ມະຫະກຳບຸນຊ້າງ ແຂວງໄຊຍະບູລີ ປີ 2017 ຈັດຂຶ້ນຢ່າງ ຄຶກຄື້ນ


...

     ງານມະຫະກຳບຸນຊ້າງ ຄັ້ງທີ 11 ທີ່ແຂວງໄຊຍະບູລີ ໄດ້ຈັດຂຶ້ນຢ່າງເປັນທາງການ ແລະ ຄຶກຄື້ນມ່ວນຊື່ນ, ໃນວັນ ທີ 18 ກຸມພາຜ່ານມານີ້, ທີ່ສະ ໜາມຫຼວງແຂວງໄຊຍະບູລີ, ໂດຍໃຫ້ກຽດເຂົ້າຮ່ວມໃນງານ ບຸນຊ້າງຄັ້ງນີ້ມີທ່ານ ທອງລຸນ ສີສຸລິດ ກຳມະການກົມການ ເມືອງສູນກາງພັກ ນາຍົກລັດ ຖະມົນຕີ ພ້ອມດ້ວຍ ແຂກຖືກ ເຊີນທັງພາຍໃນ ແລະ ຕ່າງປະ ເທດເຂົ້າຮ່ວມຢ່າງຫຼວງຫຼາຍ. ໃນພິທີ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີໄດ້ກ່າວ ໄຂງານມະຫະກຳບຸນຊ້າງ ຄັ້ງ ທີ 11 ຢ່າງເປັນທາງການ ຊຶ່ງ ທ່ານ ໄດ້ກ່າວວ່າ: ຈຸດປະສົງ ຈັດງານມະຫະກຳບຸນຊ້າງທີ່ ແຂວງໄຊຍະລີກໍເພື່ອສືບຕໍ່ ເສີມຂະຫຍາຍຮີດຄອງປະເພ ນີຂອງປະຊາຊົນລາວບັນດາ ເຜົ່າໄດ້ມີວິຖີການດຳເນີນຊີວິດ ຕິດພັນກັບຊ້າງມາແຕ່ດຶກດຳ ບັນ. ເຮັດໃຫ້ທຸກຄົນຮັບຮູ້ບັນ ຫາກ່ຽວກັບຊ້າງຫຼາຍຂຶ້ນແລ້ວ ພ້ອມກັນອະນຸລັກປົກປັກຮັກ ສາຊ້າງໃຫ້ສືບຕໍ່ຍືນຍົງຄົງຕົວ ຢູ່ຄູ່ກັບແຂວງໄຊຍະບູລີຕະ ຫຼອດໄປ. ພ້ອມດຽວກັນນີ້ກໍເພື່ອ ເປັນການໂຄສະນາສົ່ງເສີມການ ທ່ອງທ່ຽວຢູ່ແຂວງໄຊຍະບູລີ ກໍຄືຢູ່ສາທາລະນະລັດ ປະຊາ ທິປະໄຕ ປະຊາຊົນລາວ. ໃຫ້ ນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າຮ່ວມຢ່າງ ຫຼວງຫຼາຍ ທ່ານກ່າວຕື່ມອີກ ວ່າ: ອົງການປົກຄອງແຂວງໄຊ ຍະບູລີ ພ້ອມດ້ວຍປະຊາຊົນ ບັນດາເຜົ່າຊັ້ນຄົນຕ່າງໆໃນ ທົ່ວແຂວງເປັນເຈົ້າພາບຈັດ ງານມະຫະກຳບຸນຊ້າງປະຈຳປີ 2017 ຂຶ້ນບົນດິນແດນສວຍ ສົດງົດງາມ ແລະ ອຸດົມສົມບູນ ດັ່ງຄຳຂວັນທີ່ວ່າ: "ໄຊຍະບູລີ ດິນແດນຍາວສຸດຫຼ້າ, ດ່ານໜ້າ ທີ່ແຂງແກ່ນແດນພູເຂົາແຫ່ງ ຄຳຂຽວ; ຊ້າງຄຳຮູ້ພູໄຟດອກ ຝ້າຍຈັນ; ວັດທະນະທຳເຜົ່າ ຫຼາຍສີສັນພະລັງດັນສູ່ຄວາມ ມັ່ງຄັ່ງ". ໃນພິທີໄດ້ມີການແຫ່ຂະ ບວນກ້ອນກຳລັງຕ່າງໆເຊັ່ນ: ກ້ອນກຳລັງຖືປ້າຍງານມະຫາກຳ ບຸນຊ້າງປີ 