ເຈົ້າແຂວງຜົ້ງສາລີ ລົງຊຸກຍູ້ວຽກງານຈັດສັນ ຍົກຍ້າຍບ້ານທີ່ຖືກຜົນກະທົບຈາກໂຄງການ ກໍ່ສ້າງເຂື່ອນໄຟຟ້ານ້ຳອູ 7


...

07.03.2018 9:38     

   ທ່ານ ຄຳເຈນ ວົງໂພສີ ກຳມະການສູນກາງພັກ ເລຂາພັກ ແຂວງ ເຈົ້າແຂວງຜົ້ງສາລີ ພ້ອມດ້ວຍທິມງານຈາກຂະແໜງ ການກ່ຽວຂ້ອງຂັ້ນແຂວງ ແລະ ຂັ້ນເມືອງ ໄດ້ລົງເຄື່ອນໄຫວຢ້ຽມ ຢາມ ແລະ ຊຸກຍູ້ວຽກງານຈັດສັນ ຍົກຍ້າຍບ້ານທີ່ຖືກຜົນກະທົບ ຈາກໂຄງການກໍ່ສ້າງເຂື່ອນໄຟ ຟ້ານ້ຳອູ ຢູ່ເຂື່ອນນ້ຳອູ 7. ທີ່ ຂຶ້ນກັບເມືອງຜົ້ງສາລີ. ຫວ່າງ ບໍ່ດົນມານີ້ ການລົງເຄື່ອນໄຫວ ຊຸກຍູ້ວຽກງານໃນເທື່ອນີ້ກໍໄດ້ ຮັບການຕ້ອນຮັບອັນອົບອຸ່ນ ຈາກທ່ານ ຟັນ ຫາງຊັນ ຮອງ ອຳນວຍການບໍລິສັດໄຟຟ້ານ້ຳ ອູ 7 ແລະ ໂອກາດນີ້ກໍໄດ້ຮັບ ຟັງການລາຍງານສະພາບການ ເຄື່ອນໄຫວ ແລະ ຈັດຕັ້ງປະຕິ ບັດວຽກງານຈັດສັນຍົກຍ້າຍ ບ້ານ ແລະ ການໃຊ້ຄ່າຊົດເຊີຍ ໃຫ້ແກ່ບັນດາບ້ານທີ່ຖືກຜົນ ກະທົບຈາກໂຄງການກໍ່ສ້າງ ເຂື່ອນດັ່ງກ່າວ. ໂຄງການກໍ່ສ້າງເຂື່ອນ ໄຟຟ້ານ້ຳອູ 7 ໄດ້ມີຜົນກະທົບ ຕໍ່ທີ່ຢູ່ອາໄສ, ເນື້ອທີ່ການຜະ ລິດ ແລະ ຈະໄດ້ຈ່າຍຄ່າຊົດ ເຊີຍໃຫ້ປະຊາຊົນ ໃນຂອບ ເຂດຂອງເມືອງຜົ້ງສາລີ ມີ 3 ບ້ານຄື: ບ້ານຈະເລີນ, ບ້ານ ສົບກັ້ງ ແລະ ບ້ານຕາຕຸງ ໃນ ນັັ້ນ ບ້ານຈະເລີນໄດ້ຈັດສັນຍົກ ຍ້າຍ ແລະ ໃຊ້ແທນຄ່າຊົດເຊີຍ ສຳເລັດແລ້ວ 100% ແລະ ຍັງ ເຫຼືອ ບ້ານສົບກັ້ງ ແລະ ບ້ານ ຕາຕຸງ ຊຶ່ງມາຮອດປັດຈຸບັນ ພວມເລັ່ງໃສ່ດຳເນີນກໍ່ສ້າງ ໂຄງລ່າງພື້ນຖານຈັດສັນບ້ານ ໃໝ່ໃຫ້ແກ່ສອງບ້ານດັ່ງກ່າວ ໃນນີ້ ບ້ານສົບກັ້ງໄດ້ດິນປຸກ ສ້າງ 300 ຕາແມັດຕໍ່ຄອບຄົວ ມີຈຳນວນ 69 ຫຼັງຄາເຮືອນ ສຳເລັດ 100%, ໃນນີ້ກໍ່ສ້າງ ອາຄານທີ່ຢູ່ອາໄສຂອງປະຊາ ຊົນປະເພດ A ຂະໜາດ 85 ຕາແມັດ, ມີ 12 ຫຼັງ, ປະເພດ B ຂະໜາດ 65 ຕາແມັດ ມີ 36 ຫຼັງ, ປະເພດ C ຂະໜາດ 50 ຕາແມັດ ມີ 21 ຫຼັງ. ກໍ່ສ້າງ ໂຮງຮຽນປະຖົມ 1 ຫຼັງສຳເລັດ 75%, ຫ້ອງການບ້ານ 1 ຫຼັງ ສຳເລັດ 60% ແລະ ຕະຫຼາດ 1 ຫຼັງ ສຳເລັດ 80%, ກໍ່ສ້າງ ເສັັ້ນທາງເຂົ້າບ້ານເປັນທາງປູ ດິນປະສົມຫີນສຳເລັດ 