ປະທານສະພາແຫ່ງຊາດ ເຄື່ອນໄຫວວຽກງານຢູ່ 2 ແຂວງ


...

12.03.2018 8:58     

   (ສພຊ) ລະຫວ່າງວັນທີ 5 -7 ມີນາຜ່ານມານີ້, ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ພ້ອມດ້ວຍຄະນະ ໄດ້ເດີນທາງຢ້ຽມຢາມພົບປະພໍ່ແມ່ປະຊາຊົນຢູ່ 2 ແຂວງຄື: ຄຳມ່ວນ ແລະ ສະ ຫວັນນະເຂດ. ໂອກາດເຮັດວຽກຢູ່ແຂວງຄຳມ່ວນ, ປະທານສະພາແຫ່ງຊາດ ພ້ອມດ້ວຍຄະນະ ໄດ້ຮັບການ ຕ້ອນຮັບຈາກທ່ານ ໂອໄດ ສຸດາພອນ ເຈົ້າແຂວງຄຳມ່ວນ ພ້ອມດ້ວຍຄະນະນຳ ອ້ອມຂ້າງແຂວງ, ຈາກນັ້ນ ທ່ານປະທານສະພາແຫ່ງຊາດ ພ້ອມດ້ວຍຄະນະ ໄດ້ເຮັດວຽກຮ່ວມກັບສະພາປະຊາຊົນ ແຂວງຄຳມ່ວນ, ຮັບຟັງລາຍງານສະພາບລວມໃນການຈັດຕັ້ງປະຕິບັດພາລະບົດບາດ ຂອງຄະນະ ສະມາຊິກສະພາແຫ່ງຊາດ ປະຈຳເຂດເລືອກຕັ້ງທີ 12 ແລະ ສະພາປະຊາຊົນ ແຂວງຄຳ ມ່ວນ ໃນໄລຍະຜ່ານມາ,ພົບ ປະໂອ້ລົມຄະນະບໍລິຫານງານ ພັກແຂວງ, ພະນັກງານຫຼັກ ແຫຼ່ງຂອງແຂວງ ຊຶ່ງໄດ້ຮັບຟັງ ການລາຍງານໂດຍຫຍໍ້ກ່ຽວ ກັບການພັດທະນາເສດຖະ ກິດ-ສັງຄົມຂອງແຂວງຈາກ ທ່ານເຈົ້າແຂວງ ແລະ ພົບປະ ໂອ້ລົມຄະນະພັກເມືອງ, ບ້ານ, ເຂດຈຸດສຸມ ແລະ ປະຊາຊົນ ຢູ່ບ້ານກອງລໍ ເມືອງຄູນຄຳ. ຫຼັງຈາກນັ້ນ, ປະທານສະ ພາແຫ່ງຊາດ ພ້ອມດ້ວຍຄະ ນະໄດ້ສືບຕໍ່ພົບປະຢ້ຽມຢາມ ແຂວງສະຫວັນນະເຂດ ໂດຍ ການຕ້ອນຮັບຂອງທ່ານ ຄຳເຜີຍ ຜັນທະຈອນ ຮອງເລຂາພັກ ແຂວງ ປະທານສະພາປະຊາຊົນ ແຂວງ ຊຶ່ງໄດ້ເຮັດວຽກຮ່ວມ ກັບການນຳຂອງແຂວງ, ພະ ນັກງານຫຼັກແຫຼ່ງຂອງແຂວງ ກ່ອນອື່ນໄດ້ຮັບຟັງບົດລາຍ ງານຫຍໍ້ກ່ຽວກັບການພັດທະ ນາເສດຖະກິດ-ສັງຄົມ ຂອງ ແຂວງໄດ້ເຮັດວຽກຮ່ວມກັບ ຄະນະພັກ, ອຳນາດການປົກ ຄອງ ແລະ ປະຊາຊົນກຸ່ມບ້ານ ຫ້ວຍຫອຍ ເມືອງພີນ ແຂວງ ສະຫວັນນະເຂດ, ຈາກນັ້ນ ຄະນະຍັງໄດ້ຢ້ຽມຢາມເຂື່ອນ ໄຟຟ້າເຊລະນອງ 1. ພາຍຫຼັງຮັບຟັງບົດລາຍ ງານຂອງອຳນາດການປົກຄອງ ແລະ ຄຳຄິດຄຳເຫັນ, ຂໍ້ສະເໜີ ຕ່າງໆ ທ່ານປະທານສະພາ ແຫ່ງຊາດ ໄດ້ສະແດງຄວາມ ຍ້ອງຍໍຊົມເຊີຍຕໍ່ຜົນສຳເລັດ ຢ່າງຮອບດ້ານຂອງແຂວງ, ຂອງເມືອງເວົ້າລວມ, ເວົ້າສະ ເພາະແມ່ນຂອງແຕ່ລະບ້ານ ໄດ້ມີການພັດທະນາຮອບດ້ານ ຕິດພັນກັບແຫຼ່ງທ່ອງທ່ຽວ ທັງ ໄດ້ມີການປັບປຸງປ່ຽນແປງ, ພັດ ທະນາດີຂຶ້ນສາມາດດຶງດູດນັກ ທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວຊົມ ສະຖານທີ່ດັ່ງກ່າວ ເພີ່ມຂຶ້ນໃນ ແຕ່ລະປີ, ເຮັດໃຫ້ປະຊາຊົນມີ ລາຍຮັບ ແລະ ຊີວິດການເປັນຢູ່ ດີຂຶ້ນເປັນກ້າວໆ, ພ້ອມນັ້ນ ທ່ານ ຍັງໄດ້ຮຽກຮ້ອງໃຫ້ເອົາໃຈໃສ່ ໃນການປະຕິບັດທິດທາງແຜນ ການດັ່ງກ່າວ ໃຫ້ມີການປ່ຽນ ແປງທີ່ດີຂຶ້ນກວ່າເກົ່າ, ອຳນາດ ການປົກຄອງຕ້ອງໄດ້ຍົກລະ ດັບການຊີ້ນຳ-ນຳພາ ຕາມທິດ ທີ່ໄດ້ຮັບຜົນສຳເລັດໃຫ້ສູງຂຶ້ນ ເລື້ອຍໆ ໂດຍຕິດພັນກັບວຽກ ງານປ້ອງກັນຊາດ-ປ້ອງກັນ ຄວາມສະຫງົບ, ຕິດພັນກັບ ການກໍ່ສ້າງວຽກງານພັກ, ປັບ ປຸງວຽກງານຈັດຕັ້ງມະຫາຊົນ. ປະທານສະພາແຫ່ງຊາດ ຍົກໃຫ້ເຫັນວ່າ ຖ້າເສດຖະກິດ ພັດທະນາ ແຕ່ວຽກງານປ້ອງ ກັນຊາດ-ປ້ອງກັນຄວາມສະ ຫງົບ ບໍ່ທັນສະຫງົບ ກໍເຮັດໃຫ້ ວຽກງານພັດທະນາເສດຖະ ກິດນັ້ນຖືກຢຸດສະງັກ ເພາະ ວຽກປ້ອງກັນຊາດ-ປ້ອງກັນ ຄວາມສະຫງົບ ແມ່ນວຽກໜຶ່ງ ຢູ່ແຖວໜ້າໃນການຕັດສິນບັນ ດາວຽກງານອື່ນໆ, ສຳລັບວຽກ ງານການສຶກສາເນັ້ນໃຫ້ເອົາ ໃຈໃສ່ໃຫ້ລູກຫຼານຂອງພໍ່ແມ່ ປະຊາຊົນ ຕ້ອງໄດ້ຮັບການສຶກ ສາຢ່າງທົ່ວເຖິງ, ສ່ວນວຽກງານ ສາທາລະນະສຸກເນັ້ນໃຫ້ ແຂວງ, ເມືອງເອົາໃຈໃສ່ເລື່ອງ ໂພຊະນາການຂອງເດັກນ້ອຍ, ເຫັນວ່າເດັກນ້ອຍອາຍຸ 8-10 ປີ ເກນຄວາມສູງຍັງຕ່ຳຫຼາຍ ສະແດງໃຫ້ເຫັນເຖິງວຽກງານ ໂພຊະນາການຍັງບໍ່ໄດ້ດີເທົ່າ ທີ່ຄວນ ໂດຍໄດ້ຮຽກຮ້ອງໃຫ້ ສອງຂະແໜງການດັ່ງກ່າວ ປະສານສົມທົບກັບອົງການຈັດ ຕັ້ງມະຫາຊົນຕິດພັນກັບຄອບ ຄົວ ຈົ່ງພ້ອມກັນແກ້ໄຂບັນຫາ ດັ່ງກ່າວ ໃຫ້ເປັນຕ່ອງໂສ້, ເປັນ ລະບົບທັງແຂວງ, ເມືອງ, ບ້ານ, ຄອບຄົວ ຈຶ່ງຈະສາມາດແກ້ໄຂ ບັນຫາດັ່ງກ່າວ ເພື່ອບັນລຸ ຄາດໝາຍສູ້ຊົນ ເພາະເປັນບັນ ຫາກົກທີ່ຕັດສິນປະເທດຊາດ ຂອງພວກເຮົາ ສືບຕໍ່ຂະຫຍາຍ ຕົວໃນແງ່ໝັ້ນທ່ຽງ ຈຶ່ງຕ້ອງໄດ້ ມີຊັບພະຍາກອນທີ່ອຸດົມສົມ ບູນທາງດ້ານຮ່າງກາຍ, ສະຕິ ປັນຍາ ເພື່ອພັດທະນາປະເທດ ຊາດ ໃຫ້ຈະເລີນກ້າວໜ້າ. ພ້ອມນັ້ນ, ຕ້ອງເອົາໃຈໃສ່ສູ້ ຊົນໃຫ້ບັນດາປະກົດການຫຍໍ້ ທໍ້ໃນສັງຄົມໃຫ້ໝົດໄປເທື່ອລະ ກ້າວ, ສືບຕໍ່ພັດທະນາເສດຖະ ກິດ-ສັງຄົມ ໃຫ້ດີຂຶ້ນ ເປັນຕົ້ນ ແມ່ນການພັດທະນາການປູກ ຝັງ-ລ້ຽງສັດ ຕິດພັນກັບການ ທ່ອງທ່ຽວ, ຕິດພັນກັບການປຸງ ແຕ່ງຜະລິດຕະພັນກະສິກຳ ຂອງຊາວບ້ານ ໂດຍໄດ້ຈາກ ສະຕິປັນຍາ ແລະ ຫົວຄິດປະ ດິດສ້າງໃຫ້ມີຫຼາກຫຼາຍສີສັນ ເພື່ອວາງສະແດງ ແລະ ຈຳໜ່າຍ ສ້າງລາຍຮັບໃຫ້ປະຊາຊົນ ພາຍໃນບ້ານ ພ້ອມທັງເສີມຂະ ຫຍາຍຮີດຄອງປະເພນີ ແລະ ວັດທະນະທຳອັນດີງາມຂອງ ທ້ອງຖິ່ນ ເພື່ອສ້າງຄວາມປະ ທັບໃຈ ແລະ ດຶງດູດນັກທ່ອງ ທ່ຽວ ທັງພາຍໃນ ແລະ ຕ່າງປະ ເທດນັບມື້ນັບຫຼາຍຂຶ້ນ ຫຼັງຈາກ ນັ້ນ, ປະທານສະພາແຫ່ງຊາດ ພ້ອມດ້ວຍຄະນະ ໄດ້ມອບ ເຄື່ອງຊ່ວຍເຫຼືອຈຳນວນໜຶ່ງ ໃຫ້ສອງແຂວງດັ່ງກ່າວ. (ຂ່າວ: ໄຊໂສພາພອນ ມິ່ງມຸງຄຸນ)