ຄະນະຜູ້ແທນ ສະມາຄົມມິດຕະພາບ ຫວຽດນາມ-ລາວ ເຄື່ອນໄຫວຢ້ຽມຢາມ ສປປ ລາວ


...

     ຄະນະຜູ້ແທນຂັ້ນສູງສະມາຄົມມິດຕະພາບ ຫວຽດນາມ-ລາວ ນຳໂດຍສະຫາຍ ເຈິ່ນວັນຕຸ້ຍ ກຳມະການສູນກາງພັກ ຄະ ນະປະຈຳສະພາແຫ່ງຊາດ ຫົວໜ້າຄະນະຮັບຜິດຊອບວຽກງານ ຜູ້ແທນສະພາ ຮອງຫົວໜ້າຄະນະຈັດຕັ້ງສູນກາງພັກ ປະທານສະ ມາຄົມມິດຕະພາບຫວຽດນາມ-ລາວ ຂັ້ນສູນກາງ ໄດ້ເຂົ້າຢ້ຽມຂ່ຳນັບ ສະຫາຍ ພັນຄຳ ວິພາວັນ ກຳມະການກົມການເມືອງສູນກາງພັກ ຜູ້ປະຈຳການຄະນະເລຂາທິການສູນກາງພັກ ຮອງປະທານປະເທດ ແລະ ສະ ຫາຍ ນາງ ສູນທອນ ໄຊຍະຈັກ ກຳມະການສູນກາງພັກ ຫົວ ໜ້າຄະນະພົວພັນຕ່າງປະເທດ ສູນກາງພັກ. ໃນຕອນບ່າຍຂອງ ວັນທີ 17 ກຸມພານີ້. ການນຳຂອງລາວໄດ້ສະ ແດງຄວາມຕ້ອນຮັບ ແລະ ຕີ ລາຄາສູງຕໍ່ການມາຢ້ຽມຢາມ ລາວຂອງຄະນະ ແລະ ໄດ້ຕີລາ ຄາສູງຕໍ່ສາຍພົວພັນມິດຕະ ພາບອັນເປັນມູນເຊື້ອ, ຄວາມ ສາມັກຄີພິເສດ ແລະ ການຮ່ວມ ມືຮອບດ້ານລະຫວ່າງສອງ ພັກ, ສອງລັດ ແລະ ປະຊາຊົນ ສອງຊາດລາວ-ຫວຽດນາມທີ່ ນັບມື້ໄດ້ຮັບການເສີມຂະຫຍາຍ ທັງທາງກວ້າງ ແລະ ທາງເລິກ. ໃນໂອກາດດັ່ງກ່າວ, ສະຫາຍ ການນຳຂັ້ນສູງຂອງລາວໄດ້ ຊົມເຊີຍ ແລະ ຕີລາຄາສູງຕໍ່ ການພົວພັນຮ່ວມມືຂອງສອງ ສະມາຄົມມິດຕະພາບ ແລະ ເຊື່ອໝັ້ນວ່າ: ສອງຝ່າຍຈະສືບ ຕໍ່ພົວພັນຮ່ວມມື, ແລກປ່ຽນບົດ ຮຽນ ແລະ ຂໍ້ມູນຂ່າວສານນຳ ກັນຢ່າງເປັນປົກກະຕິ. ພ້ອມນີ້ ຍັງໄດ້ຢ້ຳໃຫ້ທັງສອງສະມາ ຄົມສືບຕໍ່ຮ່ວມມືກັນ ໃນການ ສືບຕໍ່ສຶກສາອົບຮົມຊາວໜຸ່ມ, ເຍົາວະຊົນ ແລະ ປະຊາຊົນ ຂອງທັງສອງປະເທດໃຫ້ຮັບຮູ້ ແລະ ເຂົ້າໃຈຢ່າງເລິກເຊິ່ງຕໍ່ ສາຍພົວພັນພິເສດລະຫວ່າງ ສອງຊາດ-ຫວຽດນາມ ໂດຍ ສະເພາະໃຫ້ເຫັນໄດ້ການເສຍ ສະລະອັນໃຫຍ່ຫຼວງຂອງການ ນຳຮຸ່ນກ່ອນ, ຕໍ່ການເສີມຂະ ຫຍາຍສາຍພົວພັນແບບພິ ເສດ, ບໍລິສຸດຜຸດຜ່ອງລະຫວ່າງ ສອງປະເທດ ເພື່ອພ້ອມກັນປົກ ປັກຮັກສາ ແລະ ເສີມຂະຫຍາຍ ໃຫ້ແຕກດອກອອກຜົນສູງຂຶ້ນ ເລື້ອຍໆໄປ. ໃນວັນດຽວກັນໄດ້ມີກອງ ປະຊຸມພົບປະ ລະຫວ່າງຄະນະ ຜູ້ແທນສະມາຄົມມິດຕະພາບ ລາວ-ຫວຽດນາມ ແລະ ຫວຽດ ນາມ-ລາວ ຂັ້ນສູງກາງ. ຝ່າຍ ລາວ ນຳໂດຍສະຫາຍ ວິໄລວົງ ບຸດດາຄຳ ກຳມະການສູນກາງ ພັກຄະນະປະຈຳສະພາແຫ່ງ ຊາດປະທານກຳມາທິການແຜນ ການ, ການເງິນ ແລະ ການກວດ ສອບສະພາແຫ່ງຊາດ ປະທານ ສະມາຄົມມິດຕະພາບ ລາວ- ຫວຽດນາມ ຂັ້ນສູນກາງ ພ້ອມ ດ້ວຍຄະນະ ແລະ ຝ່າຍຫວຽດ ນາມ ນຳໂດຍສະຫາຍ ເຈິ່ນ ວັນຕຸ້ຍ ພ້ອມດ້ວຍຄະນະ. ໃນການພົບປະ ສອງຝ່າຍ ໄດ້ແຈ້ງສະພາບການອັນພົ້ນ ເດັ່ນພາຍໃນປະເທດໃຫ້ກັນ ຊາບ, ສະຫຼຸຸບຕີລາຄາການຮ່ວມ ມືຂອງສອງສະມາຄົມ ໃນໄລ ຍະຜ່ານມາ ແລະ ປຶກສາຫາ ລືກ່ຽວກັບແຜນການຮ່ວມມືລະ ຫວ່າງສອງສະມາຄົມໃນຕໍ່ໜ້າ ໂດຍສະເພາະສອງຝ່າຍໄດ້ ປຶກສາຫາລືກ່ຽວກັບການກະ ກຽມຈັດກິດຈະກຳຮ່ວມກັນ ເພື່ອສະເຫຼີມສະຫຼອງສອງວັນ ປະຫວັດສາດລາວ-ຫວຽດນາມ ຄື: ວັນເຊັນສົນທິສັນຍາມິດຕະ ພາບ ແລະ ການຮ່ວມມື ລາວ- ຫວຽດນາມ ຄົບຮອບ 40 ປີ (18/7/1977-18/7/2017) ແລະ ວັນສ້າງຕັ້ງສາຍພົວພັນ ການທູດ ລາວ-ຫວຽດນາມ ຄົບ ຮອບ 55 ປີ (5/9/1962-5/9/ 2017) ເພື່ອປະກອບສ່ວນເຂົ້າ ໃນການເພີ່ມທະວີສາຍພົວພັນ ມິດຕະພາບອັນເປັນມູນເຊື້ອ, ຄວາມສາມັກຄີພິເສດ ແລະ ການ ຮ່ວມມືຮອບດ້ານລະຫວ່າງ ສອງພັກ, ສອງລັດ ແລະ ປະ ຊາຊົນສອງຊາດ ລາວ-ຫວຽດ ນາມທີ່ປະທານ ໂຮ່ຈິມິນ, ປະ ທານ ໄກສອນ ພົມວິຫານ ແລະ ປະທານ ສຸພານຸວົງ ພ້ອມດ້ວຍ ບັນດາການນຳຮຸ່ນກ່ອນຂອງ ສອງປະເທດໄດ້ກໍ່ຕັ້ງ ແລະ ເພີ່ມ ພູນຄູນສ້າງຢ່າງຖະໜຸຖະໜອມ ຕະຫຼອດມາ. ກອງປະຊຸມໄດ້ ດຳເນີນໄປໃນບັນຍາກາດສະ ໜິດສະໜົມ, ເປັນກັນເອງ ແລະ ເຊື່ອໝັ້ນຕໍ່ກັນ. ນອກຈາກເຄື່ອນໄຫວຢູ່ນະ ຄອນຫຼວງວຽງຈັນແລ້ວ, ຄະນະ ຜູ້ແທນຍັງໄດ້ຢ້ຽມຢາມ ແລະ ຢ້ຽມຊົມສະຖານທີ່ທ່ອງທ່ຽວ ທາງດ້ານປະຫວັດສາດ, ວັດທະ ນະທຳຢູ່ແຂວງຫຼວງພະບາງ.