ກອງປະຊຸມຄົບຄະນະບໍລິຫານງານພັກ ແຂວງໄຊຍະບູລີ


...

       ກອງປະຊຸມຄົບຄະນະ ບໍລິຫານງານພັກແຂວງໄຊຍະບູລີ ຄັ້ງທີ 6 ສະໄໝທີ VI ໄດ້ ໄຂຂຶ້ນໃນຕອນເຊົ້າວັນທີ 19 ເມສານີ້, ຢູ່ທີ່ຫ້ອງປະຊຸມຫ້ອງ ວ່າການແຂວງໄຊຍະບູລີ ໂດຍ ການເປັນປະທານຂອງສະຫາຍ ພົງສະຫວັນ ສິດທະວົງ ກຳມະ ການສູນກາງພັກ, ເລຂາພັກ ແຂວງ, ເຈົ້າແຂວງໄຊຍະບູລີ, ມີບັນດາສະຫາຍຮອງເລຂາ, ປະທານສະພາປະຊາຊົນ ແຂວງ, ມີຄະນະປະຈຳພັກແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ. ໃນວາລະດຳເນີນກອງ ປະຊຸມສະຫາຍ ສົມລິດ ເປືອກ ແກ້ວ ຮອງເລຂາພັກແຂວງ, ປະ ທານສະພາປະຊາຊົນແຂວງ. ໄດ້ຂຶ້ນຜ່ານບົດສັງເກດຕີລາ ຄາການຈັດຕັ້ງປະຕິບັດມະຕິ ກອງປະຊຸມຄົບຄະນະບໍລິຫານ ງານພັກແຂວງ ຄັ້ງທີ 5 ສະໄໝ ທີ VI ໃນໄລຍະ 5 ເດືອນຜ່ານ ມາ ແລະ ບາງວຽກງານຈຸດສຸມ ໃນຂົງເຂດພັກ, ພະນັກງານ ແລະ ອົງການຈັດຕັ້ງມະຫາຊົນ ໃນ 3 ເດືອນຕໍ່ໜ້າ, ຊຶ່ງສະຫາຍ ໄດ້ຍົກໃຫ້ເຫັນຜົນສຳເລັດ ແລະ ຂໍ້ຄົງຄ້າງໃນຂົງເຂດວຽກງານ ແຕ່ລະດ້ານເປັນຕົ້ນແມ່ນວຽກ ງານກໍ່ສ້າງພັກ ແມ່ນໄດ້ເສີມ ຂະຫຍາຍດ້ານຕັ້ງໜ້າ, ເພື່ອ ສະກັດກັ້ນບັນດາປະກົດການ ຫຍໍ້ທໍ້ພາຍໃນພັກ, ຖັນແຖວພະ ນັກງານໃນຂອບເຂດຄວາມ ຮັບຜິດຊອບ, ເອົາໃຈໃສ່ສ້າງພັກ ແລະ ຂະຫຍາຍໜ່ວຍພັກໄດ້ 15 ໜ່ວຍ, ທົ່ວແຂວງມີສະມາ ຊິກພັກໃໝ່ 311 ສະຫາຍ, ຍິງ 118 ສະຫາຍ, ເລື່ອນສະມາ ຊິກພັກສຳຮອງຂຶ້ນສົມບູນ 250 ສະຫາຍ, ຍິງ 106 ສະຫາຍ, ໄດ້ ສະເໜີນາມມະຍົດໜ່ວຍພັກ ເຂັ້ມແຂງຮູ້ນຳພາຮອບດ້ານ ປະຈຳປີ 2016 ນຳຄະນະຈັດ ຕັ້ງສູນກາງພັກຈຳນວນ 738 ໜ່ວຍ, ສ້າງຕັ້ງຄະນະພັກຮາກ ຖານໄດ້ 2 ຄະນະພັກ. ສະຫາຍ ຍັງໄດ້ໃຫ້ຮູ້ຕື່ມ ອີກວ່າ: ໃນໄລຍະ 3 ເດືອນຕໍ່ ໜ້າຄະນະພັກແມ່ນຈະໄດ້ເອົາ ໃຈໃສ່ບາງວຽກງານຈຸດສຸມ ເປັນຕົ້ນແມ່ນເພີ່ມທະວີການຊີ້ ນຳ - ນຳພາຂອງຄະນະພັກແຕ່ ລະຂັ້ນຕໍ່ວຽກງານການເມືອງ - ແນວຄິດຢ່າງເປັນລະບົບຕໍ່ ເນື່ອງ, ສ້າງການຫັນປ່ຽນໃນ ການສືບຕໍ່-ບຸກທະລຸທາງດ້ານ ຈິນຕະນາການ, ສົ່ງເສີມແນວ ຄິດປະດິດສ້າງໃນການຈັດຕັ້ງ ປະຕິບັດໜ້າທີ່ວຽກງານແຕ່ ລະໄລຍະໃຫ້ມີຜົນສຳເລັດ ເທື່ອລະກ້າວ. (ຂ່າວ: ອຸ່ນເຮືອນ ໂພທິລັກ)