ຮອງນາຍົກ ຊຸກຍູ້ການພັດທະນາ ຢູ່ເມືອງກະລຶມ


...

     ທ່ານ ສອນໄຊ ສີພັນ ດອນ ກຳມະການກົມການເມືອງ ສູນກາງພັກ ຮອງນາຍົກລັດ ຖະມົນຕີ ພ້ອມຄະນະໄດ້ລົງ ເຄື່ອນໄຫວຢ້ຽມຢາມ ແລະ ເຮັດ ວຽກຢູ່ເມືອງກະລຶມ ເມື່ອບໍ່ດົນ ຜ່ານມານີ້, ໂດຍມີຄະນະນຳ ຂອງແຂວງ ແລະ ເມືອງກະລຶມໃຫ້ການຕ້ອນ ຮັບຢ່າງອົບອຸ່ນ. ທ່ານ ສຸດສະນະ ສີຫາວົງ ກຳມະການພັກແຂວງ ຫົວໜ້າ ພະແນກໂຍທາທິການ ແລະ ຂົນສົ່ງແຂວງເຊກອງໄດ້ຕາງ ໜ້າໃຫ້ອຳນາດການປົກຄອງ ແຂວງກໍຄືເມືອງກະລຶມ ລາຍ ງານການຈັດຕັ້ງປະຕິບັດໂຄງ ການກໍ່ສ້າງກັນຕາຝັ່ງເຈື່ອນໃນ ເທດສະບານເມືອງ ຊຶ່ງທ່ານໃຫ້ ຮູ້ວ່າ: ພາຍຫຼັງໂຄງການກໍ່ສ້າງ ແລະ ຍົກຍ້າຍເມືອງກະລຶມໄດ້ ສຳເລັດ ພ້ອມທັງໄດ້ໄຂນຳໃຊ້ ຢ່າງເປັນທາງການໃນວັນທີ 25 ເມສາ 2015, ມາຮອດປັດຈຸ ບັນສະພາບການເຊາະເຈື່ອນ, ເນື້ອທີ່ດິນ ໃນບໍລິເວນສະຖານ ທີ່ຕັ້ງເຮືອນຂອງປະຊາຊົນ, ສຳ ນັກງານຂອງລັດ ແລະ ເສັ້ນ ທາງພາຍໃນເທດສະບານເມືອງ ມີຄວາມຮຸນແຮງພໍສົມຄວນ ລວມທັງໝົດມີ 25 ຈຸດ, ຜ່ານ ການຄິດໄລ່ມູນຄ່າການກໍ່ສ້າງ ທັງໝົດເກືອບ 64 ຕື້ກີບ ໃນນັ້ນ ມີ 6 ຈຸດທີ່ສົ່ງຜົນກະທົບຢ່າງ ຮ້າຍແຮງ ແລະ ກຳລັງໄດ້ຮັບ ການກໍ່ສ້າງກັນຕາຝັ່ງເຈື່ອນໃຫ້ ສຳເລັດກ່ອນລະດູຝົນປີ 2017 ນີ້, ມູນຄ່າ 31 ຕື້ກ່ວາກີບ ສຳ ລັບມູນຄ່າດັ່ງກ່າວນີ້ຖືວ່າເປັນ ການຄິດໄລ່ຂັ້ນເບື້ອງຕົ້ນ ແລະ ຍັງຈະໄດ້ຄິດໄລ່ກວດກາໃຫ້ແທດ ເໝາະກັບຄວາມເປັນຈິງຕື່ມ ອີກ ໂດຍກະຊວງ ຍທຂ ຮ່ວມ ກັບພະແນກ ຍທຂ ແຂວງເຊ ກອງຈະເປັນຜູ້ຄິດໄລ່-ຜູ້ອອກ ແບບ ແລະ ມອບໃຫ້ກຸ່ມບໍລິ ສັດພອນສັກເປັນຜູ້ສືບຕໍ່ກໍ່ສ້າງ ເພື່ອແກ້ໄຂບັນຫາດິນເຊາະ ເຈື່ອນພາຍໃນເທດສະບານ ເມືອງກະລຶມໃຫ້ສຳເລັດໂດຍໄວ. ໂອກາດດັ່ງກ່າວນີ້, ທ່ານ ສອນໄຊ ສີພັນດອນ ໄດ້ເນັ້ນ ໃຫ້ອຳນາດການປົກຄອງທຸກ ຂັ້ນໃຫ້ເອົາໃຈໃສ່ປະສານສົມ ທົບກັບຂະແໜງການທີ່ກ່ຽວ ຂ້ອງ ແລະ ມີຄວາມເປັນເອກະ ພາບກັນແກ້ໄຂບັນຫາຕ່າງໆ ໃຫ້ລຸລ່ວງໂດຍໄວ ແລະ ທັນ ການ, ຄຸ້ມຄອງການຈັດຕັ້ງປະ ຕິບັດໂຄງການກໍ່ສ້າງພື້ນຖານ ໂຄງລ່າງ, ເປັນຕົ້ນໂຄງການກໍ່ ສ້າງຮີບດ່ວນເຊັ່ນ: ໂຄງການກໍ່ ສ້າງລະບົບກັນເຈື່ອນ, ຮ່ອງລະ ບາຍນ້ຳໃນເທດສະບານເມືອງ ໃຫ້ໄດ້ຮັບຜົນສຳເລັດຢ່າງມີປະ ສິດທິພາບສູງ. ພ້ອມນັ້ນກໍໃຫ້ ເອົາໃຈໃສ່ຊຸກຍູ້ສົ່ງເສີມການ ປູກ, ການລ້ຽງໃຫ້ພໍ່ແມ່ປະຊາ ຊົນບັນດາເຜົ່າໃຫ້ມີຄວາມຕື່ນ ຕົວ ແລະ ເປັນເຈົ້າການໃນການ ສ້າງເສດຖະກິດຄອບຄົວໃຫ້ກຸ້ມ ຕົນເອງ, ເພິ່ງຕົນເອງ ແລະ ສ້າງ ຄວາມເຂັ້ມແຂງດ້ວຍຕົນເອງ ເພື່ອຫຼຸຸດພົ້ນອອກຈາກຄວາມ ທຸກຍາກເທື່ອລະກ້າວ. (ຂ່າວ: ທ. ອັດສະວິນ ແສງສີຈັນ)