ສະຫະພັນແມ່ຍິງ ທົ່ວປະເທດຈີນ ມອບເຄ່ືອງຊ່ວຍເຫຼືອໃຫ້ແກ່ ສູນກາງສະຫະພັນແມ່ຍິງລາວ


...

05.03.2018 10:10     

   ໂດຍປະຕິບັດຕາມໜັງສື ສະເໜີຈາກສະຫະພັນແມ່ຍິງ ທົ່ວປະເທດຈີນ ສະບັບລົງວັນ ທີ 5 ທັນວາ 2017 ກ່ຽວກັບ ການເຫັນດີມອບເງິນຊ່ວຍເຫຼືອ ໃຫ້ແກ່ສູນກາງສະຫະພັນແມ່ ຍິງລາວ ໃນມູນຄ່າ 500.000 ຢວນ. ສະນັ້ນ ໃນຕອນບ່າຍ ຂອງວັນທີ 2 ມີນາ 2018 ສູນ ກາງສະຫະພັນແມ່ຍິງລາວ ແລະ ເອກອັກຄະລັດຖະທູດ ສປ ຈີນ ປະຈຳ ສປປ ລາວ ໄດ້ ຈັດພິທີມອບເຄື່ອງຊ່ວຍເຫຼືອ ດັ່ງກ່າວໃຫ້ສູນກາງສະຫະພັນ ແມ່ຍິງລາວ ໂດຍແມ່ນທ່ານ ຫວ່າງ ເວີນທຽນ ເອກອັກຄະ ລັດຖະທູດ ສປ ຈີນ ປະຈຳ ສປປ ລາວ ເປັນຜູ້ມອບ ແລະ ຮັບໂດຍທ່ານ ນາງ ອິນລາວັນ ແກ້ວບຸນພັນ ກຳມະການສູນ ກາງພັກ ປະທານຄະນະບໍລິ ຫານງານສູນກາງສະຫະພັນ ແມ່ຍິງລາວ ພ້ອມດ້ວຍຄະ ນະ, ມີຄະນະປະທານສູນກາງ ສສຍລ, ຫົວໜ້າກົມ - ຮອງກົມ, ແຂກຖືກເຊີນ, ພະນັກງານກ່ຽວ ຂ້ອງເຂົ້າຮ່ວມ. ອຸປະກອນທີ່ນຳມາມອບ ໃນຄັ້ງນີ້ແມ່ນອຸປະກອນເຄື່ອງ ໃຊ້ຫ້ອງການ ລວມມີ 160 ລາຍການ, ເປັນຕົ້ນຄອມພິວ ເຕີ, ປິນເຕີ, ເຄື່ອງແຟັກເອກະ ສານ, ຈັກກັອບປີ, ເຄື່ອງສຽງ ຫ້ອງປະຊຸມ, ໂຕະ, ຕັ່ງ ແລະ ໄມຕັ້ງໂຕະ ສຳລັບຫ້ອງປະຊຸມ ລວມມູນຄ່າທັງໝົດ 500.000 ຢວນ (660.000.000 ກີບ), ອຸປະກອນທີ່ນຳມາມອບໃນຄັ້ງ ນີ້ແມ່ນຈະນຳໃຊ້ເຂົ້າໃນວຽກ ງານຂອງບັນດາຫ້ອງການ, ກົມ, ສູນ ຂອງສູນກາງສະຫະ ພັນແມ່ຍິງລາວຈຳນວນໜຶ່ງ ແລະ ອີກຈຳນວນໜຶ່ງແມ່ນຈະ ນຳໄປມອບໃຫ້ສະຫະພັນແມ່ ຍິງແຂວງ ແລະ ເມືອງທີ່ທຸກ ຍາກ ເພື່ອນຳໃຊ້ເຂົ້າໃນວຽກ ງານຂອງເຂົາເຈົ້າ.