ຮອງນາຍົກລັດຖະມົນຕີ ຕ້ອນຮັບຄະນະຜູ້ແທນຍີ່ປຸ່ນ


...

    

ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ ຕ້ອນຮັບຄະນະຜູ້ແທນຍີ່ປຸ່ນ ຊຶ່ງນຳໂດຍທ່ານ ອີວາໂອະ ໂຮ ຣິອິ ຮອງລັດຖະມົນຕີກະຊວງ ການຕ່າງປະເທດຍີ່ປຸ່ນ ຝ່າຍ ລັດຖະສະພາ ໃນວັນທີ 18 ກັນຍານີ້ທີ່ສຳນັກງານນາຍົກ ລັດຖະມົນຕີ. ໃນໂອກາດນີ້ທ່ານຮອງນາ ຍົກລັດຖະມົນຕີ ກໍໄດ້ສະແດງ ຄວາມຕ້ອນຮັບ ແລະ ຊົມເຊີຍ ຕໍ່ການມາຢ້ຽມຢາມ ແລະ ເຮັດ ວຽກຢູ່ ສປປ ລາວ ຂອງຄະ ນະຜູ້ແທນ ດັ່ງກ່າວໃນຄັ້ງນີ້ ຊຶ່ງເປັນການປະກອບສ່ວນເສີມ ສ້າງສາຍພົວພັນມິດຕະພາບ ແລະ ການຮ່ວມມືຊ່ວຍເຫຼືອຊຶ່ງ ກັນ ແລະ ກັນລະຫວ່າງ ສປປ ລາວ - ຍີ່ປຸ່ນ ໂດຍສະເພາະ ແມ່ນການຮ່ວມມືຊຸກຍູ້ສົ່ງເສີມ ການພົວພັນລະຫວ່າງສອງກະ ຊວງການຕ່າງປະເທດລາວ - ຍີ່ ປຸ່ນ ໃຫ້ນັບມື້ນັບກວ້າງຂວາງ. ທ່ານຮອງລັດຖະມົນຕີກະຊວງ ການຕ່າງປະເທດຍີ່ປຸ່ນຍັງໄດ້ ຕາງໜ້າໃຫ້ຄະນະສະແດງຄວາມ ຂອບໃຈຕໍ່ທ່ານຮອງນາຍົກທີ່ ໄດ້ໃຫ້ການຕ້ອນຮັບທ່ານພ້ອມ ດ້ວຍຄະນະ ແລະ ໄດ້ລາຍງານ ການມາຢ້ຽມຢາມ ແລະ ເຮັດວຽກ ຢູ່ລາວໃຫ້ທ່ານຮອງນາຍົກລັດ ຖະມົນຕີ ໄດ້ຮັບຊາບ. ໃນວັນດຽວກັນທີ່ກະຊວງ ການຕ່າງປະເທດ ກໍໄດ້ມີການ ພົບປະສອງຝ່າຍ ຊຶ່ງຝ່າຍລາວ ນຳໂດຍ ທ່ານນາງ ຄຳເພົາ ເອີນທະວັນ ຮອງລັດຖະມົນ ຕີ ກະຊວງການຕ່າງປະເທດ ພ້ອມດ້ວຍຄະນະ ແລະ ຝ່າຍ ຍີ່ປຸ່ນ, ທ່ານ ອີວາໂອະ ໂຮຣິອິ ຮອງລັດຖະມົນຕີກະຊວງການ ຕ່າງປະເທດຍີ່ປຸ່ນຝ່າຍລັດຖະ ສະພາພ້ອມດ້ວຍຄະນະ. ການພົບປະຄັ້ງນີ້ສອງຝ່າຍ ໄດ້ຕີລາຄາສູງຕໍ່ສາຍພົວພັນ ມິດຕະພາບ ແລະ ການຮ່ວມມື ລະຫວ່າງ ສປປ ລາວ ແລະ ຍີ່ປຸ່ນ ຕະຫຼອດໄລຍະ 62 ປີ ຜ່ານມາທີ່ນັບມື້ນັບໄດ້ຮັບການ ພັດທະນາ ແລະ ຂະຫຍາຍຕົວ ຂຶ້ນເລື້ອຍໆ ພາຍໃຕ້ການເປັນ ຄູ່ຮ່ວມມືຍຸດທະສາດ, ຊຶ່ງເຫັນ ໄດ້ຈາກການແລກປ່ຽນການ ຢ້ຽມຢາມຢ່າງເປັນປົກກະຕິ ຂອງຄະນະຜູ້ແທນສອງປະ ເທດນັບແຕ່ລະດັບການນຳຂັ້ນ ສູງ ຈົນເຖິງຂັ້ນພະນັກງານວິ ຊາການ ແລະ ປະຊາຊົນຂອງ ສອງປະເທດ. ພ້ອມກັນນັ້ນ, ສອງຝ່າຍຍັງເຫັນດີຈະສືບຕໍ່ ຜັນຂະຫຍາຍການປະຕິບັດ ແຜນການຮ່ວມມືລາວ - ຍີ່ປຸ່ນ ເພື່ອພັດທະນາ ສປປ ລາວ ແບບຍືນຍົງ ໂດຍປະຕິບັດຄຽງ ຄູ່ກັບແຜນພັດທະນາເສດຖະ ກິດ - ສັງຄົມ ແຫ່ງຊາດ 5 ປີ ຄັ້ງທີ 8 ຂອງ ສປປ ລາວ (2016 - 2020); ການຂະຫຍາຍການຮ່ວມມືໃຫ້ ຫຼາຍຂຶ້ນ ລະຫວ່າງສອງກະຊວງ ການຕ່າງປະເທດ ສປປ ລາວ ແລະ ຍີ່ປຸ່ນ ໂດຍສະເພາະການ ຈັດໂຄງການຮ່ວມມື ເພື່ອແລກ ປ່ຽນບົດຮຽນເຊັ່ນ: ການຈັດຝຶກ ອົບຮົມໃຫ້ແກ່ນັກການທູດໜຸ່ມ ນ້ອຍຂອງ ສປປ ລາວ ແລະ ອື່ນໆ ເພື່ອຮັບໃຊ້ການພົວພັນ ຮ່ວມມືສອງປະເທດທີ່ນັບມື້ ນັບຫຼາຍຂຶ້ນ ນອກນັ້ນ ສອງ ຝ່າຍຍັງໄດ້ແລກປ່ຽນຄຳຄິດ ຄຳເຫັນກ່ຽວກັບສະພາບການ ພາກພື້ນ ແລະ ສາກົນທີ່ມີ ຄວາມສົນໃຈຮ່ວມກັນ. ໃນໂອກາດດັ່ງກ່າວນີ້, ທ່ານຮອງລັດຖະມົນຕີ ນາງ ຄຳເພົາ ເອີນທະວັນ ກໍໄດ້ສະ ແດງຄວາມຍິນດີຕ້ອນຮັບການ ຢ້ຽມຢາມ ສປປ ລາວ ຂອງ ທ່ານ ອິວາໂອະ ໂຮຣິອິ ແລະ ສະແດງຄວາມຊົມເຊີຍທີ່ທ່ານ ໄດ້ຮັບການແຕ່ງຕັ້ງເປັນຮອງ ລັດຖະມົນຕີກະຊວງການຕ່າງ ປະເທດຍີ່ປຸ່ນ ຝ່າຍລັດຖະສະ ພາຄົນໃໝ່ ໃນເດືອນສິງຫາ 2017 ຜ່ານມາ; ທ່ານ ນາງ ຄຳເພົາ ເອີນທະວັນ ຍັງໄດ້ສະ ແດງຄວາມຂອບໃຈ ແລະ ຮູ້ ບຸນຄຸນຕໍ່ລັດຖະບານ ແລະ ປະ ຊາຊົນຍີ່ປຸ່ນ ໃນການຊ່ວຍເຫຼືອ ທາງການ ເພື່ອການພັດທະນາ (Official Development Assistance-ODA) ໂດຍສະ ເພາະໂຄງການກໍ່ສ້າງໂຮງຮຽນ ມັດທະຍົມຕອນຕົ້ນຢູ່ພາກກາງ ແລະ ພາກໃຕ້ຂອງລາວຈຳນວນ 37 ຫັຼງ, ມູນຄ່າປະມານ 13,7 ລ້ານໂດລາສະຫະລັດ ທີ່ຈະມີ ການລົງນາມ ໃນເດືອນຕຸລາ 2017 ທີ່ຈະມາເຖິງນີ້ ຊຶ່ງໂຄງ ການດັ່ງກ່າວ ລັດຖະບານລາວ ຖືເປັນບຸລິມະສິດ ໃນດ້ານການ ພັດທະນາຊັບພະຍາກອນມະ ນຸດ ເພື່ອບັນລຸເປົ້າໝາຍສະຫັດ ສະວັດ 2020 ພ້ອມນັ້ນ ທ່ານ ຍັງໄດ້ສະແດງຄວາມຂອບໃຈ ຕໍ່ຍີ່ປຸ່ນທີ່ໄດ້ສົ່ງອາສາສະໝັກ ແລະ ຊ່ຽວຊານໄປຖ່າຍທອດ ຄວາມຮູ້ ແລະ ປະສົບການໃຫ້ ແກ່ພະນັກງານ ແລະ ປະຊາ ຊົນ. ໃນໂອກາດດຽວກັນ, ທ່ານ ຮອງລັດຖະມົນຕີຕ່າງປະເທດ ຍີ່ປຸ່ນກໍໄດ້ສະແດງຄວາມຂອບ ໃຈຕໍ່ການຕ້ອນຮັບອັນອົບອຸ່ນ ແລະ ຂອບໃຈຕໍ່ລັດຖະບານ ສປປ ລາວ ທີ່ໄດ້ສະໜັບສະ ໜູນຍີ່ປຸ່ນ ໃນການສະໝັກເຂົ້າ ເປັນສະມາຊິກຂອງອົງການ ເຄືອຂ່າຍຕ່າງໆຂອງອົງການ ສະຫະປະຊາຊາດເລື້ອຍໆມາ.