ຄະນະຜູ້ແທນລາວ ສຳເລັດການເຂົ້າຮ່ວມ ກອງປະຊຸມລັດຖະມົນຕີວັດທະນະທຳຂອບການ ຮ່ວມມືອາຊີ-ເອີຣົບ ຄັ້ງທີ 8


...

06.03.2018 9:47     

    (ຂປລ) ຄະນະຜູ້ແທນ ລາວ ນຳໂດຍທ່ານ ສະຫວັນ ຄອນ ຣາຊມຸນຕຣີ ຮອງລັດ ຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຫ່ງ ສປປ ລາວ ໄດ້ສຳເລັດ ການເຂົ້າຮ່ວມກອງປະຊຸມລະ ດັບລັດຖະມົນຕີວັດທະນະທຳ ໃນຂອບການຮ່ວມມືອາຊີ-ເອີ ຣົບ ຄັ້ງທີ 8 ຊຶ່ງຈັດຂຶ້ນໃນລະ ຫວ່າງວັນທີ 1-2 ມີນາຜ່ານມາ ທີ່ນະຄອນຫຼວງໂຊເຟຍ ສາທາ ລະນະລັດບູນກາລີ, ພາຍໃຕ້ ການເປັນປະທານຂອງທ່ານ ໂບຍ ປານອບ ລັດຖະມົນຕີ ກະຊວງວັດທະນະທຳ ແຫ່ງ ສາທາລະນະລັດບູນກາລີ, ມີ ຄະນະຜູ້ແທນເຂົ້າຮ່ວມຫຼາຍ ກວ່າ 200 ທ່ານ ທີ່ມາຈາກ 46 ປະເທດ ໂດຍໄດ້ປຶກສາຫາລື ແລະ ແລກປ່ຽນທັດສະນະກ່ຽວ ກັບບົດບາດສຳຄັນຂອງວັດທະ ນະທຳຕໍ່ການຮ່ວມມືສາກົນ ແນໃສ່ສົ່ງເສີມຄວາມເຂົ້າອົກ ເຂົ້າໃຈ, ສົ່ງເສີມການຮ່ວມມື ແລະ ການເຄົາລົບຊຶ່ງກັນ ແລະ ກັນ ເພື່ອຮັບປະກັນການພັດທະ ນາໃຫ້ຍືນຍົງ ແລະ ຮັກສາສັນ ຕິພາບໃນຂົງເຂດອາຊີ-ເອີຣົບ. ກອງປະຊຸມຄັ້ງນີ້ ຍັງໄດ້ ແລກປ່ຽນຂໍ້ມູນຂ່າວສານ, ແນວທາງການຮ່ວມມືທາງດ້ານ ສິລະປະວັດທະນະທຳ ລວມ ທັງບັນດາຜະລິດຕະພັນວັດ ທະນະທຳຕ່າງໆ, ບົດບາດ ຄວາມສຳຄັນຂອງສັງຄົມຕໍ່ ວຽກງານວັດທະນະທຳ, ການ ສ້າງຄວາມເຂັ້ມແຂງ, ການມີ ສ່ວນຮ່ວມ ແລະ ການພັດທະ ນາແບບຍືນຍົງ. ທ່ານ ສະຫວັນຄອນ ຣາຊມຸນຕຣີ ໄດ້ຮັບກຽດມີຄຳ ເຫັນຕໍ່ວາລະກອງປະຊຸມ ໂດຍ ໄດ້ຍົກໃຫ້ເຫັນນະໂຍບາຍ ຂອງພັກ-ລັດຖະບານ ສປປ ລາວ ຕໍ່ວຽກງານການປົກປັກ ຮັກສາ ແລະ ພັດທະນາສົ່ງ ເສີມວັດທະນະທຳອັນດີງາມ ກໍຄືການປົກປັກຮັກສາມໍລະ ດົກວັດທະນະທຳຂອງຊາດ, ພ້ອມທັງໄດ້ເນັ້ນເຖິງການຮ່ວມ ມື ກໍຄືການແລກປ່ຽນວັດທະນະ ທຳກັບບັນດາປະເທດເພື່ອນ ມິດພາກພື້ນ ແລະ ໃນໂລກຢູ່ ໃນເວທີຕ່າງໆ ທີ່ມີຜົນປະ ໂຫຍດຮ່ວມກັນ. ຄຽງຄູ່ກັນນີ້ ວັດທະນະທຳມີບົດບາດສຳຄັນ ຕໍ່ຂົງເຂດເສດຖະກິດ-ສັງຄົມ, ເປັນຕົ້ນແມ່ນການສ້າງວຽກ ເຮັດງານທຳທີ່ມີລາຍຮັບທີ່ໝັ້ນ ຄົງຕິດພັນກັບການສົ່ງເສີມຫົວ ຄິດປະດິດສ້າງ ແລະ ພູມປັນ ຍາທີ່ເປັນເອກະລັກຂອງປະ ຊາຊົນບັນດາເຜົ່າ, ຕໍ່ການພົວ ພັນລະຫວ່າງປະເທດ ແລະ ຊີ ວິດການເປັນຢູ່ຂອງມວນມະນຸດ. ຄະນະຜູ້ແທນລາວຍັງຖື ໂອກາດດັ່ງກ່າວແຈ້ງໃຫ້ຊາບ ວ່າ: ສປປ ລາວ ມີມໍລະດົກ ໂລກ 2 ແຫ່ງຄື: ເມືອງຫຼວງພະ ບາງ ແລະ ປາສາດຫີນວັດພູ ຈຳປາສັກ. ໃນລະຫວ່າງທ້າຍ ປີ 2017 ທີ່ຜ່ານມານີ້ ສຽງ ແຄນລາວ ກໍໄດ້ຖືກຮັບຮອງ ເຂົ້າໃນບັນຊີມໍລະດົກໂລກ ທາງດ້ານວັດທະນະທຳທີ່ບໍ່ ເປັນວັດຖຸ ໂດຍອົງການອຸຍ ແນັດສະໂກ ໄດ້ສຳເລັດສົ່ງເອ ກະສານນຳສະເໜີເອົາທົ່ງ ໄຫຫີນແຂວງຊຽງຂວາງ ເຂົ້າ ໃນບັນຊີມໍລະດົກໂລກ ແລະ ກະກຽມເອກະສານນຳສະເໜີ ປ່າສະຫງວນແຫ່ງຊາດຫີນ ໜາມໜໍ່ ແຂວງຄຳມ່ວນ ເປັນ ມໍລະດົກໂລກທາງດ້ານທຳມະ ຊາດແຫ່ງທຳອິດຂອງ ສປປ ລາວ ຊຶ່ງຄາດວ່າຈະໃຫ້ສຳ ເລັດໃນປີ 2020 ແລະ ພ້ອມ ດຽວກັນນັ້ນ ໄດ້ໂຄສະນາ ແລະ ເຊີນຊວນໃຫ້ນັກທ່ອງທ່ຽວຈາກ ບັນດາປະເທດອາຊີ ແລະ ເອີ ຣົບໄປທ່ອງທ່ຽວປະເທດລາວ ເນື່ອງໃນໂອກາດປີທ່ອງທ່ຽວ ລາວປີ 2018. ໃນຕອນບ່າຍຂອງວັນທີ 1 ມີນາຜ່ານມາ, ທ່ານ ສະ ຫວັນຄອນ ຣາຊມຸນຕຣີ ຮອງ ລັດຖະມົນຕີ ພ້ອມຄະນະຍັງ ໄດ້ພົບປະສອງຝ່າຍກັບທ່ານ ອິນເດັກ ຊາ (Indrek Saar) ລັດຖະມົນຕີກະຊວງວັດທະ ນະທຳ ແຫ່ງ ສາທາລະນະລັດ ແອັສໂຕນີ ພ້ອມດ້ວຍຄະນະ. ທັງສອງຝ່າຍຍັງໄດ້ແລກປ່ຽນ ຄຳເຫັນກ່ຽວກັບຊ່ອງທາງການ ແລກປ່ຽນຮ່ວມມືໃນຂົງເຂດ ວັດທະນະທຳ ເປັນຕົ້ນໃນການ ປົກປັກຮັກສາມໍລະດົກວັດທະ ນະທຳໃນຍຸກດີຈີຕອນ, ການ ແລກປ່ຽນດ້ານຮູບເງົາ, ລວມ ທັງການແລກປ່ຽນສິລະປະວັນ ນະຄະດີ.