ປະທານປະເທດ ຕ້ອນຮັບລັດຖະມົນຕີຕ່າງປະເທດອາແຊັກໄບຊານ ເຂົ້າຢ້ຽມຂໍ່ານັບ


...

    

ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ຕ້ອນຮັບ ທ່ານ ເອລມາ ມຳມາ ເດຍຣົບ (Elmar Mammadyarov) ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະ ລັດ ອາແຊັກໄບຊານ ພ້ອມດ້ວຍຄະນະເຂົ້າຢ້ຽມຂ່ຳນັບ ໃນຕອນແລງວັນທີ 15 ກັນຍານີ້ ທີ່ທຳນຽບ ປະທານປະເທດ ໃນໂອກາດເດີນທາງມາຢ້ຽມຢາມລາວ ຢ່າງເປັນທາງການ ລະຫວ່າງ ວັນທີ 15-16 ກັນຍາຜ່ານມາ ຕາມຄຳເຊີນຂອງລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ. ໃນໂອກາດຕ້ອນຮັບຄັ້ງນີ້ ທ່ານປະທານປະເທດເຮົາ ໄດ້ກ່າວສະແດງຕ້ອນຮັບ ແລະ ຊົມເຊີຍຕໍ່ການເດີນທາງມາ ຢ້ຽມຢາມ ສປປ ລາວ ຊຶ່ງມີ ຄວາມໝາຍສຳຄັນ ໃນການຮັດ ແໜ້ນ ແລະ ເສີມຂະຫຍາຍ ສາຍພົວພັນມິດຕະພາບ ແລະ ການຮ່ວມມື ທີ່ມີມູນເຊື້ອດີ ງາມ ລະຫວ່າງສອງປະເທດ ສປປ ລາວ- ສາທາລະນະລັດ ອາແຊັກໄບຊານ ໃຫ້ກ້າວເຂົ້າສູ່ ລະດັບໃໝ່ບົນພື້ນຖານຄວາມ ເຂົ້າອົກເຂົ້າໃຈຊຶ່ງກັນ ແລະ ກັນ ແລະ ຕ່າງຝ່າຍ ຕ່າງໄດ້ ຮັບຜົນປະໂຫຍດ. ທ່ານປະທານປະເທດຍັງ ໄດ້ກ່າວສະແດງຄວາມຍິນດີ ທີ່ທັງສອງກະຊວງການຕ່າງປະ ເທດລາວ-ອາແຊັກໄບຊານ ໄດ້ພົບປະເຈລະຈາໃນຄັ້ງນີ້ ຖືເປັນຄັ້ງທີ 2 ໃນປີ 2017 ແລະ ຂໍອວຍພອນໃຫ້ທັງສອງ ຝ່າຍໄດ້ຮັບຜົນສຳເລັດ ແລະ ນຳຜົນປະໂຫຍດມາສູ່ການພົວ ພັນສອງຝ່າຍຍິ່ງໆຂຶ້ນ. ໃນວັນດຽວກັນນີ້ ທີ່ກະ ຊວງການຕ່າງປະເທດກໍໄດ້ມີ ການພົບປະສອງຝ່າຍ ຊຶ່ງຝ່າຍ ລາວ ນຳໂດຍ ທ່ານ ສະເຫຼີມໄຊ ກົມມະສິດ ລັດຖະມົນຕີກະ ຊວງການຕ່າງປະເທດ ພ້ອມ ຄະນະ ແລະ ຝ່າຍອາແຊັກໄບ ຊານ ນຳໂດຍ ທ່ານ ເອລມາ ມຳມາ ເດຍຣົບ ລັດຖະມົນຕີກະ ຊວງການຕ່າງປະເທດອາແຊັກ ໄບຊານ, ການພົບປະຄັ້ງນີ້ສອງ ຝ່າຍໄດ້ຕີລາຄາສູງຕໍ່ສາຍພົວ ພັນມິດຕະພາບ ແລະ ການ ຮ່ວມມືອັນດີງາມທີ່ມີມາແຕ່ ດົນນານຂອງສອງປະເທດໄດ້ ຮັບການເສີມຂະຫຍາຍເປັນ ຢ່າງດີ ໃນໄລຍະຜ່ານມາ ໂດຍ ສະເພາະແມ່ນການຢ້ຽມຢາມ ທາງການອາແຊັກໄບຊານ ຄັ້ງ ປະຫວັດສາດຂອງທ່ານລັດຖະ ມົນຕີກະຊວງການຕ່າງປະເທດ ລາວ ແລະ ຄະນະ ໃນເດືອນ ມີຖຸນາ 2017 ຜ່ານມາ ພ້ອມ ກັນນັ້ນ ສອງຝ່າຍໄດ້ເຫັນດີຈະ ສືບຕໍ່ຊຸກຍູ້ການແລກປ່ຽນການ ຢ້ຽມຢາມຊຶ່ງກັນ ແລະ ກັນໃນ ທຸກລະດັບ ເພື່ອປຶກສາຫາລື, ຖອດຖອນບົດຮຽນ ແລະ ຊຸກຍູ້ ການຮ່ວມມືສອງຝ່າຍທີ່ມີມາ ແລ້ວນັ້ນ ໃຫ້ມີປະສິດທິຜົນສູງ ຂຶ້ນ ໂດຍສະເພາະສືບຕໍ່ຊຸກຍູ້ ການຮ່ວມມືໃນດ້ານເສດຖະ ກິດ - ການຄ້າ, ການລົງທຶນ, ພະລັງງານ, ບໍ່ແຮ່, ກະສິກຳ, ອຸດສາຫະກຳປຸງແຕ່ງ, ການສຶກ ສາ, ການທ່ອງທ່ຽວ ແລະ ດ້ານ ອື່ນໆ ທີ່ສອງຝ່າຍມີທ່າແຮງ ແລະ ມີຄວາມສົນໃຈຮ່ວມກັນ, ເວົ້າລວມແມ່ນເຫັນດີໃຫ້ສືບຕໍ່ ສະໜັບສະໜູນຊຶ່ງກັນ ແລະ ກັນ ໃນຂອບການຮ່ວມມືສອງ ຝ່າຍ ແລະ ຫຼາຍຝ່າຍ. ນອກ ຈາກນີ້ ສອງຝ່າຍຍັງໄດ້ແຈ້ງສະພາບ ການພັດທະນາເສດຖະກິດ - ສັງຄົມ ໂດຍຫຍໍ້ຂອງແຕ່ລະ ປະເທດໃຫ້ກັນຊາບ ພ້ອມທັງ ໄດ້ແລກປ່ຽນຄຳຄິດຄຳເຫັນ ກ່ຽວກັບສະພາບການພາກພື້ນ ແລະ ສາກົນທີ່ທັງສອງຝ່າຍມີ ຄວາມສົນໃຈຮ່ວມກັນ. ໃນໂອກາດດັ່ງກ່າວ, ທ່ານ ສະເຫຼີມໄຊ ກົມມະສິດ ຍັງໄດ້ ສະແດງຄວາມຍິນດີຕ້ອນຮັບຕໍ່ ການຢ້ຽມຢາມທາງການ ສປປ ລາວ ຂອງທ່ານລັດຖະມົນຕີ ຕ່າງປະເທດອາແຊັກໄບຊານ ແລະ ຄະນະໃນຄັ້ງນີ້ ພ້ອມທັງ ໄດ້ຕາງໜ້າໃຫ້ລັດຖະບານ ສປປ ລາວ ສະແດງຄວາມຂອບ ໃຈຕໍ່ລັດຖະບານ ສ.ອາແຊັກ ໄບຊານທີ່ໄດ້ໃຫ້ການຊ່ວຍເຫຼືອ ທາງດ້ານການພັດທະນາຊັບ ພະຍາກອນມະນຸດກໍຄືການໃຫ້ ທຶນແກ່ນັກສຶກສາລາວ ແລະ ທຶນຝຶກອົບຮົມ ຫຼື ການໄປທັດ ສະນະສຶກສາໄລຍະສັ້ນທີ່ອາ ແຊັກໄບຊານໃຫ້ແກ່ພະນັກ ງານຂັ້ນຕ່າງໆຂອງ ສປປ ລາວ ໃນໄລຍະຜ່ານມາ ແລະ ສະ ເໜີໃຫ້ສືບຕໍ່ການຊ່ວຍເຫຼືອດັ່ງ ກ່າວ ເພື່ອແລກປ່ຽນຄວາມຮູ້, ປະສົບການດ້ານວິຊາສະເພາະ ເພື່ອໝູນໃຊ້ເຂົ້າໃນການພັດ ທະນາປະເທດຊາດຂອງສອງ ປະເທດ. ໃນຂະນະດຽວກັນ, ທ່ານ ລັດຖະມົນຕີ ເອລມາ ມຳມາ ເດຍຣົບ ກໍໄດ້ສະແດງຄວາມ ຂອບໃຈຕໍ່ການຕ້ອນຮັບອັນ ອົບອຸ່ນ ໃນຄັ້ງນີ້ ພ້ອມທັງສະ ແດງຄວາມຂອບໃຈຕໍ່ລັດຖະ ບານ ສປປ ລາວ ທີ່ໄດ້ສະໜັບ ສະໜູນ ສ.ອາແຊັກໄບຊານ ໃນການສະໝັກເລືອກຕັ້ງເປັນ ສະມາຊິກອົງການຕ່າງໆໃນ ຂອບອົງການສະຫະປະຊາ ຊາດ ໃນໄລຍະຜ່ານມາ. ນອກ ນັ້ນ ທ່ານລັດຖະມົນຕີຕ່າງປະ ເທດອາແຊັກໄບຊານຍັງໄດ້ ສະເໜີໃຫ້ມີການສ້າງຕັ້ງສະ ມາຄົມມິດຕະພາບ ອາແຊັກໄບ ຊານ - ລາວ. ພາຍຫຼັງສຳເລັດການພົບ ປະ, ລັດຖະມົນຕີຕ່າງປະເທດ ທັງສອງທ່ານ ລາວ - ອາແຊັກ ໄບຊານກໍໄດ້ເຊັນບົດບັນທຶກ ຄວາມເຂົ້າໃຈລະຫວ່າງກະ ຊວງການຕ່າງປະເທດ ແຫ່ງ ສປປ ລາວ ແລະ ສ.ອາແຊັກ ໄບຊານ ວ່າດ້ວຍການສ້າງຕັ້ງ ການປຶກສາຫາລື ແລະ ການ ຮ່ວມມືຮ່ວມກັນ.