ສສຊ ເຂດເລືອກຕັ້ງທີ 1 ລົງພົບປະ ປະຊາຊົນ ບ້ານຫົວນາ


...

05.03.2018 10:10     

   ຄະນະຜູ້ແທນສະມາຊິກ ສະພາແຫ່ງຊາດ ຊຸດທີ VIII ເຂດເລືອກຕັ້ງທີ 1 ນະຄອນ ຫຼວງວຽງຈັນ ໄດ້ລົງພົບປະ ໂອ້ລົມປະຊາຊົນບ້ານຫົວນາ ເມືອງໄຊທານີ ນະຄອນຫຼວງ ວຽງຈັນ ນຳໂດຍທ່ານ ໄຊສົມ ພອນ ພົມວິຫານ ກຳມະການ ກົມການເມືອງສູນກາງພັກ ປະ ທານສູນກາງແນວລາວສ້າງ ຊາດ, ທ່ານ ນາງ ສົມຈັນ ສິງທະບຸດ, ທ່ານ ນາງ ບົວ ວອນ ສຸກລາແສງ, ມີອົງການ ປົກຄອງບ້ານຕະຫຼອດຮອດ ພໍ່ແມ່ປະຊາຊົນ ຊາວບ້ານຫົວ ນາເຂົ້າຮ່ວມທີ່ສະໂມສອນ ບ້ານຫົວນາ ໃນວັນທີ 28 ກຸມ ພາ ຜ່ານມາ. ການລົງໄປຢ້ຽມຢາມໃນ ຄັ້ງນີ້ ໄດ້ຮັບຟັງການລາຍງານ ສະພາບລວມ, ການພັດທະນາ ເສດຖະກິດ - ສັງຄົມຂອງບ້ານ ໂດຍຫຍໍ້ ໃຫ້ຜູ້ແທນສະມາຊິກ ສະພາແຫ່ງຊາດຮັບຊາບ. ຫຼັງ ຈາກນັ້ນ ທ່ານ ນາງ ສົມຈັນ ສິງທະບຸດ ຍັງໄດ້ເຜີຍແຜ່ຜົນສຳ ເລັດ ກອງປະຊຸມສະໄໝສາມັນເທື່ອ ທີ 4 ຂອງສະພາແຫ່ງຊາດ ຊຸດທີ VIII ແລະ ສະພານະ ຄອນຫຼວງວຽງຈັນ ຊຸດທີ I ຕື່ມ ອີກ. ໃນໂອກາດນີ້ ທ່ານ ໄຊ ສົມພອນ ພົມວິຫານ ກໍໄດ້ ໃຫ້ກຽດໂອ້ລົມຕໍ່ປະຊາຊົນ ຊຶ່ງ ກ່ອນອື່ນທ່ານໄດ້ຍ້ອງຍໍຊົມ ເຊີຍຕໍ່ບັນດາຜົນສຳເລັດທີ່ອົງ ການປົກຄອງບ້ານຍາດມາໄດ້ ໃນໄລຍະຜ່ານມາ. ພ້ອມກັນ ນີ້ ທ່ານໄດ້ຍົກໃຫ້ເຫັນສະພາບ ການຂອງສາກົນ ກໍຄືພາກພື້ນ, ສະພາບການພັດທະນາເສດ ຖະກິດ-ສັງຄົມຂອງປະເທດ ເຮົາ ແລະ ທ່ານໄດ້ຮຽກຮ້ອງ ໃຫ້ປະຊາຊົນລາວບັນດາເຜົ່າ ຮັກສາມູນເຊື້ອດຸໝັ່ນຂະຫຍັນ ເຮັດການຜະລິດເປັນສິນຄ້າ ເພື່ອແກ້ໄຂຄວາມທຸກຍາກ ຂອງປະຊາຊົນ, ຈົ່ງພ້ອມກັນ ມີສະຕິຕໍ່ກຸ່ມຄົນທີ່ບໍ່ຫວັງດີຕໍ່ ລະບອບໃໝ່ຂອງພວກເຮົາ. ໃຫ້ອົງການປົກຄອງບ້ານ, ແນວ ລາວສ້າງຊາດບ້ານ, ອົງການ ຈັດຕັ້ງມະຫາຊົນຂອງບ້ານເປັນ ຫຼັກເປັນແຫຼ່ງ ໃນການເຕົ້າໂຮມ ຄວາມສາມັກຄີປອງດອງກັນ, ຈົ່ງພ້ອມກັນຈັດຕັ້ງປະຕິບັດມະ ຕິ ກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະຊຸມ ໃຫຍ່ຜູ້ແທນທົ່ວປະເທດ ຄັ້ງທີ X ຂອງແນວລາວສ້າງຊາດ ເປັນຕົ້ນແມ່ນການສ້າງຄອບ ຄົວ ແລະ ບ້ານສາມັກຄີປອງ ດອງ ເພາະເປັນໜຶ່ງໃນມາດ ຖານບ້ານພັດທະນາຂອງລັດ ຖະບານ, ໃຫ້ອົງການປົກຄອງ ບ້ານນຳພາຊາວບ້ານຈັດຕັ້ງ ປະຕິບັດແຜນພັດທະນາເສດ ຖະກິດ-ສັງຄົມແຫ່ງຊາດ 5 ປີ ຄັ້ງທີ VIII ຂອງລັດ ກໍຄືແຜນ ພັດທະນາເສດຖະກິດ-ສັງຄົມ ຂອງນະຄອນຫຼວງວຽງຈັນ, ຈັດ ຕັ້ງປະຕິບັດໃຫ້ໄດ້ 6 ສ ທີ່ນະ ຄອນຫຼວງວຽງຈັນວາງໄວ້ ເພື່ອ ປະເທດຊາດຂອງພວກເຮົາ ພັດທະນາໄປຕາມທິດສີຂຽວ ແລະ ຍືນຍົງ. (ຂ່າວ: ເລົ່າລໍ່)