ຫຼາຍພາກສ່ວນເຂົ້າອວຍພອນ ແລະ ຊຸກຍູ້ວັນແມ່ຍິງສາກົນ


...

06.03.2018 9:45     

   ໃນໂອກາດສະເຫຼີມສະ ຫຼອງວັນແມ່ຍິງສາກົນ ທີ 8 ມີນາ 2018 ຄົບຮອບ 108 ປີ ຫຼາຍພາກສ່ວນເຂົ້າອວຍພອນ ແລະ ຊຸກຍູ້ວັນດັ່ງກ່າວ. ໃນວັນທີ 5 ມີນານີ້, ທີ່ສູນ ກາງສະຫະພັນແມ່ຍິງລາວ ທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະ ທານຄະນະບໍລິຫານງານສູນ ກາງສະຫະພັນແມ່ຍິງລາວ (ສສຍລ) ພ້ອມດ້ວຍຄະນະໄດ້ ຕ້ອນຮັບບັນດາພາກສ່ວນ ຕ່າງໆເຂົ້າອວຍພອນ ເພື່ອປະ ກອບສ່ວນວັດຖຸ ແລະ ອຸປະ ກອນເພື່ອຊຸກຍູ້ງານສະເຫຼີມ ສະຫຼອງວັນແມ່ຍິງສາກົນ ຊຶ່ງ ປະກອບມີບັນດາພາກສ່ວນດັ່ງ ນີ້: ສູນກາງຊາວໜຸ່ມ ປປ ລາວ, ສະມາຄົມນັກທຸລະກິດ ແມ່ຍິງມອບເງິນຈຳນວນ 10.000.000 ກີບ ມອບໂດຍ ທ່ານ ນາງ ຈັນທະຈອນ ວົງໄຊ ປະທານສະມາຄົມນັກທຸລະ ກິດແມ່ຍິງ, ບໍລິສັດ ທີ່ປຶກສາ ພັດທະນາກະສິກຳ ແລະ ປ່າໄມ້ ມອບປື້ມລວມເປັນມູນຄ່າ 10.000.000 ກີບ ໂດຍແມ່ນ ທ່ານ ສຸວັນເພັງ ພົມມະສານ ປະທານບໍລິສັດທີ່ປຶກສາ ແລະ ພັດທະນາກະສິກຳ ແລະ ປ່າ ໄມ້, ບໍລິສັດ ລືໄຊກໍ່ສ້າງ ມອບ ເງິນຈຳນວນ 5.000.000 ກີບ ຕາງໜ້າມອບໂດຍ ທ່ານ ນາງ ແສງທະວີ ສີສົມພູ. ວັດຖຸ ແລະ ອຸປະກອບ ຈຳນວນດັ່ງກ່າວ ແມ່ນຈະນຳ ໃຊ້ເຂົ້າໃນການສະເຫຼີມສະ ຫຼອງ ແລະ ຈັດກິດຈະກຳທີ່ ສສຍລ ຈະຈັດຂຶ້ນໃນວັນທີ 7 ມີນາ 2018 ນີ້ ທີ່ສູນອົບຮົມ ແມ່ຍິງລາວ. (ຂ່າວ: ສະຫະພັນແມ່ຍິງລາວ)