ສະຫຼຸບວຽກງານອະໄພຍະໂທດ ປະຈຳປີ 2017 ແລະ ແຜນການປີ 2018


...

08.03.2018 10:29     

   ຄະນະກຳມະການອະໄພ ຍະໂທດລະດັບຊາດ ໄດ້ຈັດ ກອງປະຊຸມສະຫຼຸບວຽກງານ ອະໄພຍະໂທດ ປະຈຳປີ 2017 ແລະ ກຳນົດທິດທາງແຜນການ ອະໄພຍະໂທດ ປະຈຳປີ 2018 ຂຶ້ນໃນວັນທີ 7 ມີນານີ້ ທີ່ອົງການໄອຍະການປະຊາ ຊົນສູງສຸດ ໂດຍການເປັນປະ ທານຂອງທ່ານ ສອນໄຊ ສີພັນ ດອນ ຮອງນາຍົກລັດຖະມົນຕີ ປະທານຄະນະກຳມະການອະ ໄພຍະໂທດລະດັບຊາດ ຊຶ່ງມີ ຮອງປະທານ, ຄະນະກຳມະ ການ ແລະ ກອງເລຂາຄະນະ ກຳມະການອະໄພຍະໂທດລະ ດັບຊາດ ແລະ ພ້ອມດ້ວຍພາກ ສ່ວນກ່ຽວຂ້ອງເຂົ້າຮ່ວມ.
   ກອງປະຊຸມຄັ້ງນີ້ ໄດ້ຮັບ ຟັງການລາຍງານສະຫຼຸບວຽກ ງານອະໄພຍະໂທດຂອງຄະ ນະກຳມະການອະໄພຍະໂທດ ລະດັບຊາດ ປະຈຳປີ 2017 ຊຶ່ງໄດ້ຄົ້ນຄວ້າໃຫ້ອະໄພຍະ ໂທດແກ່ນັກໂທດທົ່ວປະເທດ ທັງໝົດ ຈຳນວນ 1.890 ຄົນ, ຍິງ 400 ຄົນ, ຕ່າງປະເທດ 39 ຄົນ, ຍິງ 10 ຄົນ. ໃນນີ້ ໄດ້ໃຫ້ ອະໄພຍະໂທດຫຼຸດຜ່ອນໂທດ ຈຳນວນ 1.557 ຄົນ, ຍິງ 340 ຄົນ, ຕ່າງປະເທດ 33 ຄົນ, ຍິງ 10 ຄົນ ແລະ ໃຫ້ອະໄພຍະ ໂທດປ່ອຍຕົວຈຳນວນ 333 ຄົນ, ຍິງ 60 ຄົນ, ຕ່າງປະເທດ 6 ຄົນ ແລະ ໄດ້ເກັບຄ່າປັບ ໄໝທາງອາຍາໄດ້ຈຳນວນ 2.700.920.500 ກີບ, ເຂົ້າ ງົບປະມານ 1.213.573.000 ກີບ, ຍັງບໍ່ທັນໄດ້ເອົາເຂົ້າງົບປະ ມານ 1.487.347.500 ກີບ. ນອກນັ້ນ ຍັງໄດ້ຜ່ານແຜນການ ປະຈຳປີ 2018 ຂອງຄະນະກຳ ມະການອະໄພຍະໂທດລະດັບ ຊາດ ເພື່ອປັບປຸງ ແລະ ນຳສະ ເໜີປະທານປະເທດ ປະກາດ ໃຊ້ລັດຖະບັນຍັດ ວ່າດ້ວຍການ ໃຫ້ອະໄພຍະໂທດ ແລະ ການ ຈັດຕັ້ງເຜີຍແຜ່ເຊື່ອມຊຶມນິຕິ ກຳດັ່ງກ່າວໃຫ້ກວ້າງຂວາງ ແລະ ທົ່ວເຖິງ.
   ໃນຕອນທ້າຍ, ປະທານ ກອງປະຊຸມຍັງໄດ້ໃຫ້ກຽດໂອ້ ລົມຕໍ່ກອງປະຊຸມ ໂດຍໄດ້ຮຽກ ຮ້ອງໃຫ້ຄະນະກຳມະການອະ ໄພຍະໂທດລະດັບຊາດ ສືບຕໍ່ ເຊີດຊູ ແລະ ຍົກສູງຄວາມຮັບ ຜິດຊອບ ໃນການຄົ້ນຄວ້າວຽກ ງານອະໄພຍະໂທດ ແລະ ປັບ ປຸງແກ້ໄຂບັນດາຂໍ້ຄົງຄ້າງຕ່າງໆ ຈັດຕັ້ງເຊື່ອມຊຶມເຜີຍແຜ່ບັນ ດານິຕິກຳຕ່າງໆໃຫ້ແກ່ອົງການ ຈັດຕັ້ງ, ກຸ່ມຄົນທີ່ກ່ຽວຂ້ອງ ໄດ້ ເຂົ້າໃຈ ເພື່ອເປັນບ່ອນອີງໃນ ການຈັດຕັ້ງປະຕິບັດວຽກງານ ອະໄພຍະໂທດ ປະຈຳປີ 2018 ໃຫ້ມີປະສິດທິຜົນສູງຂຶ້ນ.
(ຂ່າວ: ສະຫວັນຄຳ)