98%, ກໍ່ສ້າງເສັ້ນທາງຊອຍພາຍໃນ ບ້ານ ມີທາງກວ່າ 4 ແມັດ ພ້ອມ ກັບຮ່ອງລະບາຍນ້ຳສຳເລັດ 85%, ກໍ່ສ້າງລະບົບນ້ຳລິນ ເພື່ອຮັບໃຊ້ພາຍໃນບ້ານສຳ ເລັດ 70% ແລະ ກໍ່ສ້າງລະບົບ ຕາຂ່າຍໄຟຟ້າ 0,4 ກິໂລໂວນ ສຳເລັດ 10%. ມາຮອດປັດຈຸ ບັນນີ້ ບ້ານສົບກັ້ງໄດ້ຈັດຕັ້ງປະ ຕິບັດບັນດາໜ້າວຽກໄດ້ສຳ ເລັດແລ້ວ ປະມານ 96% ຂອງ ໜ້າວຽກທັງໝົດ ແລະ ຈະກໍ່ ສ້າງໃຫ້ສຳເລັດ 100% ໃນ ທ້າຍເດືອນມີນາ ປີ 2018 ນີ້. ສຳລັບບ້ານຕາຕຸງ ປັດຈຸບັນ ພວມເລັ່ງໃສ່ການປັບພື້ນທີ່ ພ້ອມທັງຈັດສັນດິນປຸກສ້າງ ຂະໜາດ 79 ຕອນດິນສຳເລັດ 100% ໃນນັ້ນຈະກໍ່ສ້າງອາ ຄານທີ່ຢູ່ອາໄສຂອງປະຊາຊົນ ປະເພດ A ຂະໜາດ 53,75 ຕາແມັດ ຈຳນວນ 34 ຫຼັງ ໃນ ນັ້ນ ຫໍພັກຄູ 1 ຫຼັງ, ປະເພດ B ຂະໜາດ 33,75 ຕາແມັດ ຈຳ ນວນ 45 ຫຼັງ, ກໍ່ສ້າງຫ້ອງການ ບ້ານ 1 ຫຼັງ, ກໍ່ສ້າງໂຮງຮຽນ 1 ຫຼັງ ແລະ ຕະຫຼາດ 1 ຫຼັງ. ຈະ ກໍ່ສ້າງລະບົບຕາຂ່າຍໄຟຟ້າ ເຂົ້າບ້ານຂະໜາດ 0,4 ກິໂລ ໂວນ ຊຶ່ງມາຮອດປັດຈຸບັນນີ້ ໄດ້ກໍ່ສ້າງເສັ້ນທາງເຂົ້າບ້ານ ສຳເລັດ 75%, ກໍ່ສ້າງເສັ້ນທາງ ຊອຍພາຍໃນບ້ານສຳເລັດ 75%, ກໍ່ສ້າງລະບົບນ້ຳລິນ ເພື່ອຮັບໃຊ້ພາຍໃນບ້ານ ສຳເລັດ 50%. ປັດຈຸບັນພວມ ຂຸ້ນຂ້ຽວຈັດຕັ້ງປະຕິບັດບັນດາ ໜ້າວຽກຕ່າງໆ ແລະ ຈະໃຫ້ ສຳເລັດ 100% ໃນທ້າຍເດືອນ ພຶດສະພາ ປີ 2018 ນີ້. ໃນໂອກາດດັ່ງກ່າວ, ທ່ານ ຄຳເຈນ ວົງໂພສີ ເຈົ້າແຂວງ ຜົ້ງສາລີ ກໍໄດ້ມີຄຳເຫັນໂອ້ລົມ ຕື່ມ ແລະ ການລົງເຄື່ອນໄຫວ ຊຸກຍູ້ວຽກງານໃນເທື່ອນີ້ ທ່ານ ເຈົ້າແຂວງກໍໄດ້ນຳເອົາຜ້າຫົ່ມ ໄປມອບໃຫ້ແກ່ພໍ່ແມ່ປະຊາ ຊົນແຕ່ລະຄອບຄົວຂອງບ້ານ ສົບກັ້ງ ແລະ ບ້ານຕາຕຸງ ລວມ ມູນຄ່າ 5 ລ້ານກ່ວາກີບ ເພື່ອ ບັນເທົາທຸກໃຫ້ຄອບຄົວທີ່ຖືກ ຜົນກະທົບຕື່ມອີກ. ໂຄງການກໍ່ສ້າງເຂື່ອນໄຟ ຟ້ານ້ຳອູ 7 ແມ່ນໄດ້ເລີ່ມລົງມື ກໍ່ສ້າງມາແຕ່ 2015 ເປັນຕົ້ນ ມາ ຊຶ່ງມາຮອດປັດຈຸບັນໄດ້ສຳ ເລັດບັນດາໜ້າວຽກຕ່າງໆປະ ມານ 30 % ແລະ ຄາດວ່າຈະ ໃຫ້ສຳເລັດ 100% ໃນທ້າຍປີ 2019, ພາຍຫຼັງສຳເລັດແລ້ວ ສາມາດຜະລິດກະແສໄຟຟ້າ ໄດ້ 210 ເມກາວັດ. (ຂ່າວ - ພາບ : ສົມຈະເລີນ)