ລັດຖະບານລາວ ປະດັບຫຼຽນກາມິດຕະພາບ ໃຫ້ທູດ ກຳປູເຈຍ


...

     ທ່ານ ສະເຫຼີມໄຊ ກົມມະສິດ ລັດຖະມົນຕີກະ ຊວງການຕ່າງປະເທດໄດ້ຕາງ ໜ້າໃຫ້ລັດຖະບານລາວປະ ດັບຫຼຽນກາມິດຕະພາບໃຫ້ແກ່ ທ່ານ ໂຮສ ເສເຣ ທອນ (Hos Sereythonh) ເອກອັກຄະລັດ ຖະທູດວິສາມັນຜູ້ມີອຳນາດ ເຕັມ ແຫ່ງ ລາຊະອານາຈັກກຳ ປູເຈຍ ປະຈຳ ສປປ ລາວ ທີ່ ສຳເລັດການປະຕິບັດໜ້າທີ່ ການທູດຢູ່ ສປປ ລາວ ໃນວັນ ທີ 17 ກຸມພາຜ່ານມານີ້, ທີ່ກະ ຊວງການຕ່າງປະເທດ ເພື່ອ ເປັນການຍ້ອງຍໍຊົມເຊີຍຜົນ ງານທີ່ທ່ານທູດໄດ້ປະກອບ ສ່ວນເຂົ້າໃນການເສີມຂະຫຍາຍ ສາຍພົວພັນມິດຕະພາບ ແລະ ການຮ່ວມມືລະຫວ່າງ 2 ປະເທດໃນໄລຍະ ເວລາ 3 ປີ. ໃນໂອກາດນີ້, ທ່ານເອກ ອັກຄະ ລັດຖະທູດ ໂຮສ ເສເຣທອນ ໄດ້ກ່າວສະແດງຄວາມຂອບໃຈ ຢ່າງສູງຕໍ່ລັດຖະບານກໍຄືກະ ຊວງການຕ່າງປະເທດ ສປປ ລາວທີ່ໄດ້ໃຫ້ການຮ່ວມມື, ສະໜັບສະໜູນຊ່ວຍເຫຼືອ ແລະ ອຳນວຍຄວາມສະດວກ ຕະຫຼອດໄລຍະການປະຕິບັດ ໜ້າທີ່ "ວຽກງານການທູດຂອງທ່ານຢູ່ ສປປ ລາວ ຈົນປະສົບຜົນສຳ ເລັດເປັນຢ່າງດີ. ໃນຕະຫຼອດໄລຍະ 3 ປີ ຜ່ານມາ, ທ່ານ ໂຮສ ເສເຣທອນ (Hos Sereythonh) ໄດ້ເອົາ ໃຈໃສ່ເຄື່ອນໄຫວວຽກງານການ ທູດຢ່າງຫ້າວຫັນ ເພື່ອເສີມຂະ ຫຍາຍ ແລະ ຮັດແໜ້ນສາຍ ພົວພັນມິດຕະພາບອັນເປັນ ມູນເຊື້ອ, ຄວາມສາມັກຄີ ແລະ ການຮ່ວມມື ລະຫວ່າງປະຊາ ຊົນສອງປະເທດ ລາວ-ກຳປູ ເຈຍ, ຕັ້ງໜ້າປະກອບສ່ວນເຂົ້າ ໃນການຊຸກຍູ້ໃຫ້ມີການແລກ ປ່ຽນການຢ້ຽມຢາມຊຶ່ງກັນ ແລະ ກັນຂອງການນຳຫຼາຍລະດັບ ຂອງພັກ, ລັດ, ສະພາ ແລະ ວິ ຊາການຂັ້ນຕ່າງໆ, ເປັນຈຳນວນ ຫຼາຍຄະນະ ໂດຍສະເພາະຢ່າງ ຍິ່ງແມ່ນການຈັດຕັ້ງພິທີສະເຫຼີມ ສະຫຼອງວັນສ້າງຕັ້ງສາຍພົວ ພັນການທູດ ຄົບຮອບ 60 ປີ ລະຫວ່າງ ລາວ ແລະ ກຳປູ ເຈຍຢູ່ນະຄອນຫຼວງວຽງຈັນ, ຊຸກຍູ້ໃຫ້ທ່ານນາຍົກລັດຖະມົນ ຕີ ກຳປູເຈຍ ເຂົ້າຮ່ວມກອງປະ ຊຸມສຸດຍອດອາຊຽນ ຄັ້ງທີ 28 ແລະ 29 ທີ່ ສປປ ລາວ ເປັນ ເຈົ້າພາບ, ຊຸກຍູ້ໃຫ້ທ່ານນາ ຍົກລັດຖະມົນຕີ ສປປ ລາວ ເຂົ້າຮ່ວມກອງປະຊຸມສຸດຍອດ CLV ຢູ່ແຂວງຊຽມຣຽມ ລາຊະ ອານາຈັກ ກຳປູເຈຍ ແລະ ອື່ນໆ. ນອກນີ້ ທ່ານເອກອັກຄະ ລັດຖະທູດຍັງໄດ້ປະກອບສ່ວນ ໃນການຊຸກຍູ້ການຮ່ວມມື ໃນ ດ້ານຕ່າງໆເຊັ່ນ: ດ້ານວັດທະ ນະທຳ-ສັງຄົມ, ປ້ອງກັນຊາດ- ປ້ອງກັນຄວາມສະຫງົບ ໂດຍ ສະເພາະແມ່ນວຽກງານຊາຍ ແດນທີ່ເຫັນວ່າຕະຫຼອດໄລຍະ 3-4 ປີມານີ້, ມີຫຼາຍອັນກ້າວ ໜ້າ, ເປັນຕົ້ນວ່າ: ການເປີດສະ ຖານກົງສຸນໃຫຍ່ຂອງ ສປປ ລາວ ທີ່ແຂວງຊຽງແຕງ ລາຊະ ອານາຈັກ ກຳປູເຈຍ ແລະ ສະ ຖານກົງສຸນໃຫຍ່ຂອງກຳປູເຈຍ ທີ່ແຂວງຈຳປາສັກ ສປປ ລາວ, ການເປີດດ່ານສາກົນ ແລະ ການເປີດນຳໃຊ້ອາຄານດ່ານ ລະຫວ່າງ ສປປ ລາວ ແລະ ລາຊະອານາຈັກ ກຳປູເຈຍ ໂດຍການເຂົ້າຮ່ວມຂອງສອງ ນາຍົກລັດຖະມົນຕີ ແລະ ສອງ ຝ່າຍສາມາດເປີດນຳໃຊ້ໜັງສື ຜ່ານແດນຮ່ວມກັນ ຊຶ່ງເລີ່ມນຳ ໃຊ້ແຕ່ວັນທີ 1 ມັງກອນ 2017 ເປັນຕົ້ນມາ.