ສານສະແດງຄວາມເຫັນໃຈ


    ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ສົ່ງສານສະແດງຄວາມເຫັນໃຈເຖິງທ່ານ ແຊ ບາຮາດູດືບາ ນາຍົກລັດຖະມົນຕີ ແຫ່ງ ສະຫະພັນ ສາທາລະນະລັດ ປະຊາ ທິປະໄຕ ເນປານ ເມື່ອວັນທີ 17 ສິງຫານີ້ ຊຶ່ງມີເນື້ອໃນດັ່ງນີ້: ຂ້າພະເຈົ້າ ໄດ້ຮັບຂ່າວເຫດການດິນຖະຫຼົ່ມ ແລະ ນ້ຳ ຖ້ວມ ເນື່ອງຈາກຝົນຕົກໜັກ ຢູ່ທາງພາກໃຕ້ຂອງເນປານ ໃນ ວັນອາທິດ ທີ 13 ສິງຫາ 2017 ທີ່ຜ່ານມາ, ອັນເປັນເຫດເຮັດ ໃຫ້ມີຜູ້ເສຍຊີວິດ, ພື້ນຖານໂຄງລ່າງ ແລະ ຊັບສິນຂອງປະ ເທດ ຖືກທຳລາຍເປັນຈຳນວນຫຼວງຫຼາຍ.
ໃນນາມລັດຖະບານ ແລະ ປະຊາຊົນ ແຫ່ງ ສາທາລະ ນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນ ຕົວ, ຂ້າພະເຈົ້າ ຂໍສະແດງຄວາມເສົ້າສະຫຼົດໃຈ ແລະ ເຫັນ ໃຈເປັນຢ່າງຍິ່ງ ໂດຍຜ່ານທ່ານໄປຍັງລັດຖະບານ ແລະ ປະ ຊາຊົນ ແຫ່ງ ສະຫະພັນ ສາທາລະນະລັດ ປະຊາທິປະໄຕ ເນປານ ໂດຍສະເພາະຕໍ່ຄອບຄົວຂອງຜູ້ທີ່ໄດ້ຮັບເຄາະຮ້າຍ ຈາກ ໄພທຳມະຊາດໃນຄັ້ງນີ້.
ຂ້າພະເຈົ້າ ເຊື່ອໝັ້ນວ່າ ພາຍໃຕ້ຄວາມພະຍາຍາມຂອງ ລັດຖະບານ, ປະຊາຊົນເນປານ ຈະສາມາດຜ່ານຜ່າຄວາມ ຫຍຸ້ງຍາກ ແລະ ຟື້ນຟູຊີວິດການເປັນຢູ່ຂອງປະຊາຊົນທີ່ໄດ້ ຮັບເຄາະຮ້າຍຈາກໄພທຳມະຊາດ ໃນຄັ້ງນີ້ ໃຫ້ກັບຄືນສູ່ສະ ພາບປົກກະຕິໂດຍໄວ.