ຄະນະຜູ້ແທນກະຊວງ ປທສ ຢ້ຽມຊົມງານວາງສະແດງໂທລະຄົມໂລກ ປີ 2018


...

08.03.2018 10:41     

   ໃນໂອກາດເດີນທາງໄປ ເຂົ້າຮ່ວມກອງປະຊຸມໃຫຍ່ໂທ ລະຄົມໂລກ (Mobile World Congress, MWC 2018) ຈັດຂຶ້ນເມື່ອບໍ່ດົນມານີ້ ທີ່ເມືອງ ບາເຊໂລນາ ປະເທດແອັດສະ ປາຍ, ທ່ານ ທັນສະໄໝ ກົມ ມະສິດ ລັດຖະມົນຕີກະຊວງ ໄປສະນີ ໂທລະຄົມມະນາຄົມ ແລະ ການສື່ສານ (ປທສ) ພ້ອມດ້ວຍຄະນະ ໄດ້ຢ້ຽມຊົມ ຫ້ອງວາງສະແດງຂອງບໍລິສັດ ຫົວເຫວີຍ ເຕັກໂນໂລຊີ (Huawei Technologies) ຊຶ່ງທ່ານໄດ້ຕີລາຄາສູງຕໍ່ການ ປະກອບສ່ວນຂອງບໍລິສັດຫົວ ເຫວີຍ ເຂົ້າໃນການພັດທະນາ ເຕັກໂນໂລຊີການສື່ສານຂໍ້ມູນ ຂ່າວສານ (ICT) ແລະ ການ ຮ່ວມມືລະຫວ່າງບໍລິສັດຫົວ ເຫວີຍກັບບັນດາບໍລິສັດຜູ້ໃຫ້ ບໍລິການໂທລະຄົມມະນາຄົມ ຢູ່ ສປປ ລາວ.
   ໃນກອງປະຊຸມໂທລະຄົມ ໂລກຄັ້ງນີ້ ບໍລິສັດຫົວເຫວີຍ ໄດ້ມີການວາງສະແດງ ແລະ ການກ່າວບົດປາໄສ, ພາຍໃຕ້ ຫົວຂໍ້: "ເພື່ອໃຫ້ໂລກມີອະນາ ຄົດທີ່ດີກວ່າ", ໃນໄລຍະເວລາ ຈັດງານ, ມີບັນດາຜູ້ຄຸ້ມຄອງ ດ້ານໂທລະຄົມ ແລະ ຄູ່ຮ່ວມ ມືເຂົ້າຮ່ວມຫຼາຍກວ່າ 100 ພາກສ່ວນ ທີ່ມາຈາກທົ່ວໂລກ ຊຶ່ງບໍລິສັດຫົວເຫວີຍ ໄດ້ນຳສະ ເໜີນະວັດຕະກຳ ແລະ ແນວ ຄວາມຄິດໃໝ່ໆ ທີ່ໄດ້ພັດທະ ນາຮ່ວມກັນ. ພ້ອມກັນນັ້ນ ບໍລິ ສັດຫົວເຫວີຍ ກໍໄດ້ເຂົ້າຮ່ວມ ໃນການສົນທະນາກັບຄູ່ຮ່ວມ ມືດ້ານອຸດສາຫະກຳກ່ຽວກັບ ອະນາຄົດຂອງຂະແໜງອຸດ ສາຫະກຳໂທລະຄົມມະນາຄົມ ແລະ ການປະຕິບັດງານທີ່ດີທີ່ ສຸດ ເພື່ອຊ່ວຍໃຫ້ຜູ້ຄຸ້ມຄອງ ດ້ານໂທລະຄົມມະນາຄົມບັນ ລຸຜົນການຂະຫຍາຍຕົວໃໝ່ ໃນການຂັບເຄື່ອນຄຸນຄ່າການ ສະໜອງການບໍລິການດ້ານໂທ ລະຄົມມະນາຄົມ ແລະ ອິນເຕີ ເນັດ ໃນອະນາຄົດ.
   ທ່ານລັດຖະມົນຕີກະຊວງ ປທສ ພ້ອມດ້ວຍຄະນະໄດ້ພົບ ປະໂອ້ລົມກັບ ທ່ານ ມາກ ວາງ (Mark Wang) ຜູ້ອຳນວຍ ການໃຫຍ່ບໍລິສັດຫົວເຫວີຍ ເຕັກໂນໂລຊີລາວ ຊຶ່ງທ່ານ ໄດ້ຕີລາຄາສູງຕໍ່ບໍລິສັດຫົວ ເຫວີຍ ທີ່ເປັນໜຶ່ງໃນຜູ້ສະໜັບ ສະໜູນຫຼັກງານກອງປະຊຸມ ໂທລະສັບມືຖືໂລກ 2018 ຄັ້ງ ນີ້ ແລະ ຊົມເຊີຍຜົນສຳເລັດ ໃນການປະກອບສ່ວນສະໜອງ ອຸປະກອນ ແລະ ການພັດທະ ນາລະບົບໂທລະຄົມມະນາຄົມ ແລະ ອິນເຕີເນັດຂອງ ສປປ ລາວ ໃຫ້ມີລະບົບໂທລະສັບ ມືຖື ຍຸກ 4G ແລະ ຊ່ວຍວາງ ແຜນຈະກ້າວໄປສູ່ລະບົບໂທ ລະສັບມືຖືຍຸກ 5G ໃນອະນາ ຄົດ. ຫຼັງຈາກນັ້ນ ຄະນະຍັງໄດ້ ຢ້ຽມຢາມການວາງສະແດງອຸ ປະກອນ, ເຕັກໂນໂລຊີ ແລະ ລະບົບໂທລະຄົມມະນາຄົມ ແລະ ອິນເຕີເນັດລຸ້ນໃໝ່ ທີ່ ວາງສະແດງພາຍໃນບູດຂອງ ບໍລິສັດຫົວເຫວີຍ.
   ໃນງານວາງສະແດງຄັ້ງ ນີ້ ບໍລິສັດຫົວເຫວີຍ ໄດ້ເປີດ ໂຕຜະລິດຕະພັນໃໝ່ຫຼາຍ ກວ່າ 20 ລາຍການ ແລະ ບັນ ດາເຕັກໂນໂລຊີແຫ່ງອະນາ ຄົດ ທີ່ສາມາດນຳໃຊ້ໄດ້ໃນ ຫຼາຍກໍລະນີ. ຕໍ່ໄປນີ້ ຫົວເຫວີຍ ຍັງຈະສືບຕໍ່ປະກອບສ່ວນຢ່າງ ຕັ້ງໜ້າໃນການສຶກສາຄົ້ນຄວ້າ ຜະລິດຕະພັນໃໝ່, ຊ່ວຍເຫຼືອ ການພັດທະນາພື້ນຖານໂຄງ ລ່າງດ້ານ ICT ຂອງ ສປປ ລາວ ກໍຄືຈະເສີມຂະຫຍາຍ ບົດບາດທີ່ເປັນຜູ້ນຳພາດ້ານ ຂະແໜງຂອງຕົນໃນການສະ ໜັບສະໜູນປະເທດລາວສ້າງ ນະວັດຕະກຳໃໝ່ ແລະ ເພີ່ມ ລາຍຮັບໃໝ່ໃນອະນາຄົດ.