ອົງການໄອຍະການປະຊາຊົນ ຫຼວງນ້ຳທາ ສະຫຼຸບວຽກງານ ປະຈຳປີ 2017


...

05.03.2018 10:10     

   ອົງການໄອຍະການປະ ຊາຊົນແຂວງຫຼວງນ້ຳທາໄດ້ ຈັດພິທີສະຫຼຸບວຽກງານປະ ຈຳປີ 2017 ແລະ ວາງທິດ ທາງແຜນການ 2018 ຂຶ້ນໃນ ວັນທີ 28 ກຸມພາ ຜ່ານມາ ທີ່ສະໂມສອນກອງບັນຊາການ ທະຫານແຂວງ ໂດຍການເຂົ້າ ຮ່ວມຂອງທ່ານ ຄຳສານ ສຸວົງ ກຳມະການສູນກາງພັກ ປະ ທານອົງການໄອຍະການປະ ຊາຊົນສູງສຸດ, ທ່ານ ໄຊພອນ ຄູນສີລີເຮືອງ ຮອງເລຂາພັກ ແຂວງ ປະທານສະພາປະຊາ ຊົນຂັ້ນແຂວງ, ມີຫົວໜ້າ -ຮອງ ຫົວໜ້າພະແນກການອ້ອມ ຂ້າງແຂວງ, ປກຊ-ປກສ ແລະ ພະນັກງານພາຍໃນອົງການ ໄອຍະການເຂົ້າຮ່ວມ. ທ່ານ ນາງ ວອນແສງ ບົວ ດອກທອງ ຮອງປະທານອົງ ການໄອຍະການປະຊາຊົນ ແຂວງ ໄດ້ຍົກໃຫ້ເຫັນຜົນງານ ການເຄື່ອນໄຫວໃນໄລຍະຜ່ານ ມາ ຄະນະນຳໄດ້ຖືເອົາວຽກ ງານການເມືອງ-ແນວຄິດດ້ວຍ ການເຊື່ອມຊຶມແນວທາງນະ ໂຍບາຍຂອງພັກ, ກົດໝາຍ ຂອງລັດ, ເຜີຍແຜ່ເອກະສານ ຕ່າງໆຂອງຂັ້ນເທິງ, ເປັນເຈົ້າ ການໃນການຈັດຕັ້ງປະຕິບັດ ສິດ ແລະ ໜ້າທີ່ວຽກງານຕາມ ການມອບໝາຍດ້ວຍຄວາມ ຮັບຜິດຊອບສູງ ແລະ ໄດ້ຮັບ ຮອງເປັນໜ່ວຍພັກເຂັ້ມແຂງ - ຮູ້ນຳພາຮອບດ້ານ 7 ປີຕໍ່ເນື່ອງ ແລະ ຕະຫຼອດໜຶ່ງປີຜ່ານມາ ໄດ້ຮັບຄຳຮ້ອງຈາກພົນລະ ເມືອງ 24 ສະບັບ, ໃນນີ້ ຄຳ ຮ້ອງກ່ຽວກັບອາຍາ 18 ສະບັບ ແລະ ຄຳຮ້ອງຄວາມເປັນທຳ 6 ສະບັບ, ແກ້ໄຂແລ້ວ 24 ສະ ບັບ ເທົ່າກັບ 100%, ຄະດີອາ ຍາ 298 ເລື່ອງ ປະຕິບັດສຳ ເລັດ 24 ເລື່ອງ ເທົ່າກັບ 8,05%, ພວມຈັດຕັ້ງປະຕິບັດ 265 ເລື່ອງ, ບໍ່ສາມາດຈັດຕັ້ງ ປະຕິບັດ 9 ເລື່ອງ, ຄະດີແພ່ງ 54 ເລື່ອງ, ປະຕິບັດສຳເລັດ 10 ເລື່ອງ ເທົ່າກັບ 18,51%, ພວມຈັດຕັ້ງປະຕິບັດ 44 ເລື່ອງ, ບໍ່ສາມາດຈັດຕັ້ງປະຕິບັດ 3 ເລື່ອງ ແລະ ໃນຕໍ່ໜ້າຈະເພີ່ມ ທະວີການສຶກສາອົບຮົມການ ເມືອງ-ແນວຄິດໃຫ້ສະມາຊິກ ພັກ-ພະນັກງານອົງການໄອ ຍະການປະຊາຊົນແຂວງ ແລະ ເຂດໃຫ້ມີຄວາມເຂັ້ມແຂງ, ໜັກແໜ້ນ, ເອົາໃຈໃສ່ພັດທະ ນາພື້ນຖານວັດຖຸເຕັກນິກທີ່ທັນ ສະໄໝ, ສາມາດປະຕິບັດພາ ລະບົດບາດສິດ ແລະ ໜ້າທີ່ ຂອງຕົນໃຫ້ມີປະສິດທິພາບ, ມີຄວາມຍຸຕິທຳ ແລະ ສັກສິດ, ເພີ່ມທະວີບົດບາດການນຳພາ ຂອງພັກ-ລັດ ສຸມໃສ່ການກໍ່ ສ້າງພະນັກງານໃຫ້ມີຄຸນນະ ພາບຕາມທິດຊີ້ນຳປອດໃສ, ຕັ້ງໜ້າປະຕິບັດແນວທາງຂອງ ພັກ ແລະ ກົດໝາຍຂອງລັດ ຢ່າງເປັນເຈົ້າການ ແລະ ມີປະ ສິດທິຜົນ. (ຂ່າວ: ກິ່ນນາລົມ ແອ່ນຖ່າຍໄທ)