ປະທານປະເທດສຳເລັດການເຂົ້າຮ່ວມກອງປະຊຸມເວທີປຶກສາຫາລື ຂັ້ນສູງວ່າດ້ວຍການຮ່ວມມືສາກົນ ໜຶ່ງແລວທາງ ໜຶ່ງເສັ້ນທາງ


...

    ໃນລະຫວ່າງວັນທີ 13-17 ພຶດສະພາ 2017, ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ພ້ອມດ້ວຍຄະນະຜູ້ແທນຂັ້ນສູງຂອງລາວ ໄດ້ເດີນທາງເຂົ້າຮ່ວມກອງປະຊຸມ ເວທີປຶກສາຫາລືຂັ້ນສູງ ວ່າດ້ວຍການຮ່ວມມືສາກົນ "ໜຶ່ງແລວທາງ ໜຶ່ງເສັ້ນທາງ" ພາຍໃຕ້ຫົວຂໍ້: "ການຮ່ວມມືເພື່ອຄວາມວັດທະນາຖາວອນຮ່ວມກັນ" (Belt and Road : Cooperation for Common Prosperity) ທີ່ນະຄອນຫຼວງປັກກິ່ງ ສປ ຈີນ. ກອງປະຊຸມເວທີປຶກສາ ຫາລືຂັ້ນສູງດັ່ງກ່າວໄດ້ດຳເນີນ ໄປເປັນເວລາ 2 ວັນ ເລີ່ມແຕ່ ວັນທີ 14 ຫາ 15 ພຶດສະພາ 2017 ຊຶ່ງໃນມື້ທຳອິດທ່ານ ບຸນຍັງ ວໍລະຈິດ ໄດ້ເຂົ້າຮ່ວມ ພິທີໄຂ ແລະ ກອງປະຊຸມຄົບ ຄະນະຂອງກອງປະຊຸມເວທີ ປຶກສາຫາລືຂັ້ນສູງວ່າດ້ວຍ ການຮ່ວມມືສາກົນ "ໜຶ່ງແລວ ທາງ ໜຶ່ງເສັ້ນທາງ" ໂດຍມີ ຄະນະຜູ້ແທນເຂົ້າຮ່ວມທັງໝົດ ຫຼາຍກ່ວາ 1.500 ຄົນ ຈາກ 130 ກ່ວາປະເທດ ໃນຂົງເຂດ ອາຊີ, ເອີຣົບ, ອາເມຣິກາ ແລະ ອາຟຣິກກາ ຊຶ່ງໃນນັ້ນລວມມີ 29 ປະມຸກລັດ ແລະ ຫົວໜ້າ ລັດຖະບານ ແລະ ບັນດາຕົວ ແທນຈາກອົງການຈັດຕັ້ງສາ ກົນຕ່າງໆ, ເປັນຕົ້ນແມ່ນອົງການ ສະຫະປະຊາຊາດ, ອົງການ ກອງທຶນການເງິນສາກົນ, ທະ ນາຄານໂລກ, ອົງການການ ຄ້າໂລກ ແລະ ສະພາເວທີເສດ ຖະກິດໂລກ (WEF). ໃນພິທີໄຂກອງປະຊຸມ, ທ່ານ ສີຈິ້ນຜິງ ປະທານປະເທດ ແຫ່ງ ສປ ຈີນ ໄດ້ປະກາດວ່າ: ຈີນຈະໃຫ້ການຊ່ວຍເຫຼືອມູນ ຄ່າ 60 ຕື້ຢວນ (ສະກຸນເງິນ ຈີນ) ແກ່ບັນດາປະເທດກຳລັງ ພັດທະນາ ແລະ ອົງການຈັດ ຕັ້ງສາກົນຕ່າງໆທີ່ເຂົ້າຮ່ວມ ຍຸດທະສາດໜຶ່ງແລວທາງໜຶ່ງ ເສັ້ນທາງ ເພື່ອໝູນໃຊ້ເຂົ້າໃນ ການດຳເນີນໂຄງການຕ່າງໆ ໃຫ້ຫຼາຍຂຶ້ນ ໃນການຍົກລະດັບ ຊີວິດການເປັນຢູ່ຂອງປະຊາ ຊົນ, ຈະໃຫ້ເງິນຈຳນວນ 1 ຕື້ ໂດລາສະຫະລັດ ແກ່ບັນດາອົງ ການຈັດຕັ້ງສາກົນທີ່ກ່ຽວຂ້ອງ ຕ່າງໆ ເພື່ອດຳເນີນໂຄງການ ຮ່ວມມືທີ່ຈະເປັນປະໂຫຍດແກ່ ບັນດາປະເທດທີ່ນອນຢູ່ໃນຍຸດ ທະສາດ ໜຶ່ງແລວທາງ ໜຶ່ງເສັ້ນ ທາງ, ຈະຂະຫຍາຍຂອບການ ຊ່ວຍເຫຼືອທາງດ້ານການເງິນ ສຳລັບຂໍ້ລິເລີ່ມ ໜຶ່ງແລວທາງ ໜຶ່ງເສັ້ນທາງ ໂດຍຈະເພີ່ມເງິນ ສະໜັບສະໜູນຕື່ມຈຳນວນ 100 ຕື້ຢວນ ໃຫ້ແກ່ກອງທຶນ ເສັ້ນທາງສາຍໄໝ ພ້ອມທັງຈະ ດຳເນີນ 100 ໂຄງການເຮືອນ ແຫ່ງຄວາມສຸກ, 100 ໂຄງການ ຫຼຸຸດຜ່ອນຄວາມທຸກຍາກ ແລະ 100 ໂຄງການຟື້ນຟູ ແລະ ຮັກ ສາສຸຂະພາບຢູ່ໃນບັນດາປະ ເທດທີ່ນອນຢູ່ໃນໜຶ່ງແລວທາງ ໜຶ່ງເສັ້ນທາງ ພ້ອມກັນນັ້ນ ທ່ານປະທານ ສີຈິ້ນຜິງ ຍັງ ໄດ້ປະກາດໃນກອງປະຊຸມຖະ ແຫຼງຂ່າວວ່າ: ສປ ຈີນ ຈະຈັດ ກອງປະຊຸມເວທີປຶກສາຫາລື ຂັ້ນສູງ ວ່າດ້ວຍການຮ່ວມມືສາ ກົນ ໜຶ່ງແລວທາງ ໜຶ່ງເສັ້ນທາງ ຄັ້ງທີ 2 ໃນປີ 2019. ໃນວັນທີ 15 ພຶດສະພາ 2017, ທ່ານປະທານປະເທດ ບຸນຍັງ ວໍລະຈິດ ພ້ອມດ້ວຍ ຄະນະໄດ້ເຂົ້າຮ່ວມກອງປະ ຊຸມໂຕະມົນບັນດາຜູ້ນຳ. ກອງ ປະຊຸມຄັ້ງນີ້ໄດ້ປຶກສາຫາລື ກ່ຽວກັບການປະສານສົມທົບ ດ້ານນະໂຍບາຍ ເພື່ອການເປັນ ຄູ່ຮ່ວມທີ່ໃກ້ຊິດກັນຫຼາຍຂຶ້ນ ກ່ວາເກົ່າ, ວິທີການຮັດແໜ້ນ ລະຫວ່າງຄົນກັບຄົນ ແລະ ການ ຮ່ວມມືດ້ານການເຊື່ອມຈອດ ເພື່ອການພັດທະນາທີ່ຕິດຈອດ ກັນ ເພື່ອຊອກຊ່ອງທາງແກ້ໄຂ ສະພາບເສດຖະກິດຂອງໂລກ ໃນປັດຈຸບັນ ແລະ ວາງແນວ ທາງເສດຖະກິດໃນອະນາຄົດ, ເປັນຕົ້ນການຮ່ວມມືດ້ານເສດ ຖະກິດ, ນະໂຍບາຍການເງິນ ແລະ ການພັດທະນາເສດຖະ ກິດຂອງພາກພື້ນ ແລະ ສາກົນ ແລະ ເພື່ອສົ່ງເສີມການເປັນຄູ່ ຮ່ວມ ເພື່ອການພັດທະນາ, ສ້າງ ຂະບວນໂລກາພິວັດໃຫ້ເປີດ ກວ້າງກວມລວມ ແລະ ແລກ ປ່ຽນບັນດາຂະບວນການວິວັດ ທີ່ເປັນປະໂຫຍດແກ່ທຸກຝ່າຍ. ກອງປະຊຸມໄດ້ຮັບຮອງ ເອົາຖະແຫຼງການຮ່ວມກອງ ປະຊຸມໂຕະມົນຂອງບັນດາຜູ້ ນຳເວທີປຶກສາຫາລືຂັ້ນສູງວ່າ ດ້ວຍການຮ່ວມມືສາກົນ "ໜຶ່ງ ແລວທາງ ໜຶ່ງເສັ້ນທາງ" ໂດຍ ໄດ້ກຳນົດບັນດາຈຸດປະສົງເປົ້າ ໝາຍ, ຫຼັກການ ແລະ ມາດຕະ ການຮ່ວມມື ພ້ອມທັງກຳນົດວິ ໄສທັດຂອງບັນດາຜູ້ນຳກ່ຽວ ກັບການຮ່ວມມືໃນອະນາຄົດ. ຖະແຫຼງການຮ່ວມດັ່ງກ່າວຈະ ເປັນແນວທາງໃຫ້ແກ່ການສົ່ງ ເສີມການຮ່ວມມືສອງຝ່າຍ, ຫຼາຍຝ່າຍ, ພາກພື້ນ ແລະ ສາ ກົນ ໃນການເຊື່ອມຈອດດ້ານ ການຄ້າ, ການລົງທຶນ, ການ ພັດທະນາພື້ນຖານໂຄງລ່າງ ແລະ ການພົວພັນລະຫວ່າງຄົນ ກັບຄົນ ໂດຍສະເພາະບັນດາ ປະເທດດ້ອຍພັດທະນາ, ກຳ ລັງພັດທະນາທີ່ບໍ່ມີທາງອອກສູ່ ທະເລ, ປະເທດໝູ່ເກາະນ້ອຍ ກຳລັງພັດທະນາ ແລະ ປະເທດ ທີ່ມີລາຍຮັບປານກາງຈະໄດ້ ຮັບສິດທິພິເສດ ເພື່ອແກ້ໄຂບັນ ດາສິ່ງກີດຂວາງການພັດທະ ນາ ແລະ ເຮັດໃຫ້ການເຊື່ອມ ຈອດດຳເນີນໄປດ້ວຍປະສິດທິ ຜົນສູງ. ໃນການເຂົ້າຮ່ວມກອງ ປະຊຸມຄັ້ງນີ້, ທ່ານປະທານປະ ເທດ ບຸນຍັງ ວໍລະຈິດ ໄດ້ປະ ກອບຄຳເຫັນວ່າ: ການເຊື່ອມ ຈອດມີບົດບາດສຳຄັນ ໃນການ ສ້າງເງື່ອນໄຂທີ່ເອື້ອອຳນວຍ ໃຫ້ແກ່ການພັດທະນາທີ່ຕິດ ຈອດກັນ, ການພັດທະນາແບບ ຍືນຍົງ ແລະ ຮັບປະກັນຜົນປະ ໂຫຍດດ້ານເສດຖະກິດ-ສັງ ຄົມ ພ້ອມທັງໄດ້ຕີລາຄາສູງຕໍ່ ຄວາມສຳຄັນ ແລະ ສະໜັບສະ ໜູນຂໍ້ລິເລີ່ມ ໜຶ່ງແລວທາງ ໜຶ່ງ ເສັ້ນທາງ ຊຶ່ງ ສປປ ລາວ ກຽມ ພ້ອມເຂົ້າຮ່ວມການຈັດຕັ້ງປະ ຕິບັດບັນດາກິດຈະກຳ ແລະ ໂຄງການຕ່າງໆຕາມຄວາມສາ ມາດຂອງຕົນ ເພື່ອນຳຜົນປະ ໂຫຍດມາສູ່ພາກພື້ນ ແລະ ສົ່ງ ເສີມການເຊື່ອມຈອດຂອງບັນ ດາປະເທດຕາມແລວທາງ. ຂໍ້ ລິເລີ່ມດັ່ງກ່າວນີ້ຈະປະກອບ ສ່ວນອັນສຳຄັນ, ເຮັດໃຫ້ນະໂຍ ບາຍຫັນຈາກປະເທດບໍ່ມີຊາຍ ແດນຕິດກັບທະເລ ໄປເປັນປະ ເທດເຊື່ອມຈອດກັບພາກພື້ນ ຂອງ ສປປ ລາວ ປະກົດຜົນ ເປັນຈິງ. ໃນໂອກາດນີ້, ທ່ານ ປະທານປະເທດ ໄດ້ສະແດງ ຄວາມຫວັງວ່າໃນການຈັດຕັ້ງ ປະຕິບັດຂໍ້ລິເລີ່ມດັ່ງກ່າວນີ້ ບັນ ດາປະເທດດ້ອຍພັດທະນາກໍຄື ປະເທດບໍ່ມີຊາຍແດນຕິດກັບ ທະເລຈະໄດ້ຮັບການສະໜັບ ສະໜູນ ແລະ ການຮ່ວມມືຈາກ ບັນດາປະເທດທີ່ມີທ່າແຮງກໍຄື ບັນດາອົງການຈັດຕັ້ງສາກົນ ຕ່າງໆຫຼາຍຂຶ້ນຕື່ມ ໃນການ ພັດທະນາລະບົບການເຊື່ອມ ຈອດດ້ານຕ່າງໆ. ກອງປະຊຸມ ໜຶ່ງແລວທາງ ໜຶ່ງເສັ້ນທາງແມ່ນ ສະແດງອອກເຖິງຈຸດປະສົງ ຂອງຈິດໃຈແຫ່ງການມີໄຊຮ່ວມ ກັນ ແລະ ມີຜົນປະໂຫຍດຮ່ວມ ກັນ. ໃນຕອນເຊົ້າວັນທີ 16 ພຶດ ສະພາ 2017, ທ່ານ ບຸນຍັງ ວໍລະຈິດ ເລຂາທິການໃຫຍ່ ພັກ ປະຊາຊົນ ປະຕິວັດລາວ ປະທານປະເທດ ແຫ່ງ ສປປ ລາວ ພ້ອມດ້ວຍຄະນະໄດ້ພົບ ປະກັບທ່ານ ສີຈິ້ນຜິງ ເລຂາທິ ການໃຫຍ່ ພັກປະຊາຊົນຈີນ ປະທານປະເທດ ແຫ່ງ ສປ ຈີນ ທີ່ນະຄອນຫຼວງປັກກິ່ງ, ສອງ ຝ່າຍໄດ້ແລກປ່ຽນຄຳຄິດຄຳ ເຫັນກ່ຽວກັບການຮ່ວມມືຂອງ ສອງພັກ ແລະ ສອງລັດ ໂດຍ ໄດ້ສະແດງຄວາມຊົມເຊີຍຕໍ່ ບັນດາໝາກຜົນຂອງການຮ່ວມ ມືທີ່ໄດ້ຮັບການເສີມຂະຫຍາຍ ອອກທັງທາງກວ້າງ ແລະ ທາງ ເລິກຕາມທິດ 4 ດີ (ເປັນເພື່ອນ ບ້ານທີ່ດີ, ເປັນມິດທີ່ດີ, ເປັນ ສະຫາຍທີ່ດີ ແລະ ເປັນຄູ່ຮ່ວມ ມືທີ່ດີ) ແລະ ການເປັນຄູ່ຮ່ວມ ມືຍຸດທະສາດຮອບດ້ານ. ທັງ ສອງຜູ້ນຳໄດ້ເຫັນດີໃຫ້ເຈົ້າໜ້າ ທີ່ທັງສອງຝ່າຍ ສືບຕໍ່ເພີ່ມທະວີ ແລະ ຊຸກຍູ້ສົ່ງເສີມການພົວພັນ ຮ່ວມມື ລາວ-ຈີນ ໃຫ້ເສີມຂະ ຫຍາຍຍິ່ງຂຶ້ນ. ໃນໂອກາດນີ້, ທ່ານ ບຸນຍັງ ວໍລະຈິດ ໄດ້ສະ ແດງຄວາມຊົມເຊີຍຕໍ່ການເປັນ ເຈົ້າພາບກອງປະຊຸມເວທີປຶກ ສາຫາລືຂັ້ນສູງ ວ່າດ້ວຍການ ຮ່ວມມືສາກົນ "ໜຶ່ງແລວທາງ ໜຶ່ງເສັ້ນທາງ" ທີ່ໄດ້ຮັບຜົນສຳ ເລັດຢ່າງຈົບງາມ ພ້ອມທັງໄດ້ ເຊື້ອເຊີນທ່ານ ສີຈິ້ນຜິງ ມາ ຢ້ຽມຢາມ ສປປ ລາວ ໃນໂອ ກາດທີ່ເໝາະສົມ. ໃນຂະນະ ດຽວກັນ, ທ່ານປະທານ ສີຈິ້ນຜິງ ກໍໄດ້ສະແດງຄວາມຍິນດີຕ້ອນ ຮັບ ແລະ ຂອບໃຈຕໍ່ທ່ານປະ ທານປະເທດທີ່ໄດ້ນຳພາຄະ ນະມາຢ້ຽມຢາມ ສປ ຈີນ ແລະ ໄດ້ເຂົ້າຮ່ວມກອງປະຊຸມເວທີ ປຶກສາຫາລືຂັ້ນສູງທີ່ ສປ ຈີນ ເປັນເຈົ້າພາບຄັ້ງນີ້ ພ້ອມທັງ ສະແດງຄວາມຊົມເຊີຍຕໍ່ ສປປ ລາວ ທີ່ໃຫ້ການສະໜັບສະໜູນ ແລະ ເຂົ້າຮ່ວມຍຸດທະສາດໜຶ່ງ ແລວທາງ ໜຶ່ງເສັ້ນທາງ. ນອກ ຈາກການຮ່ວມມືສອງຝ່າຍ ແລ້ວ, ຜູ້ນຳທັງສອງຍັງໄດ້ແລກ ປ່ຽນຄຳຄິດຄຳເຫັນກ່ຽວກັບສະ ພາບການສາກົນ ແລະ ພາກ ພື້ນ. ພາຍຫຼັງການພົບປະ, ຜູ້ ນຳຂອງສອງປະເທດໄດ້ເປັນ ສັກຂີພິຍານ ໃນການແລກປ່ຽນ ສັນຍາ 9 ສະບັບ ກ່ຽວກັບແຜນ ແມ່ບົດຮ່ວມກັນຊຸກຍູ້ ເພື່ອສ້າງ "ໜຶ່ງແລວທາງ ໜຶ່ງເສັ້ນທາງ" ເສດຖະກິດ-ເຕັກນິກ, ການສຶກ ສາ, ສາທາລະນະສຸກ, ພະລັງ ງານໄຟຟ້າ ແລະ ການເງິນ. ນອກຈາກນັ້ນ, ທ່ານປະ ທານປະເທດ ບຸນຍັງ ວໍລະຈິດ ຍັງໄດ້ພົບປະຫາລື ກ່ຽວກັບການ ເສີມຂະຫຍາຍສາຍພົວພັນ ລາວ-ຈີນກັບການນຳຈີນບາງ ທ່ານເຊັ່ນ: ທ່ານ ລີ ເຄີ ສຽງ ຄະນະປະຈຳກົມການເມືອງ ສູນກາງພັກ ນາຍົກລັດຖະມົນ ຕີ ແຫ່ງ ສປ ຈີນ ແລະ ທ່ານ ຫວັງ ສີ ຊານ ຄະນະປະຈຳ ກົມການເມືອງສູນກາງພັກ ປະທານຄະນະກວດກາລະ ບຽບວິໄນສູນກາງພັກກອມມູ ນິດຈີນ ພ້ອມທັງໄດ້ຢ້ຽມຢາມ ພົບປະໂລ້ລົມກັບພະນັກງານ ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ສປ ຈີນ ລວມທັງນັກສຶກສາລາວທີ່ ຮຽນຢູ່ນະຄອນຫຼວງປັກກິ່ງຈຳ ນວນໜຶ່ງ ໃນວັນທີ 16-17 ພຶດ ສະພາ 2017 ທ່ານປະທານປະ ເທດ ຍັງໄດ້ເດີນທາງໄປຢ້ຽມ ຢາມ ແລະ ພົບປະການນຳແຂວງ ຢຸນນານຕື່ມອີກ ຊຶ່ງສອງຝ່າຍ ໄດ້ປຶກສາຫາລື ເພື່ອເສີມຂະ ຫຍາຍສາຍພົວພັນຮ່ວມມືທີ່ດີ ຮອບດ້ານກັບແຂວງຢຸນນານ ໃຫ້ສືບຕໍ່ຂະຫຍາຍຕົວເລິກເຊິ່ງ ຕື່ມອີກ, ການນຳແຂວງຢຸນ ນານໄດ້ໃຫ້ການຕ້ອນຮັບທ່ານ ປະທານປະເທດ ບຸນຍັງ ວໍລະຈິດ ພ້ອມດ້ວຍຄະນະຢ່າງອົບອຸ່ນ ແລະ ດ້ວຍໄມຕີຈິດມິດຕະພາບ ອັນດູດດື່ມ. ໃນໄລຍະເຄື່ອນໄຫວຢ້ຽມ ຢາມ ສປ ຈີນ, ທ່ານ ນາງ ຄຳເມິງ ວໍລະຈິດ ພັນລະຍາຂອງທ່ານ ປະທານປະເທດໄດ້ຕິດຕາມ ເຄື່ອນໄຫວນຳລາຍການທີ່ສຳ ຄັນຂອງທ່ານປະທານປະເທດ ແລະ ໄດ້ໄປຢ້ຽມຊົມພະລາດ ຊະວັງຕ້ອງຫ້າມ ພ້ອມທັງຢ້ຽມ ຢາມສະຖານທີ່ທຸລະກິດຂອງ ຈີນຈຳນວນໜຶ່ງ. ຕິດຕາມທ່ານເລຂາທິການ ໃຫຍ່ ປະທານປະເທດ ບຸນຍັງ ວໍລະຈິດ ໄປ ສປ ຈີນ ຄັ້ງນີ້ຍັງ ມີທ່ານ ບຸນທອງ ຈິດມະນີ ກຳມະການກົມການເມືອງສູນ ກາງພັກ ປະທານກວດກາສູນ ກາງພັກ ຮອງນາຍົກລັດຖະ ມົນຕີ ປະທານອົງການກວດ ກາລັດຖະບານ ຫົວໜ້າຄະນະ ກຳມະການຕ້ານການສໍ້ລາດ ບັງຫຼວງຂັ້ນສູງກາງ ແລະ ຄະ ນະຜູ້ແທນຂັ້ນສູງຂອງພັກ ແລະ ລັດ ທີ່ສຳຄັນຈຳນວນໜຶ່ງ. ນອກຈາກນັ້ນ, ທ່ານ ສະເຫຼີມໄຊ ກົມມະສິດ ລັດ ຖະມົນຕີກະຊວງການຕ່າງປະ ເທດ ແລະ ບັນດາລັດຖະມົນຕີ ທີ່ກ່ຽວຂ້ອງຂອງ ສປປ ລາວ ກໍ ໄດ້ເຂົ້າຮ່ວມກອງປະຊຸມເປັນ ແຕ່ລະຫົວຂໍ້ ໂດຍກອງປະຊຸມ ໄດ້ປຶກສາຫາລື ກ່ຽວກັບການ ເຊື່ອມຕໍ່ດ້ານຍຸດທະສາດ ແລະ ນະໂຍບາຍຕ່າງໆ, ດ້ານໂຄງ ລ່າງພື້ນຖານ, ການຄ້າເສລີ ແລະ ການເຊື່ອມຕໍ່ດ້ານການ ພົວພັນລະຫວ່າງປະຊາຊົນກັບ ປະຊາຊົນ ພ້ອມກັນນັ້ນ ທ່ານ ລັດຖະມົນຕີກະຊວງການຕ່າງ ປະເທດ ຍັງໄດ້ພົບປະສອງ ຝ່າຍກັບທ່ານ ປີເຕີ ຊາຈາໂຕ Peter Szijarto ລັດຖະມົນ ຕີກະຊວງການຕ່າງປະເທດ ແລະ ການຄ້າຮົງກາລີ ເພື່ອ ແລກປ່ຽນຄຳຄິດຄຳເຫັນ ແລະ ປຶກສາຫາລືບັນດາວຽກງານ ກ່ຽວກັບການພົວພັນຮ່ວມມື ລາວ-ຮົງກາລີ ໃນອະນາຄົດ ແລະ ໄດ້ໃຫ້ສຳພາດຂ່າວຕໍ່ສື່ ມວນຊົນຈີນກ່ຽວກັບບົດບາດ ຂອງຂໍ້ລິເລີ່ມ ໜຶ່ງແລວທາງໜຶ່ງ ເສັ້ນທາງຕໍ່ພາກພື້ນ ແລະ ສາ ກົນ ໂດຍສະເພາະຕໍ່ສາຍພົວ ພັນ ແລະ ການຮ່ວມມືລະຫວ່າງ ລາວ-ຈີນ ໃນໄລຍະຜ່ານມາ ແລະ ອະນາຄົດ.