ຜົນກອງປະຊຸມລັດຖະບານ ສະໄໝສາມັນ ປະຈຳເດືອນທັນວາ


...

    

ກອງປະຊຸມລັດຖະບານ ສະໄໝສາມັນປະຈຳເດືອນທັນ ວາ ຊຶ່ງເປັນຄັ້ງສຸດທ້າຍຂອງປີ 2017 ໄດ້ດຳເນີນມາເປັນເວ ລາ 2 ວັນຄື: ວັນທີ 25 - 26 ທັນວາ ຜ່ານມາ ທີ່ສຳນັກງານ ນາຍົກລັດຖະມົນຕີ ພາຍໃຕ້ ການເປັນປະທານຂອງທ່ານ ທອງລຸນ ສີສຸລິດ ນາຍົກລັດຖະ ມົນຕີ; ມີບັນດາທ່ານຮອງນາ ຍົກລັດຖະມົນຕີ; ສະມາຊິກລັດ ຖະບານ ແລະ ພາກສ່ວນທີ່ ກ່ຽວຂ້ອງເຂົ້າຮ່ວມຢ່າງພ້ອມ ພຽງ.
ກອງປະຊຸມໄດ້ຮັບຟັງ ການລາຍງານ ແລະ ແລກປ່ຽນ ຄຳເຫັນກ່ຽວກັບສະພາບພົ້ນ ເດັ່ນ ຂອງພາກພື້ນ ແລະ ສາກົນ, ຄວາມເປັນລະບຽບຮຽບຮ້ອຍ ຂອງສັງຄົມ, ການເກັບລາຍຮັບ ແລະ ຄຸ້ມຄອງລາຍຈ່າຍງົບ ປະມານ ແລະ ການປ່ຽນແປງ ດິນຟ້າອາກາດໃນປັດຈຸບັນ. ກອງປະຊຸມໄດ້ພິຈາລະນາ ນິຕິກຳ 6 ສະບັບ (ກົດໝາຍ 4 ສະບັບຄື: ຮ່າງກົດໝາຍ ວ່າດ້ວຍທະບຽນຄອບຄົວສະ ບັບປັບປຸງ; ຮ່າງກົດໝາຍ ວ່າ ດ້ວຍການປ່ຽນແປງຂອງສະ ພາບດິນຟ້າອາກາດ) ຕໍ່ກັບຮ່າງ ກົດໝາຍດັ່ງກ່າວ ກອງປະຊຸມ ໄດ້ຊີ້ນຳໃຫ້ພາກສ່ວນທີ່ກ່ຽວ ຂ້ອງ ນຳໄປປັບປຸງຄືນຕາມການ ປະກອບຄຳຄິດຄຳເຫັນຂອງ ສະມາຊິກລັດຖະບານ ໂດຍໃຫ້ ເຮັດເປັນດຳລັດ); ຮ່າງກົດໝາຍ ວ່າດ້ວຍການຈັດສັນພູມລຳ ເນົາ ແລະ ຮ່າງກົດໝາຍ ວ່າ ດ້ວຍວັກຊິນ) ແລະ ດຳລັດ 2 ສະບັບຄື: (ດຳລັດ ວ່າດ້ວຍພະ ນັກງານລັດວິສາຫະກິດ ແລະ ດຳລັດ ວ່າດ້ວຍເຂດເສດຖະ ກິດພິເສດ ສະບັບປັບປຸງ) ແລະ ເນື່ອງຈາກເປັນເດືອນສຸດທ້າຍ ຂອງປີ, ກອງປະຊຸມນີ້ຍັງໄດ້ ສະຫຼຸຸບຕີລາຄາການດຳເນີນ ກອງປະຊຸມລັດຖະບານປະຈຳ ປີ 2017 ແລະ ປຶກສາຫາລື ແຜນດຳເນີນກອງປະຊຸມລັດ ຖະບານ ປີ 2018.
ໃນຕອນທ້າຍຂອງກອງ ປະຊຸມ, ທ່ານນາຍົກລັດຖະມົນ ຕີກໍໄດ້ສະຫຼຸຸບສັງລວມການ ເຄື່ອນໄຫວວຽກງານຈຸດສຸມທີ່ ພົ້ນເດັ່ນຂອງລັດຖະບານໃນ ເດືອນທັນວາ ທີ່ຜ່ານມາ ແລະ ຊີ້ນຳວຽກງານຈຸດສຸມໃນເດືອນ ມັງກອນ ປີ 2018 ດັ່ງນີ້:
ກ່ຽວກັບສະພາບການຈັດ ຕັ້ງປະຕິບັດວຽກງານ ໃນເດືອນ ທັນວາ 2017 ທີ່ຜ່ານມາ ລັດ ຖະບານໄດ້ປະຕິບັດວຽກງານ ຈຸດສຸມສຳຄັນຫຼາຍດ້ານ, ເປັນ ຕົ້ນ.
1/. ໄດ້ສືບຕໍ່ແກ້ໄຂບັນ ດາປະກົດການຫຍໍ້ທໍ້ຂອງສັງ ຄົມ ໂດຍສະເພາະບັນຫາຢາ ເສບຕິດ, ອຸບັດເຫດຕາມທ້ອງ ຖະໜົນ, ອັກຄີໄພ, ຂີ້ລັກງັດ ແງະ, ປຸ້ນຈີ້ ຊິງຊັບ ແລະ ບັນ ຫາອື່ນໆໄດ້ຫຼາຍສົມຄວນ, ເຮັດໃຫ້ສະພາບສັງຄົມ ໂດຍ ລວມສືບຕໍ່ມີຄວາມສະຫງົບ ແລະ ເປັນລະບຽບຮຽບຮ້ອຍ, ສ້າງເງື່ອນໄຂເອື້ອອຳນວຍໃຫ້ ແກ່ການພັດທະນາ ແລະ ການ ດຳລົງຊີວິດທີ່ສະຫງົບ - ເປັນ ປົກກະຕິຂອງປະຊາຊົນ.
2/. ໄດ້ຈັດຕັ້ງສະເຫຼີມສະ ຫຼອງ ແລະ ເລົ່າມູນເຊື້ອວັນ ຊາດທີ 2 ທັນວາ ຄົບຮອບ 42 ປີ ແລະ ວັນເກີດຂອງປະທານ ໄກສອນ ພົມວິຫານ 13 ທັນ ວາ ຄົບຮອບ 97 ປີ ຢ່າງກວ້າງ ຂວາງ ແລະ ມີເນື້ອໃນຢູ່ບັນດາ ກົງຈັກການຈັດຕັ້ງຂອງພັກ - ລັດຖະບານ ແລະ ອົງການປົກ ຄອງທ້ອງຖິ່ນ ໃນຂອບເຂດທົ່ວ ປະເທດ. 3/. ໄດ້ກະກຽມໃຫ້ແກ່ ການຢ້ຽມຢາມສັນທະວະໄມຕີ ແລະ ເຂົ້າຮ່ວມພິທີປິດການສະ ເຫຼີມສະຫຼອງປີສາມັກຄີມິດຕະ ພາບ ລາວ - ຫວຽດນາມ ປີ 2017 ແລະ ການສືບຕໍ່ແລກ ປ່ຽນການຢ້ຽມຢາມຂອງຄະ ນະຜູ້ແທນ 2 ຝ່າຍຢ່າງເປັນຂະ ບວນຟົດຟື້ນ.
4/. ໄດ້ດຳເນີນກອງປະ ຊຸມນາຍົກ - ຮອງນາຍົກລັດ ຖະມົນຕີ ແລະ ພິຈາລະນາ ຫຼາຍບັນຫາສຳຄັນ, ເປັນຕົ້ນ ແມ່ນການແກ້ໄຂບັນຫາການ ລັກລອບຄ້າໄມ້ ແລະ ການລັກ ລອບຂຸດຄົ້ນຄຳທີ່ເກີດຂຶ້ນຢູ່ບາງ ແຂວງ; ການຈັດຕັ້ງປະຕິບັດ ໂຄງການກໍ່ສ້າງທາງປູຢາງສອງ ຊັ້ນ 3 ເສັ້ນ ຢູ່ແຂວງໄຊສົມບູນ; ການແຕ່ງຕັ້ງຄະນະຊີ້ນຳລະ ດັບຊາດ ເພື່ອໄກ່ເກ່ຍ ແລະ ຄ່າຊົດເຊີຍໂຄງການລົງທຶນ ຂະໜາດໃຫຍ່ຂອງພາກລັດ ແລະ ພາກເອກະຊົນ; ການອະ ນຸຍາດເປີດນຳໃຊ້ທ່າເຮືອຢູ່ເຂດ ສາມຫຼ່ຽມຄຳ ເປັນທ່າເຮືອສາ ກົນ ເມືອງຕົ້ນເຜິ້ງ ແຂວງບໍ່ ແກ້ວ; ແຜນຈັດຊື້ລົດປະຈຳຕຳ ແໜ່ງການນຳຂັ້ນສູງ; ແກ້ໄຂ ບັນຫາການນຳເຂົ້າລົດທີ່ບໍ່ຖືກ ຕ້ອງ, ແກ້ໄຂບັນຫາການລົງ ທຶນພັດທະນາໂຮງງານຊີມັງຢູ່ ແຂວງຫຼວງພະບາງ ແລະ ບັນ ຫາອື່ນໆ.
