້ດຳ ລົງຕຳແໜ່ງເປັນລັດຖະມົນຕີ ການຕ່າງປະເທດຄົນໃໝ່ໃນ ເດືອນພຶດສະພາ 2017 ຜ່ານ ມາ, ພ້ອມທັງສະແດງຄວາມ ຂອບໃຈຕໍ່ການຕ້ອນຮັບອັນ ອົບອຸ່ນໃນຄັ້ງນີ້. ພ້ອມກັນ ນັ້ນ, ທ່ານ ສະເຫຼີມໄຊ ກົມ ມະສິດ ຍັງໄດ້ສະແດງຄວາມ ຂອບໃຈລັດຖະບານຟີລິບ ປິນ ທີ່ໄດ້ໃຫ້ການຊ່ວຍເຫຼືອ ສປປ ລາວ ໃນການເປັນ ເຈົ້າພາບຈັດກອງປະຊຸມອາ ຊຽນ ແລະ ກອງປະຊຸມປິ່ນ ອ້ອມອື່ນໆ ທີ່ນະຄອນຫຼວງ ວຽງຈັນ ໃນປີຜ່ານມາເປັນຢ່າງ ດີ ແລະ ສະແດງຄວາມຊົມ ເຊີຍ ທີ່ຟີລິບປິນ ໄດ້ເຮັດສຳ ເລັດການເປັນເຈົ້າພາບຈັດ ກອງປະຊຸມສຸດຍອດອາຊຽນ ຄັ້ງທີ 30 ໃນເດືອນພຶດສະພາ ທີ່ຜ່ານມາ ແລະ ສະແດງ ຄວາມເຊື່ອໝັ້ນວ່າຟີລິບປິນ ໃນຖານະປະທານອາຊຽນໃນ ປີນີ້ຈະສືບຕໍ່ເຮັດສຳເລັດການ ເປັນເຈົ້າພາບຈັດກອງປະຊຸມ ອາຊຽນ ຄັ້ງທີ 31 ໃນເດືອນ ພະຈິກນີ້ຢ່າງຈົບງາມ. ໃນໂອກາດດຽວກັນ, ທ່ານ ອາລັນ ປີເຕີ ຊະແຣມກາ ເຢຕາໂນ ກໍໄດ້ສະແດງຄວາມ ຂອບໃຈຕໍ່ລັດຖະບານ ສປປ ລາວ ໃນການຕ້ອນຮັບອັນອົບ ອຸ່ນແກ່ການນຳຂັ້ນສູງຂອງ ຟີລິບປິນ ທີ່ໄດ້ເດີນທາງຢ້ຽມ ຢາມ ແລະ ເຮັດວຽກຢູ່ ສປປ ລາວ ໃນປີ 2016 ຜ່ານມາ, ພ້ອມທັງສະແດງຄວາມຂອບ ການສະໜັບສະໜູນການເປັນ ປະທານອາຊຽນຂອງຟີລິບປິນ ໃນປີ 2017 ນີ້ ແລະ ການສະ ໝັກຮັບເລືອກຕັ້ງເປັນປະທານ ອົງການ ແລະ ສະມາຊິກຄະ ນະກຳມະການຕ່າງໆຂອງຟີ ລິບປິນຢູ່ໃນເຄືອຂ່າຍຂອງ ອົງການສະຫະປະຊາຊາດ. ໃນຕອນທ້າຍຂອງການພົບປະ ກັນຄັ້ງນີ້, ທ່ານລັດຖະມົນຕີ ສະເຫຼີມໄຊ ກົມມະສິດ ໄດ້ ເຊີນ ທ່ານລັດຖະມົນຕີກະຊວງ ການຕ່າງປະເທດ ຟີລິບປິນມາ ຢ້ຽມຢາມ ສປປ ລາວ ໃນໂອ ກາດທີ່ທ່ານສະດວກ. ຫຼັງຈາກການພົບປະສອງ ຝ່າຍແລ້ວ, ທ່ານ ສະເຫຼີມໄຊ ກົມມະສິດ ແລະ ຄູ່ຮ່ວມຕຳແໜ່ງ ກໍໄດ້ເປັນກຽດເຂົ້າຮ່ວມເປັນ ສັກຂີພິຍານໃນພິທີລົງນາມ ບົດບັນທຶກຄວາມເຂົ້າໃຈວ່າ ດ້ວຍການຮ່ວມມືວິຊາການ ດ້ານການສຶກສາຊັ້ນສູງ ລະຫວ່າງ ສປປ ລາວ ແລະ ສ. ຟີລິບປິນ, ຊຶ່ງລົງນາມຕາງໜ້າ ຝ່າຍລາວ ທ່ານ ໂພໄຊ ໄຂຄຳ ພິທູນ, ເອກອັກຄະລັດຖະທູດ ຜູ້ມີອຳນາດເຕັມ ແຫ່ງ ສປປ ລາວ ປະຈຳ ສ. ຟີລິບປິນແລະ ທ່ານ ນາງ ປະຕຼິກເຊຍ ບີ ລິກວານັນ (Patricia B.licua nan). ປະທານຄະນະກຳມາ ທິການ ການສຶກສາຊັ້ນສູງແຫ່ງ ສ. ຟີລິບປິນ, ໂດຍການເຂົ້າ ຮ່ວມຂອງຄະນະຜູ້ແທນທັງ ສອງຝ່າຍ. ໃນໄລຍະເຄື່ອນໄຫວ ຢ້ຽມຢາມ ສ. ຟີລິບປິນ, ທ່ານ ສະເຫຼີມໄຊ ກົມມະສິດ ແລະ ຄະນະຍັງໄດ້ພົບປະກັບສະພາ ການຄ້າ ແລະ ອຸດສາຫະກຳ ຟີລິບປິນ-ລາວ ພ້ອມທັງໄດ້ຂຶ້ນ ປາຖະກະຖາໃນຫົວຂໍ້: "ສປປ ລາວ ແລະ ການເຊື່ອມໂຍງໃນ ພາກພື້ນ", ທີ່ສະຖາບັນການ ຕ່າງປະເທດຟີລິບປິນ.