ສະເຫຼີມສະຫຼອງວັນແມ່ຍິງສາກົນ ທີ 8 ມີນາ ຄົບຮອບ 108 ປີ


...

...

08.03.2018 10:25     

   ສູນກາງສະຫະພັນແມ່ຍິງລາວ ໄດ້ຈັດພິທີສະເຫຼີມສະຫຼອງວັນແມ່ຍິງສາກົນ ທີ 8 ມີນາ ຄົບ ຮອບ 108 ປີຂຶ້ນໃນວັນທີ 7 ມີນານີ້ ທີ່ສູນອົບຮົມແມ່ຍິງລາວ ໂດຍເປັນກຽດເຂົ້າຮ່ວມຂອງທ່ານ ນາງ ອິນລາວັນ ແກ້ວບຸນພັນ ກຳມະການສູນກາງພັກ ປະທານຄະນະບໍລິຫານງານສູນກາງສະຫະ ພັນແມ່ຍິງລາວ ພ້ອມດ້ວຍ ຜູ້ຕາງໜ້າອົງການຈັດຕັ້ງມະ ຫາຊົນ, ພະນັກງານອະວຸໂສບຳ ນານ, ຄອບຄົວການນຳ ແລະ ຄະນະນຳສະຫະພັນແມ່ຍິງບັນ ດາກະຊວງ, ອົງການທຽບເທົ່າ ແລະ ແຂກຖືກເຊີນເຂົ້າຮ່ວມ.
   ໃນພິທີ, ທ່ານ ນາງ ບັນ ດິດ ປະທຸມວັນ ຮອງປະທານ ສູນກາງສະຫະພັນແມ່ຍິງລາວ ໄດ້ກ່າວສະຫຼຸບລາຍງານການ ເຄື່ອນໄຫວ ໂດຍໄດ້ຍົກໃຫ້ ເຫັນເຖິງປະຫວັດຄວາມເປັນ ມາຂອງວັນທີ 8 ມີນາ ຊຶ່ງແມ່ນ ເຫດການ ການເມືອງທີ່ສຳຄັນ ເປັນຂີດໝາຍແຫ່ງໄຊຊະນະ ອັນພື້ນຖານຂອງຂະບວນການ ແມ່ຍິງສາກົນ ໂດຍສະເພາະ ລັດຖະບານແຫ່ງ ສປປ ລາວ ໄດ້ມີແນວທາງນະໂຍບາຍຕໍ່ ການພັດທະນາ, ການປົກປ້ອງ ສິດຜົນປະໂຫຍດຂອງແມ່ຍິງ ແລະ ການສົ່ງເສີມຄວາມສະ ເໝີພາບລະຫວ່າງຍິງ-ຊາຍ ຊຶ່ງໄດ້ກຳນົດແຈ້ງຢູ່ໃນລັດຖະ ທຳມະນູນ ແລະ ກົດໝາຍ ຕ່າງໆ ພ້ອມນັ້ນລັດຖະບານ ສປປ ລາວ ຫຍັງໄດ້ເປັນລັດ ພາຄີຂອງສົນທິສັນຍາສາກົນ ກ່ຽວກັບການປົກປ້ອງສິດທິ ຂອງແມ່ຍິງໃນດ້ານຕ່າງໆ. ໃນ ການສະເຫຼີມສະຫຼອງວັນທີ 8 ມີນາ 2018 ນີ້ ມີຄຳຂວັນວ່າ: "ເຖິງເວລາແລ້ວ ທີ່ທຸກຄົນຮ່ວມ ມືກັນປັບປຸງຊີວິດການເປັນຢູ່ ຂອງແມ່ຍິງໃນຕົວເມືອງ ແລະ ຊົນນະບົດໃຫ້ດີຂຶ້ນ".
   ພ້ອມນີ້, ທ່ານຍັງໄດ້ຍົກ ໃຫ້ເຫັນຜົນງານໃນໄລຍະ 1 ປີ ຂອງສູນກາງສະຫະພັນແມ່ຍິງ ລາວ ທີ່ໄດ້ສຸມໃສ່ການຈັດຕັ້ງ ປະຕິບັດສົນທິສັນຍາຕ່າງໆ ທີ່ພົວພັນເຖິງການພັດທະນາ ແລະ ປົກປ້ອງສິດຜົນປະໂຫຍດ ອັນຊອບທຳຂອງແມ່ຍິງ ໂດຍ ການຮ່ວມມືກັບແມ່ຍິງປະເທດ ເພື່ອນມິດຍຸດທະສາດ, ເພື່ອນ ມິດອົງການແມ່ຍິງລະດັບພາກ ພື້ນ, ແມ່ຍິງອາຊຽນ ຊຶ່ງມີຜົນ ສຳເລັດຫຼາຍດ້ານ ເພື່ອສືບຕໍ່ ປະຕິບັດຕາມແຜນພັດທະນາ ເສດຖະກິດ-ສັງຄົມແຫ່ງຊາດ ແຜນພັດທະນາແມ່ຍິງລາວມີ 19 ແຜນງານ 159 ໂຄງການ ໃຫ້ມີຜົນສຳເລັດດີກວ່າເກົ່າ. ພ້ອມນັ້ນ ທ່ານຍັງຮຽກຮ້ອງມາ ຍັງຄະນະນຳສະຫະພັນແມ່ຍິງ ແຕ່ລະຂັ້ນ ເອົາໃຈໃສ່ປະສານ ສົມທົບກັບຂະແໜງການທີ່ ກ່ຽວຂ້ອງຂຶ້ນແຜນກຳນົດສ້າງ ແລະ ຈັດຕັ້ງວາງພະນັກງານ ນຳພາແຕ່ລະຂັ້ນທັງສາຍພັກ- ສາຍລັດ ແລະ ເພດຍິງຊົນ ເຜົ່າໃຫ້ມີຈຳນວນເພີ່ມຂຶ້ນ ພ້ອມທັງສ້າງເງື່ອນໄຂໃຫ້ສະ ມາຊິກສະຫະພັນແມ່ຍິງຂັ້ນ ຕ່າງໆ ໄດ້ຮັບການຍົກລະດັບ ໃນທຸກດ້ານ ເພື່ອກະກຽມກອງ ປະຊຸມໃຫຍ່ອົງຄະນະພັກ 3 ຂັ້ນ.
   ໃນໂອກາດນີ້ ພາຍໃນ ງານຍັງໄດ້ມີກິດຈະກຳຕ່າງໆ ເປັນຕົ້ນການເຕັ້ນລີລາລີລາດ, ຊົມການສາຍວີດີໂອ, ການສະ ແດງສິລະປະ, ແຂ່ງຂັນກິລາ, ການກວດສຸຂະພາບ, ວາງສະ ແດງສິນຄ້າຂາຍຜະລິດຕະພັນ ຕ່າງໆຂອງແມ່ຍິງ.