5/. ລັດຖະບານໄດ້ດຳເນີນ ການສະຫຼຸຸບຕີລາຄາການດຳ ເນີນກອງປະຊຸມລັດຖະບານ ໃນປີ 2017 ແລະ ກຳນົດແຜນ ດຳເນີນກອງປະຊຸມລັດຖະ ບານ ປະຈຳປີ 2018 ພ້ອມກັນ ນີ້ ຫຼາຍຂະແໜງການກໍໄດ້ສະ ຫຼຸຸບການເຄື່ອນໄຫວປະຕິບັດ ວຽກງານປະຈຳປີ 2017 ແລະ ກຳນົດແຜນວຽກຈຸດສຸມຂອງ ຕົນ ໃນປີ 2018. ໃນອາທິດ ຜ່ານມາກໍມີກອງປະຊຸມວຽກ ງານທີ່ດິນທົ່ວປະເທດ; ມື້ນີ້ ແລະ ມື້ອື່ນກໍຍັງມີກອງປະຊຸມ ວຽກງານແຜນການ ແລະ ການ ເງິນ ແລະ ໃນທ້າຍອາທິດກໍຈະ ມີກອງປະຊຸມຜູ້ບໍລິຫານການ ສຶກສາທົ່ວປະເທດ, ກອງປະ ຊຸມເຫຼົ່ານີ້ກໍມີການນຳຂັ້ນສູງ ຂອງພັກ ແລະ ລັດຖະບານໄປ ຮ່ວມເພື່ອຊຸກຍູ້ ແລະ ຊີ້ນຳ ວຽກງານຂອງແຕ່ລະຂະແໜງ ການດັ່ງກ່າວ.
6/. ບັນດາສະຫາຍຮອງ ນາຍົກລັດຖະມົນຕີ ແລະ ສະ ມາຊິກລັດຖະບານກໍໄດ້ໄປ ເຄື່ອນໄຫວວຽກງານ ທັງພາຍ ໃນ ແລະ ຕ່າງປະເທດ ຕາມແຜນ ວຽກຈຸດສຸມຂອງຕົນ ເພື່ອປະ ກອບສ່ວນ ແລະ ຊຸກຍູ້ການຈັດ ຕັ້ງປະຕິບັດແຜນການເຄື່ອນ ໄຫວວຽກງານປະຈຳເດືອນ ທັນວາ ຂອງລັດຖະບານຢ່າງມີ ປະສິດທິຜົນ. 7/. ໄດ້ຄົ້ນຄວ້າ ແລະ ອອກນິຕິກຳລຸ່ມກົດໝາຍທີ່ສຳ ຄັນຈຳນວນໜຶ່ງ ຊຶ່ງໃນໜຶ່ງ ເດືອນຜ່ານມາແມ່ນໄດ້ອອກ ດຳລັດ 31 ສະບັບ, ຂໍ້ຕົກລົງ 7 ສະບັບ ແລະ ແຈ້ງການຈຳນວນ 185 ສະບັບ ພ້ອມກັນນີ້ ບັນ ດາຂະແໜງການກໍພວມປັບ ປຸງບັນດາຮ່າງກົດໝາຍ ທັງໝົດ 16 ສະບັບ ທີ່ລັດຖະບານຈະ ສະເໜີໃຫ້ກອງປະຊຸມສະໄໝ ສາມັນເທື່ອທີ 5 ຂອງສະພາ ແຫ່ງຊາດ ຊຸດທີ VIII ເພື່ອປັບ ປຸງ ແລະ ປະກາດໃຊ້.
ກ່ຽວກັບວຽກງານຈຸດສຸມ ໃນເດືອນມັງກອນ, ທ່ານນາ ຍົກລັດຖະມົນຕີ ໄດ້ຊີ້ນຳວ່າ: ຄຽງຄູ່ກັບວຽກງານຈຸດສຸມທີ່ ປະຕິບັດໄດ້ພວກເຮົາກໍມີ ຫຼາຍບັນຫາທີ່ຍັງຄົງຄ້າງ, ເດືອນ ຜ່ານມາ ແລະ ຈະຕ້ອງໄດ້ສືບ ຕໍ່ແກ້ໄຂ ຊຶ່ງໃນເດືອນໜ້າເປັນ ເດືອນເລີ່ມຕົ້ນຂອງປີ, ເປັນ ເດືອນທຳອິດຂອງການຈັດ ຕັ້ງປະຕິບັດແຜນພັດທະນາ ເສດຖະກິດ - ສັງຄົມແຫ່ງຊາດ ປີ 2018 ແລະ ກໍເປັນເດືອນ ທີ່ລັດຖະບານຈະມີການເຄື່ອນ ໄຫວວຽກງານທີ່ສຳຄັນທັງ ພາຍໃນ ແລະ ຕ່າງປະເທດ ເພື່ອໃຫ້ການປະຕິບັດວຽກງານ ດຳເນີນໄປຢ່າງມີປະສິດທິຜົນ ນັ້ນ ບັນດາສະມາຊິກລັດຖະ ບານ ຈົ່ງສືບຕໍ່ເອົາໃຈໃສ່ວຽກ ງານຈຸດສຸມ ປະຈຳເດືອນມັງ ກອນ 2018 ຂອງລັດຖະບານ ດັ່ງຕໍ່ໄປນີ້:
1. ເອົາໃຈໃສ່ຮັກສາຄວາມ ສະຫງົບ ແລະ ຄວາມເປັນລະ ບຽບຮຽບຮ້ອຍຕາມບໍລິເວນເຂດ ຊາຍແດນ; ຄຸ້ມຄອງຄວາມ ເປັນລະບຽບຮຽບຮ້ອຍຂອງສັງ ຄົມໃຫ້ໜັກແໜ້ນ ໂດຍສືບຕໍ່ ສ້າງແຜນແມ່ບົດຈັດສັນລະ ບຽບສັງຄົມໃຫ້ສຳເລັດໂດຍໄວ; ສືບຕໍ່ເອົາໃຈໃສ່ເປັນພິເສດຕໍ່ ການແກ້ໄຂບັນຫາປະກົດການ ຫຍໍ້ທໍ້ທາງສັງຄົມ, ເປັນຕົ້ນແມ່ນ ບັນຫາຢາເສບຕິດ, ອຸບັດເຫດ ຕາມທ້ອງຖະໜົນ, ອັກຄີໄພ, ຕິດຕາມໄພໜາວ ແລະ ສຸຂະ ພາບຂອງປະຊາຊົນ ເພື່ອຊ່ວຍ ເຫຼືອປະຊາຊົນໃຫ້ທັນການ ແລະ ບັນຫາອື່ນໆທີ່ເປັນປະກົດ ການຊຳເຮື້ອບໍ່ໃຫ້ເພີ່ມຂຶ້ນ, ໃຫ້ ສູ້ຊົນເຮັດໃຫ້ຫຼຸຸດລົງໃຫ້ໄດ້.
2. ສືບຕໍ່ຕິດຕາມຢ່າງໃກ້ ຊິດສະພາບການພາກພື້ນ ແລະ ສາກົນທີ່ກຳລັງຜັນແປໄປຢ່າງ ສະຫຼັບສັບຊ້ອນ ແລະ ອາດມີ ຜົນກະທົບທາງດ້ານການເມືອງ, ເສດຖະກິດ - ສັງຄົມຕໍ່ປະເທດ ເຮົາ. ໃຫ້ເອົາໃຈໃສ່ວິເຄາະວິໄຈ ສະພາບການໃຫ້ເລິກເຊິ່ງ ແລະ ກຳນົດທັດສະນະໃຫ້ເໝາະສົມ ເພື່ອມີການຂໍຄວາມເຫັນ ແລະ ການຊີ້ນຳຈາກຂັ້ນເທິງໃຫ້ທັນ ການ ເພື່ອຖະແຫຼງຕໍ່ສາກົນໃຫ້ ທັນເວລາ ພ້ອມທັງກະກຽມປ້ອງ ກັນຄວາມສ່ຽງຕ່າງໆທີ່ອາດ ຈະເກີດຂຶ້ນ ພ້ອມກັນນີ້ກໍໃຫ້ ກະກຽມຮອບດ້ານໃຫ້ແກ່ການ ເຄື່ອນໄຫວວຽກງານຕ່າງປະ ເທດຂອງການນຳພັກ - ລັດ, ເປັນຕົ້ນແມ່ນການເຂົ້າຮ່ວມ ກອງປະຊຸມຜູ້ນຳແມ່ນ້ຳຂອງ - ແມ່ນ້ຳລ້ານຊ້າງ ຄັ້ງທີ 2 ທີ່ກຳ ປູເຈຍ, ການເດີນທາງໄປຢ້ຽມ ຢາມ ສ.ມຽນມາ ຢ່າງເປັນທາງ ການຂອງນາຍົກລັດຖະມົນຕີ, ການເຂົ້າຮ່ວມກອງປະຊຸມສຸດ ຍອດສະເຫຼີມສະຫຼອງການ ເປັນຄູ່ຮ່ວມອາຊຽນ - ອິນເດຍ ຄົບຮອບ 25 ປີ (1992 - 2017) ທີ່ຈະຈັດຂຶ້ນທີ່ນິວເດນ ລີ ປະເທດອິນເດຍ ແລະ ການ ເຄື່ອນໄຫວວຽກງານຕ່າງປະ ເທດອື່ນໆ.
3. ຈັດຕັ້ງເຜີຍແຜ່ ແລະ ຊຸກຍູ້ການຈັດຕັ້ງປະຕິບັດດຳ ລັດວ່າດ້ວຍການຈັດຕັ້ງປະຕິ ບັດແຜນພັດທະນາເສດຖະກິດ -ສັງຄົມ ແລະ ແຜນງົບປະມານ ແຫ່ງລັດ ປະຈຳປີ 2018 (ສະ ບັບເລກທີ 397/ນຍ, ລົງວັນທີ 22 ທັນວາ 2017) ໃຫ້ທົ່ວເຖິງ ດຳລັດສະບັບນີ້ໄດ້ກຳນົດບັນ ດາໜ້າທີ່ລວມ, ຄາດໝາຍສູ້ ຊົນ ແລະ ວຽກງານຈຸດສຸມຂອງ ລັດຖະບານ ຊຶ່ງໄດ້ກຳນົດ 10 ຈຸດສຸມຕົ້ນຕໍ (ຄື: 1) ການຊຸກ ຍູ້ການເຕີບໂຕຂອງເສດຖະ ກິດ, 2) ການຄຸ້ມຄອງລະບົບ ການເງິນ-ງົບປະມານ, 3) ການ ຄຸ້ມຄອງເງິນຕາ, 4) ການປັບ ປຸງສະພາບແວດລ້ອມໃນການ ດຳເນີນທຸລະກິດ, 5) ການຊຸກ ຍູ້ສົ່ງເສີມການຜະລິດ ແລະ ບໍ ລິການ, 6) ການພັດທະນາທາງ ດ້ານວັດທະນະທຳ-ສັງຄົມ ແລະ ການແກ້ໄຂຄວາມທຸກ ຍາກ, 7) ການຄົ້ນຄວ້າ ແລະ ຈັດຕັ້ງປະຕິບັດເປົ້າໝາຍການ ພັດທະນາແບບຍືນຍົງ, 8) ການ ບໍລິຫານລັດ, ການເຄື່ອນໄຫວ ຂອງຜູ້ປະກອບການ, 9) ການ ປັບປຸງບັນດານິຕິກຳ ແລະ 10) ການສ້າງສະພາບແວດລ້ອມທີ່ ດີໃຫ້ແກ່ການພັດທະນາ.
4. ພ້ອມກັນນີ້ ກໍຍັງໄດ້ ກຳນົດຄວາມຮັບຜິດຊອບ ແລະ ວຽກຈຸດສຸມຕົ້ນຕໍຂອງຂະ ແໜງການຕ່າງໆລະອຽດສົມ ຄວນ.
5. ດັ່ງນັ້ນ, ສະເໜີໃຫ້ສະ ມາຊິກລັດຖະບານ ຊຶ່ງເປັນຫົວ ຈັກຫຼັກແຫຼ່ງຂອງບັນດາຂະ ແໜງການຜັນຂະຫຍາຍດຳ ລັດສະບັບນີ້ໃຫ້ເປັນບົດແນະ ນຳ, ເປັນແຜນວຽກຈຸດສຸມປະ ຈຳປີ, ປະຈຳ 6 ເດືອນ, ປະຈຳ ໄຕມາດ ແລະ ອອກເປັນແຜນ ປະຈຳເດືອນຂອງຕົນ ເພື່ອຈັດ ຕັ້ງປະຕິບັດ ເລີ່ມແຕ່ເດືອນມັງ ກອນ 2018 ເປັນຕົ້ນໄປ ໃຫ້ມີ ປະສິດທິຜົນ, ພ້ອມກັນນີ້, ກໍ ໃຫ້ຂະແໜງການແຜນການ ແລະ ລົງທຶນ ເປັນເຈົ້າການໃນ ການຕິດຕາມ, ຊຸກຍູ້ ແລະ ສະ ຫຼຸຸບລາຍງານຄວາມຄືບໜ້າໃນ ການຈັດຕັ້ງປະຕິບັດແຜນປີ 2018 ໃຫ້ແກ່ລັດຖະບານ ເປັນ ແຕ່ລະໄຕມາດ.
6. ໃນການປະຕິບັດແຜນ ປີ 2018, ພວກເຮົາຕ້ອງໄດ້ ເອົາໃຈໃສ່ການລະດົມ ແລະ ນຳໃຊ້ທຶນ ເພື່ອການພັດທະນາ ເສດຖະກິດ-ສັງຄົມ ໃນປີ 2018 ໃຫ້ມີປະສິດທິຜົນສູງກວ່າເກົ່າ, ໃນນັ້ນ ໃຫ້ເອົາໃຈໃສ່ເປັນພິ ເສດໃນການຊຸກຍູ້ການຈັດຕັ້ງ ປະຕິບັດບັນດາໂຄງການຮ່ວມ ມືລະຫວ່າງປະເທດເຮົາ ແລະ ຮ່ວມມືສາກົນເປັນຕົ້ນແມ່ນ:
- ໂຄງການຊ່ວຍເຫຼືອ ທາງການ ຂອງ ສປ ຈີນ ໃນມູນ ຄ່າ 4 ຕື້ຢວນ ແລະ 1,2 ຕື້ ຢວນ ໃຫ້ຮີບຮ້ອນຜັນຂະຫຍາຍ, ສ້າງເປັນໂຄງການລະອຽດ ແລະ ປະສານກັບພາກສ່ວນ ກ່ຽວຂ້ອງຂອງຈີນ ເພື່ອໃຫ້ສາ ມາດຈັດຕັ້ງປະຕິບັດ ຢ່າງມີປະ ສິດທິຜົນໂດຍໄວ.
- ໂຄງການຮ່ວມມືລາວ- ຫວຽດນາມ ທີ່ລັດຖະບານທັງ ສອງປະເທດ ໄດ້ເປັນເອກະ ພາບດ້ານຫຼັກການແລ້ວ ໂດຍ ຮີບຮ້ອນປະສານ ແລະ ເຈລະ ຈາ ກັບພາກສ່ວນກ່ຽວຂ້ອງ ຂອງ ສສ ຫວຽດນາມ ເພື່ອຈັດ ຕັ້ງປະຕິບັດ ແລະ ໃຫ້ໄດ້ເຊັນ 4 ສັນຍາ ໃນໂອກາດການພົບ ປະລະຫວ່າງສອງກົມການ ເມືອງ ແລະ ກອງປະຊຸມຄະນະ ກຳມາທິການລາວ-ຫວຽດນາມ ຄັ້ງທີ 40 ໃນເດືອນມັງກອນ ປີ 2018 ທີ່ຈະມາເຖິງ.
