ທ່ານ ບໍ່ວຽງຄຳ ວົງດາລາ ຕ້ອນຮັບ ທູດຕວກກີ


...

06.03.2018 9:45     

   ທ່ານ ບໍ່ວຽງຄຳ ວົງດາລາ ລັດຖະມົນຕີ ກະຊວງວິທະຍາ ສາດ ແລະ ເຕັກໂນໂລຊີ (ກວຕ) ໄດ້ຕ້ອນຮັບການເຂົ້າຢ້ຽມຂ່ຳ ນັບຂອງທ່ານ ອາເມັດ ອີເດັມ ອາເກ (Mr Ahme Ide Akay) ເອກອັກຄະລັດຖະທູດວິສາມັນ ຜູ້ມີອຳນາດເຕັມ ແຫ່ງ ຕວກກີ ປະຈຳ ສປປ ລາວ ຄົນໃໝ່ ທີ່ມີ ສຳນັກງານໃຫຍ່ຕັ້ງຢູ່ບາງກອກ ປະເທດໄທ ໃນວັນທີ 5 ມີນາ ນີ້, ທີ່ກະຊວງດັ່ງກ່າວ. ໃນໂອກາດນີ້ ທ່ານລັດ ຖະມົນຕີ ໄດ້ສະແດງຄວາມ ຕ້ອນຮັບ ແລະ ຕີລາຄາສູງຕໍ່ ທ່ານ ອາເມັດ ອີເດັມ ອາເກ ທີ່ ໄດ້ຖືກແຕ່ງຕັ້ງເປັນເອກອັກຄະ ລັດຖະທູດວິສາມັນຜູ້ມີອຳ ນາດເຕັມແຫ່ງຕວກກີ ຄົນໃໝ່ ປະຈຳ ສປປ ລາວ ຊຶ່ງຫວັງຢ່າງ ຍິ່ງວ່າການມາດຳລົງຕຳແໜ່ງ ໃນຄັ້ງນີ້ ຈະເປັນການເສີມຂະ ຫຍາຍສາຍພົວພັນຮ່ວມມືລະ ຫວ່າງ ສປປ ລາວ ແລະ ຕວກກີ ເວົ້າລວມ, ເວົ້າສະເພາະ ກໍຄື ການພົວພັນຮ່ວມມືລະຫວ່າງ ກະຊວງວິທະຍາສາດ ແລະ ເຕັກໂນໂລຊີລາວ ກັບ ກະຊວງ ວິທະຍາສາດ ແລະ ເຕັກໂນໂລ ຊີ ຕວກກີ ໃຫ້ມີການພົວພັນ ຮ່ວມມືໃຫ້ແໜ້ນແຟ້ນຍິ່ງໆຂຶ້ນ ທັງໃນປັດຈຸບັນກໍຄື ອະນາຄົດ, ພ້ອມດຽວກັນນີ້ ທ່ານເອກອັກ ຄະລັດຖະທູດວິສາມັນຜູ້ມີອຳ ນາດເຕັມແຫ່ງຕວກກີ ປະຈຳ ສປປ ລາວ ກໍໄດ້ແຈ້ງເຈດຈຳ ນົງຂອງການເຂົ້າຢ້ຽມຂ່ຳນັບ ໃນຄັ້ງນີ້ໃຫ້ແກ່ທ່ານ ບໍ່ວຽງຄຳ ວົງດາລາ ໄດ້ຮັບຊາບ. (ພາບ+ຂ່າວ: ສຸກສາຄອນ)