ຫົວໜ້າຄະນະພົວພັນຕ່າງປະເທດສູນກາງພັກ ຕ້ອນຮັບທູດອົດສະຕຣາລີ


...

06.03.2018 9:44     

   ໃນວັນທີ 5 ມີນາ ທີ່ຄະ ນະພົວພັນຕ່າງປະເທດສູນ ກາງພັກ, ທ່ານ ນາງ ສູນທອນ ໄຊຍະຈັກ ຫົວໜ້າຄະນະພົວ ພັນຕ່າງປະເທດສູນກາງພັກ ໄດ້ຕ້ອນຮັບການເຂົ້າຢ້ຽມຂ່ຳ ນັບຂອງທ່ານ ແຈນ - ເບີນາດ ຄາຣາສໂຄ (Jean - Bernard Carrasco) ເນື່ອງໃນໂອກາດ ມາດຳລົງຕຳແໜ່ງເອກອັກຄະ ລັດຖະທູດວິສາມັນຜູ້ມີອຳ ນາດເຕັມ ແຫ່ງ ອົດສະຕຣາລີ ປະຈຳ ລາວ ຄົນໃໝ່. ທ່ານ ນາງ ສູນທອນ ໄຊຍະຈັກ ໄດ້ສະແດງຄວາມ ຊົມເຊີຍ ແລະ ອວຍພອນ ທ່ານ ແຈນ ເບີນາດ ຄາຣາສໂຄ ທີ່ໄດ້ຮັບມອບໝາຍໜ້າທີ່ເປັນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ອົດສະ ຕຣາລີ ປະຈຳ ສປປ ລາວ ຄົນ ໃໝ່ ແລະ ສະແດງຄວາມເຊື່ອ ໝັ້ນວ່າ ທ່ານເອກອັກຄະລັດ ຖະທູດຄົນໃໝ່ ຈະສືບຕໍ່ໃຫ້ ການຮ່ວມມື ແລະ ປະສານສົມ ທົບຢ່າງແໜ້ນແຟ້ນກັບພາກ ສ່ວນກ່ຽວຂ້ອງຂອງລາວໃນການປະຕິບັດໜ້າທີ່ເປັນຂົວຕໍ່ ປະສານງານ ລະຫວ່າງອົດສະ ຕຣາລີ - ລາວ ເວົ້າລວມ ເພື່ອ ປະກອບສ່ວນເຂົ້າໃນການເສີມ ຂະຫຍາຍສາຍພົວພັນລະ ຫວ່າງສອງລັດ ແລະ ປະຊາ ຊົນສອງຊາດ ລາວ - ອົດສະ ຕຣາລີ ໃຫ້ນັບມື້ນັບມີປະສິດ ທິຜົນຍິ່ງໆຂຶ້ນ. ທ່ານ ແຈນ ເບີນາດ ຄາຣາສໂຄ ໄດ້ສະແດງຄວາມ ຂອບໃຈຢ່າງສູງຕໍ່ຫົວໜ້າຄະ ນະພົວພັນຕ່າງປະເທດສູນ ກາງພັກທີ່ໃຫ້ການຕ້ອນຮັບ ຢ່າງອົບອຸ່ນ ພ້ອມທັງເນັ້ນໜັກ ວ່າຕົນເອງຈະເຮັດສຸດຄວາມ ສາມາດຂອງຕົນ ເພື່ອສືບຕໍ່ປະ ຕິບັດໜ້າທີ່ວຽກງານການຕ່າງ ປະເທດເປັນຂົວຕໍ່ໃນການປະ ສານສົມທົບກັບບັນດາກະຊວງ, ອົງການຂັັ້ນສູນກາງ ແລະ ທ້ອງ ຖິ່ນຂອງລາວ ເພື່ອປະກອບ ສ່ວນເຂົ້າໃນການເສີມຂະ ຫຍາຍສາຍພົວພັນຂອງສອງ ປະເທດໃຫ້ນັບມື້ແຕກດອກ ອອກຜົນຍິ່ງໆຂຶ້ນ. (ຂ່າວ: ຄຕພ, ພາບ : ພູວຽງຄຳ)