- ບັນດາໂຄງການທີ່ໄດ້ ສະເໜີຂໍກູ້ຢືມມູນຄ່າສູງ ທີ່ສະ ພາໄດ້ຮັບຮອງແລ້ວ ໃຫ້ຮີບ ຮ້ອນປະສານສົມທົບກັບຜູ້ໃຫ້ ທຶນກູ້ຢືມ ເພື່ອໃຫ້ສາມາດຈັດ ຕັ້ງປະຕິບັດໂດຍໄວ. ໃນຕໍ່ໜ້າ, ການກູ້ຢືມຈະເນັ້ນໃສ່ບັນດາ ໂຄງການທີ່ມີປະສິດທິຜົນສູງ ແທ້ ເພື່ອບໍ່ໃຫ້ເພີ່ມໜີ້ສິນຫຼາຍ ເກີນໄປ. - ບັນດາໂຄງການລົງທຶນ ຂະໜາດໃຫຍ່ ທີ່ໄດ້ເລີ່ມດຳ ເນີນການຈັດຕັ້ງປະຕິບັດແລ້ວ ໂດຍຊຸກຍູ້ໃຫ້ສາມາດດຳເນີນ ໄປຕາມແຜນເຊັ່ນ: ໂຄງການ ກໍ່ສ້າງທາງລົດໄຟລາວ-ຈີນ, ໂຄງການພັດທະນາຕາມນະ ໂຍບາຍ 1 ແລວທາງ 1 ເສັ້ນ ທາງ, ໂຄງການພັດທະນາເຂດ ເສດຖະກິດພິເສດກຳລັງດຳ ເນີນ, ໂຄງການທີ່ກຳລັງສຶກສາ ຄວາມເປັນໄປໄດ້ ແລະ ໂຄງ ການລົງທຶນຂະໜາດໃຫຍ່ ອື່ນໆທີ່ມີຜົນກະທົບສູງຕໍ່ການ ພັດທະນາອື່ນໆໃຫ້ສາມາດດຳ ເນີນໄປໄດ້ດີ.
7. ເພື່ອລະດົມທຶນ ເພື່ອ ການພັດທະນາທັງພາຍໃນ ແລະ ຕ່າງປະເທດ ທັງທາງ ດ້ານປະລິມານ ແລະ ຄຸນນະ ພາບໃຫ້ໄດ້ຫຼາຍຂຶ້ນຕ້ອງໄດ້ ເອົາໃຈໃສ່ວຽກງານປັບປຸງສະ ພາບແວດລ້ອມ ຂອງການດຳ ເນີນທຸລະກິດ, ສຸມໃສ່ແກ້ໄຂ ບັນຫາຄວາມບໍ່ສະດວກໃນ ການດຳເນີນທຸລະກິດ ແລະ ອະນຸມັດການລົງທຶນຜ່ານປະຕູ ດຽວໃຫ້ວ່ອງໄວ້, ໂປ່ງໃສ ແລະ ສອດຄ່ອງຕາມກົດໝາຍ - ລະບຽບການ. ສູ້ຊົນເຮັດໃຫ້ ອັນດັບຄວາມສະດວກໃນການ ດຳເນີນທຸລະກິດຢູ່ປະເທດເຮົາ ໃຫ້ດີຂຶ້ນໃນປີ 2018 - 2019. ພ້ອມນີ້, ກໍໃຫ້ເອົາໃຈໃສ່ຈັດຕັ້ງ ປະຕິບັດແຜນພັດທະນາວິສາ ຫະກິດຂະໜາດນ້ອຍ - ຂະ ໜາດກາງ ໄລຍະປີ 2016 - 2020 ທີ່ລັດຖະບານ ໄດ້ອອກ ດຳລັດຮັບຮອງ ແລະ ປະກາດ ໃຊ້ແລ້ວ ເພື່ອຊຸກຍູ້ການພັດ ທະນາຂອງ SMEs ຢູ່ປະເທດ ເຮົາໃຫ້ເຂັ້ມແຂງເທື່ອລະກ້າວ.