2017, ກ້ອນກຳລັງ ຖືປ້າຍໂລໂກ້ທ່ອງທ່ຽວ, ປ້າຍ ໂລໂກບຸນຊ້າງ, ຂະບວນຕາງ ໜ້າ 8 ເຜົ່າ, ຂະບວນເຍົາວະຊົນ ຊາວໜຸ່ມ, ຂະບວນນັກຮຽນ ນັກສຶກສາ, ຊ້າງຈັບປ້າຍຄຳ ຂວັນຍິນດີຕ້ອນຮັບສູ່ງານມະຫະ ກຳບຸນຊ້າງ ປະຈຳປີ 2017. ຂະ ບວນຊ້າງ 68 ເຊືອກ, ຂະບວນທະ ຫານຊ້າງ, ຂະບວນຊ້າງເສິກ, ຂະບວນຊ້າງທ່ອງທ່ຽວ, ຂະ ບວນຊ້າງລ້ຳລຽງອາຫານການ ກິນ, ຊົມສະແດງສິລະປະຂອງ 8 ເຜົ່າ, ຟ້ອນຂັບລ້ອງຮຸ່ງ, ຟ້ອນ ເຂົ້າໜຽວສຽງແຄນ, ເຕັ້ນລີລາ ສີລາດຂອງ 8 ເຜົ່າ, ສິ່ງທີ່ຂາດ ບໍ່ໄດ້ໃນງານມະຫະກຳບຸນຊ້າງ ຄັ້ງນີ້ແມ່ນການສະແດງຂອງ ຊ້າງຄຳຮູ້ມີ 21 ລາຍການຄື: ຊ້າງຄຳຮູ້ຈັບປ້າຍຊົມເຊີຍງານ ມະຫະກຳບຸນຊ້າງ ປະຈຳປີ 2017, ຊ້າງຈັບທຸງຊາດຍ່າງ ອອກໜ້າຂະບວນແຫ່, ຊ້າງຕີ ກອງ, ຊ້າງຢືນລຽນແຖວ ເພື່ອ ຂ່ຳນັບແຂກ ແລະ ປະຕິບັດໃນ ທ່າພື້ນຖານຕາມຄຳສັ່ງ, ຊ້າງ ຊັກທຸງຊາດຂຶ້ນເສົາ, ຊ້າງມອບ ຊໍ່ດອກໄມ້, ຊ້າງດຶງເຊືອກກັບ ຄົນ 100 ຄົນຕໍ່ຊ້າງ 1 ເຊືອກ, ຊ້າງແຕ້ມຮູບ, ຊ້າງເຕະບານ, ຊ້າງແລ່ນແຂ່ງກັນ, ຊ້າງເຂົ້າ ເຄື່ອນ, ຊ້າງໃສ່ໝວກໃຫ້ຄົນ, ຊ້າງແກ່ວງບ້ວງ, ຄົນຂຶ້ນຂີ່ງວງ ຊ້າງ, ຊ້າງຟ້ອນໃສ່ແຄນ, ຊ້າງ ຕັ້ງຫົວຜັກທຽມ, ຊ້າງຍົກ 2 ຂາ ໜ້າ, ຊ້າງນັ່ງຍົກ 2 ຂາໜ້າແລ້ວ ຫັນໜ້າເຂົ້າຫາກັນ, ຊ້າງເປົ່າ ແຄນ, ຊ້າງ 2 ເຊືອກຈັບບ້ວງ ກັນແລ້ວໃຫ້ຄົນນັ່ງທາງກາງ ແລະ ຊ້າງຢືນລຽນເປັນແຖວ ເພື່ອຂອບໃຈ. ນອກຈາກການ ສະແດງຂອງຊ້າງຄຳຮູ້ຢູ່ໃນງານ ຍັງມີການບາສີສູ່ຂວັນຊ້າງ. ຊ້າງ ກິນບຸບເຟ, ຊ້າງລົງອາບນ້ຳ, ຂີ່ ຊ້າງທົ່ວໄປ, ຊົມການສະແດງ ສິລະປະວັນນະຄະດີຈາກພາກ ສ່ວນຕ່າງໆ. ນອກນັ້ນຍັງມີການ ວາງສະແດງສິນຄ້າຈາກຫຼາຍ ພາກສ່ວນທັງພາຍໃນ ແລະ ຕ່າງ ປະເທດອີກ. ໃນພິທີອັນມີຄວາມໝາຍ ສຳຄັນນີ້ ທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ໃຫ້ ກຽດລັ່ນຄ້ອງ 9 ບາດ ແລະ ຕັດແຖບຜ້າໄຂງານມະຫະກຳ ບຸນຊ້າງ ປະຈຳປີ 2017 ທີ່ແຂວງ ໄຊຍະບູລີຢ່າງເປັນທາງການ.