ການນຳ ສນຊ ຊຸກຍູ້ວຽກງານສ້າງຄອບຄົວ-ບ້ານສາມັກຄີທີ່ໄຊສົມບູນ


...

    

ການນຳແນວລາວສ້າງຊາດ (ສນຊ) ຊຶ່ງນຳໂດຍ ທ່ານ ນາງ ຄຳຈັນ ພົມແສງສະຫວັນ ຮອງ ປະທານ ສນຊ ແລະ ຜູ້ຕາງໜ້າກຸ່ມທະນາຄານພົງສະຫວັນ ພ້ອມດ້ວຍຄະນະ ໄດ້ລົງເກັບກຳ ຂໍ້ມູນການສ້າງຄອບຄົວ ແລະ ບ້ານສາມັກຄີປອງດອງ ຕິດພັນກັບວຽກງານ 3 ສ້າງຢູ່ ແຂວງໄຊສົມ ບູນ ໂດຍເອົາເມືອງໜຶ່ງຂອງແຂວງດັ່ງກ່າວ ເປັນຈຸດທົດລອງປະຕິບັດໂຄງການແກ້ໄຂຄວາມທຸກ ຍາກໃນຫວ່າງແລ້ວນີ້. ການລົງເຄື່ອນໄຫວຄັ້ງ ນີ້, ທ່ານຮອງປະທານ ສນຊ ພ້ອມດ້ວຍຄະນະໄດ້ລົງເຮັດວຽກຢູ່ເມືອງ ຮົ່ມ ແລະ ກຸ່ມບ້ານ 516 ຂອງເມືອງລ້ອງຊານ ຊຶ່ງເປັນເຂດຈຸດສຸມ ພັດທະນາ ຂອງແຂວງໄຊ ສົມບູນ. ເພື່ອເປັນການກະ ຕຸກຊຸກຍູ້ໃຫ້ປະຊາຊົນລາວ ບັນດາເຜົ່າ ມີຄວາມສາມັກຄີ ປອງດອງກັນ, ຮັກແພງຊ່ວຍ ເຫຼືອຊຶ່ງກັນ ແລະ ກັນ ໃນ ການທຳມາຫາກິນ, ຝຶກວິຊາ ຊີບຕ່າງໆ ພ້ອມກັນພັດທະນາ ບ້ານໃຫ້ເຂັ້ມແຂງ-ມີຄວາມສາ ມັກຄີກັບບ້ານໃກ້ເຮືອນຄຽງ, ມີຄວາມຕື່ນຕົວດ້ານການ ເມືອງ ແລະ ປະກອບສ່ວນໃນ ການປະຕິບັດຂະບວນການ ຕ່າງໆ ຂອງພັກ-ລັດ, ເສີມຂະ ຫຍາຍມູນເຊື້ອວັດທະນະທຳ, ເປັນໃຈກາງສຶກສາອົບຮົມ ເຕົ້າໂຮມຄວາມສາມັກຄີປວງ ຊົນບັນດາເຜົ່າ, ເຮັດໃຫ້ທຸກ ຄົນໄດ້ມີວຽກເຮັດງານທຳ, ມີ ອາຊີບທີ່ໝັ້ນຄົງ. ສນຊ ແລະ ກຸ່ມທະນາຄານພົງສະຫວັນ ຮ່ວມມືກັນລົງຊຸກຍູ້-ສົ່ງເສີມ ໃຫ້ເມືອງໃດໜຶ່ງ ໄດ້ມີສິນຄ້າ, ມີຜະລິດຕະພັນ ໂດຍອີງໃສ່ ທ່າແຮງການພັດທະນາຂອງ ເມືອງ, ທ່າແຮງຂອງປະຊາຊົນ, ຄວາມຕ້ອງການ ແລະ ຄວາມ ສະໝັກໃຈຂອງປະຊາຊົນ ໂດຍການປະກອບສ່ວນຂອງ ປະຊາຊົນ ເພື່ອແກ້ໄຂຄວາມ ທຸກຍາກ ເພາະການພັດທະນາ ເສດຖະກິດຄອບຄົວກໍແມ່ນ ໜຶ່ງໃນມາດຕະຖານຂອງການ ສ້າງຄອບຄົວ ແລະ ບ້ານສາ ມັກຄີປອງດອງ, ມາດຕະຖານ ຄອບຄົວ ແລະ ບ້ານສາມັກຄີ ປອງດອງຂອງແນວລາວສ້າງ ຊາດ ແມ່ນໜຶ່ງໃນມາດຕະຖານ ຄອບຄົວ ແລະ ແຜນພັດທະນາ ຂອງລັດຖະບານ ຕິດພັນກັບ ຂະບວນການແຂ່ງຂັນຮັກຊາດ ແລະ ພັດທະນາຕາມທິດ 3 ສ້າງ. ໂອກາດດັ່ງກ່າວ ທ່ານ ຮອງປະທານ ສນຊ ໄດ້ສະ ແດງຄວາມຍ້ອງຍໍຊົມເຊີຍຕໍ່ ຄະນະພັກ, ອົງການຈັດຕັ້ງມະ ຫາຊົນ ແລະ ແນວລາວສ້າງ ຊາດຂັ້ນທ້ອງຖິ່ນ ທີ່ຮັກສາໄດ້ ມູນເຊື້ອສາມັກຄີ, ສຶກສາອົບ ຮົມແນວຄິດເຊັ່ນ: ວຽກງານ 3 ສ້າງ, ການໂຮມບ້ານນ້ອຍເປັນ ບ້ານໃຫຍ່ ແລະ ການສຶກສາ ອົບຮົມປະຊາຊົນບັນດາເຜົ່າ ລະຫວ່າງບ້ານຕໍ່ບ້ານ, ເອົາໃຈ ໃສ່ແກ້ໄຂຂໍ້ຂັດແຍ່ງ-ບັນຫາ ຫຍໍ້ທໍ້ຕ່າງໆ ເຮັດໃຫ້ບ້ານມີ ຄວາມສະຫງົບປອດໄພ ປະ ກອບສ່ວນເຮັດໃຫ້ອົງການປົກ ຄອງບ້ານມີຄວາມເຂັ້ມແຂງ. ພ້ອມກັນນັ້ນ ຍັງໄດ້ເນັ້ນໃຫ້ ບ້ານ-ເມືອງ ເອົາໃຈໃສ່ຄົ້ນ ຄວ້າແຜນພັດທະນາເສດຖະ ກິດຂອງຕົນ ເພື່ອເຮັດແນວໃດ ໃຫ້ບ້ານກາຍເປັນບ້ານຕົວ ແບບ, ບ້ານພັດທະນາ-ບ້ານ ສາມັກຄີປອງດອງຂອງແນວ ລາວສ້າງຊາດ ແລະ ສະເໜີ ໃຫ້ອົງການແນວລາວສ້າງຊາດ ບ້ານ-ເມືອງ ຈົ່ງສືບຕໍ່ເຮັດບົດ ບາດ-ໜ້າທີ່ສຶກສາອົບຮົມລູກ ຫຼານ, ຊຸກຍູ້ສົ່ງເສີມປະຊາຊົນ ບົນພື້ນຖານຫຼັກການ ແລະ ຂໍ້ ກຳນົດ, ນະໂຍບາຍຕ່າງໆຂອງ ພັກ-ລັດ ເພື່ອຊ່ວຍໃຫ້ເຂົາເຈົ້າ ສ້າງຄອບຄົວໃຫ້ມີຄວາມເຕີບ ໃຫຍ່ຂະຫຍາຍຕົວ ແລະ ເປັນ ຕົວແບບໃນຕໍ່ໜ້າ.