8. ສືບຕໍ່ຄຸ້ມຄອງ ແລະ ແກ້ໄຂການລົງທຶນ ແລະ ການ ເຄື່ອນໄຫວທຸລະກິດ ແລະ ບໍລິ ການ ທີ່ບໍ່ສອດຄ່ອງຕາມກົດ ໝາຍ ແລະ ລະບຽບການ, ໂດຍສະເພາະການລັກລອບ ຂຸດຄົ້ນ ແລະ ສົ່ງອອກໄມ້, ການ ລັກລອບຂຸດຄົ້ນບໍ່ແຮ່ ແລະ ຊັບພະຍາກອນຫວງຫ້າມຢູ່ໃກ້ ຊາຍແດນ ແລະ ເຂດຫ່າງໄກ ຈາກຕົວເມືອງ. 9. ສືບຕໍ່ປັບປຸງບັນດານິ ຕິກຳ ລຸ່ມກົດໝາຍ ແລະ ຮ່າງ ກົດໝາຍທີ່ຈະນຳມາຜ່ານກອງ ປະຊຸມລັດຖະບານໃນເດືອນ ມັງກອນ ແລະ ເດືອນກຸມພາ 2018 ທີ່ຈະມາເຖິງນີ້ (ຊຶ່ງມີ ປະມານ 12 ກົດໝາຍ) ເພື່ອ ຮັບປະກັນທາງດ້ານຄຸນນະ ພາບກ່ອນນຳເຂົ້າກອງປະຊຸມ ລັດຖະບານ ເພື່ອໃຫ້ພວກເຮົາ ສາມາດພິຈາລະນາຢ່າງມີປະ ສິດທິຜົນ ແລະ ສາມາດສະເໜີ ໃຫ້ກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງຊາດ ພິຈາລະນາທັນກຳນົດເວລາ ພາຍໃນທ້າຍເດືອນກຸມພາ ທີ່ ຈະມາເຖິງ. ພ້ອມນີ້, ກໍສືບຕໍ່ ປັບປຸງບັນດາກົດໝາຍທີ່ຈະ ນຳໄປຜ່ານກອງປະຊຸມສະໄໝ ສາມັນເທື່ອທີ 6 ຂອງສະພາ ແຫ່ງຊາດ ໃນທ້າຍປີ ຊຶ່ງໃນ ນັ້ນກໍລວມເຖິງກົດໝາຍວ່າ ດ້ວຍທີ່ດິນສະບັບປັບປຸງ.
10. ກອງປະຊຸມລັດຖະ ບານໃນເດືອນນີ້ ໄດ້ສະຫຼຸຸບຕີ ລາຄາການດຳເນີນກອງປະ ຊຸມລັດຖະບານ ໃນປີ 2017 ແລະ ຖອດຖອນໄດ້ຫຼາຍບົດ ຮຽນ ເພື່ອປັບປຸງການດຳເນີນ ກອງປະຊຸມລັດຖະບານ ໃນປີ 2018 ໃຫ້ມີປະສິດທິພາບ ແລະ ປະສິດທິຜົນສູງກວ່າເກົ່າ ດັ່ງນັ້ນ, ໃຫ້ບັນດາສະຫາຍສະ ມາຊິກລັດຖະບານ ເພີ່ມຄວາມ ເປັນເຈົ້າການ ແລະ ຄວາມຮັບ ຜິດຊອບຂອງຕົນໃຫ້ສູງກວ່າ ເກົ່າໃນການປະສານສົມທົບ, ກຽມຫົວຂໍ້, ເນື້ອໃນຂອງເອກະ ສານ ແລະ ປະກອບຄຳເຫັນຕໍ່ ບັນຫາທີ່ນຳມາປຶກສາຫາລືຢູ່ ໃນກອງປະຊຸມລັດຖະບານ ວຽກງານທີ່ສຳຄັນອີກວຽກງານ ໜຶ່ງ ໃນປີ 2018 ແມ່ນຕ້ອງໄດ້ ສຸມໃສ່ປັບປຸງບັນດາວິສາຫະ ກິດ ເພື່ອຊຸກຍູ້, ຊ່ວຍເຫຼືອໃຫ້ ບັນດາວິສາຫະກິດຕ່າງໆສາ ມາດດຳເນີນການໄດ້.