ຍົກລະດັບເສັ້ນທາງເທດສະບານເມືອງປາກຊັນ


...

      ແຂວງບໍລິຄຳໄຊໄດ້ຍົກ ລະດັບເສັ້ນທາງໃນເທດສະ ບານເມືອງປາກຊັນ ດ້ວຍການ ປູເບຕົງເສີມເຫຼັກ ແລະ ປູຢາງ 2 ຊັ້ນ. ພິທີເຊັນສັນຍາໂຄງ ການກໍ່ສ້າງຍົກລະດັບເສັ້ນທາງ ດັ່ງກ່າວໄດ້ຈັດຂຶ້ນຫວ່າງແລ້ວ ນີ້ ທີ່ຫ້ອງປະຊຸມແຂວງ ລະ ຫວ່າງກຸ່ມບໍລິສັດຈະເລີນຊັບ ຄົບວົງຈອນ ຈຳກັດ ຜູ້ຮັບເໝົາ ແລະ ພະແນກໂຍທາທິການ ແລະ ຂົນສົ່ງແຂວງເຈົ້າຂອງ ໂຄງການ, ໃຫ້ກຽດເຂົ້າຮ່ວມ ຂອງທ່ານ ບຸນເສັງ ປະທຳມະວົງ ຮອງເຈົ້າແຂວງບໍລິຄຳໄຊ, ມີ ການນຳຂັ້ນສູງຂອງແຂວງ, ຕາງໜ້າພະແນກການທີ່ກ່ຽວ ຂ້ອງ, ຜູ້ປະກອບການດ້ານທຸ ລະກິດ, ວິສາຫະກິດພາຍໃນແຂວງ ເຂົ້າຮ່ວມ. ໂອກາດດັ່ງກ່າວ, ທ່ານ ໄກ່ທອງ ອານຸສິນ ຫົວໜ້າພະ ແນກໂຍທາທິການ ແລະ ຂົນ ສົ່ງແຂວງ ໃນນາມຜູ້ຮັບຜິດ ຊອບໂຄງການໄດ້ລາຍງານ ຄວາມເປັນມາຂອງໂຄງການ ດັ່ງກ່າວ ໂດຍໄດ້ຍົກໃຫ້ເຫັນ ວ່າ: ໃນຕົ້ນເດືອນມັງກອນ 2017 ຜ່ານມານີ້, ລັດຖະບານໄດ້ອະ ນຸມັດກໍ່ສ້າງຍົກລະດັບເສັ້ນທາງ ໃນເທດສະບານເມືອງປາກຊັນ ໂດຍແມ່ນກຸ່ມບໍລິສັດຈະເລີນ ຊັບຄົບວົງຈອນເປັນຜູ້ຮັບເໝົາ ສຳປະທານ ໃນນັ້ນ ລວມມີ 15 ເສັ້ນທາງໃນ 7 ໂຄງການລວມ ມີເສັ້ນທາງແຄມຊັນ, ເສັ້ນກາງ, ເສັ້ນແຄມທົ່ງ ແລະ ທາງຊອຍ ເຊື່ອມ 3 ເສັ້ນທາງຫຼັກດັ່ງກ່າວ ຈະໄດ້ຍົກລະດັບເສັ້ນທາງປູ ເບຕົງເສີມເຫຼັກ ແລະ ອີກຈຳ ນວນໜຶ່ງຈະໄດ້ຍົກລະດັບເປັນ ທາງປູຢາງ 2 ຊັ້ນ, ຄວາມຍາວ ທັງໝົດຂອງເສັ້ນທາງທີ່ຈະ ໄດ້ຍົກລະດັບ ໃນຄັ້ງນີ້ມີ 28 ກ່ວາກິໂລແມັດ, ມີມູນຄ່າໃນ ການກໍ່ສ້າງ 228 ຕື້ກວ່າກີບ, ຄາດວ່າຈະໃຫ້ສຳເລັດພາຍ ໃນໄລຍະ 3 ປີນັບແຕ່ວັນທີໄດ້ ລົງນາມເຊັນສັນຍາເປັນຕົ້ນໄປ. ຮ່ວມລົງນາມໃນການກໍ່ ສ້າງເສັ້ນທາງດັ່ງກ່າວມີທ່ານ ໄກ່ທອງ ອານຸສິນ ຫົວໜ້າພະ ແນກໂຍທາທິການ ແລະ ຂົນ ສົ່ງແຂວງ ໃນນາມເຈົ້າຂອງ ໂຄງການ, ທ່ານ ກະເສີມສັກ ແກ້ວໄຊຍະວົງ ປະທານກຸ່ມບໍ ລິສັດຈະເລີນຊັບຄົບວົງຈອນ ຈຳກັດ, ທ່ານ ພອນທິລາດ ສິດສາທອນ ຫົວໜ້າພະແນກ ແຜນການ ແລະ ການລົງທຶນ ໃນນາມພິຍານຝ່າຍລັດ ໂດຍ ຊ້ອງໜ້າ, ບັນດາທ່ານ ການນຳ ຂອງແຂວງຕະຫຼອດຮອດແຂກ ຖືກເຊີນເຂົ້າຮ່ວມ. ຈາກນັ້ນ ກໍໄດ້ມີພິທີຕັດແຖບຜ້າເປີດ ໂຄງການກໍ່ສ້າງຢ່າງເປັນ ທາງການຢູ່ທີ່ ສະໜາມຕົວຈິງ, ທາງເສັ້ນກາງເຂດບ້ານມີໄຊ ໂດຍໃຫ້ກຽດເຂົ້າຮ່ວມຂອງ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ພ້ອມ ດ້ວຍແຂກຖືກເຊີນ ແລະ ພາກ ສ່ວນກ່ຽວຂ້ອງເຂົ້າຮ່ວມ. (ຂ່າວ: ວຽງສະຫວັນ)