ຫຼວງພະບາງ ໄດ້ຮັບລາງວັນເມືອງສິ່ງແວດລ້ອມຍືນຍົງອາຊຽນ


...

    

ເມືອງຫຼວງພະບາງ ເມືອງມໍລະດົກໂລກ ໄດ້ຮັບລາງວັນ ເມືອງສິ່ງແວດລ້ອມທີ່ຍືນຍົງຂອງອາ ຊຽນ ປະຈຳ ປີ 2017 ໂດຍແມ່ນບັນດາປະເທດສະມາຊິກອາຊຽນຕົກລົງມອບໃຫ້ ຊຶ່ງລາງວັນ ດັ່ງກ່າວ: ໄດ້ເດີນທາງມາເຖິງເມືອງຫຼວງພະບາງເປັນທີ່ຮຽບຮ້ອຍ, ພາຍຫຼັງທີ່ ທ່ານ ສຸກັນ ບຸນຍົງ ເຈົ້າເມືອງຫຼວງພະ ບາງໄດ້ເດີນທາງໄປຮັບເອົາ ລາງວັນດັ່ງກ່າວທີ່ປະເທດບຣູ ໄນດາລູຊາຣາມ. ພິທີຕ້ອນຮັບ ຢ່າງສົມກຽດໄດ້ຈັດຂຶ້ນທີ່ສະ ໜາມບິນສາກົນຫຼວງພະບາງ ໂດຍມີການນຳຂອງເມືອງຫຼວງ ພະບາງ, ການນຳຂອງພະແນກ ການກົມກອງຂອງແຂວງ ແລະ ມວນຊົນຊາວຫຼວງພະບາງໃຫ້ ການຕ້ອນຮັບດ້ວຍຄວາມ ພາກພູມໃຈ. ພາຍຫຼັງທີ່ເດີນ ທາງມາຮອດສະໜາມບິນສາ ກົນຫຼວງພະບາງໄດ້ຈັດຂະ ບວນແຫ່ອ້ອມຕົວເມືອງ ຊຶ່ງ ເລີ່ມຈາກສະໜາມບິນສາ ກົນຫາວັດຊຽງທອງແລ້ວຈັດ ພິທີສູດມຸງຄຸນຢູ່ວັດຊຽງທອງ, ຈາກນັ້ນໄດ້ສືບຕໍ່ຂະບວນແຫ່ ໄປເກັບຮັກສາໄວ້ຢູ່ຫ້ອງວ່າ ການປົກຄອງເມືອງ, ຂະບວນ ແຫ່ເຕັມໄປດ້ວຍຄວາມພາກ ພູມໃຈຂອງຊາວເມືອງຫຼວງພະ ບາງ ຊຶ່ງປະຊາຊົນທີ່ຢູ່ຕາມ ສອງຟາກທາງຕ່າງກໍໄດ້ອອກ ມາຕົບມືຊົມເຊີຍຕ້ອນຮັບ, ສ່ວນພາຍໃນຂະບວນສ່ວນ ໃຫຍ່ແມ່ນນຳໃຊ້ພາຫະນະທີ່ ເປັນມິດຕໍ່ສິ່ງແວດລ້ອມປະ ກອບດ້ວຍຂະບວນເຈົ້າໜ້າທີ່, ຂະບວນເສບດົນຕີພື້ນເມືອງ, ຂະບວນລາງວັນເມືອງສິ່ງແວດ ລ້ອມ ພ້ອມດ້ວຍຂະບວນເປົ່າ ຫອຍສັງ, ຂະບວນລົດຖີບ, ຕາມ ດ້ວຍຂະບວນການນຳ ແລະ ມວນຊົນທົ່ວໄປ ສຳລັບລາງ ວັນເມືອງສິ່ງແວດລ້ອມທີ່ຍືນ ຍົງຂອງອາຊຽນແມ່ນມີ 3 ເງື່ອນ ໄຂຄື: ຄຸນນະພາບດິນ, ຄຸນນະ ພາບນ້ຳ ແລະ ຄຸນນະພາບອາ ກາດ ຊຶ່ງເມືອງຫຼວງພະບາງໄດ້ ຮັບລາງວັນນີ້ມາແລ້ວ 3 ຄັ້ງ, ຄັ້ງນີ້ເປັນຄັ້ງທີ 4.