ລັດຖະມົນຕີກະຊວງການຕ່າງປະເທດ ເຂົ້າຮ່ວມ ກອງປະຊຸມແຜນງານ OECD


...

12.03.2018 8:59     

   ທ່ານ ສະເຫຼີມໄຊ ກົມມະ ສິດ ລັດຖະມົນຕີກະຊວງການ ຕ່າງປະເທດ ແຫ່ງ ສປປ ລາວ ໄດ້ນຳພາຄະນະຜູ້ແທນລາວ ເດີນທາງເຂົ້າຮ່ວມກອງປະຊຸມ ລັດຖະມົນຕີຕ່າງປະເທດກ່ຽວ ກັບແຜນງານ OECD ສຳລັບ ພາກພື້ນຕາເວັນອອກສ່ຽງໃຕ້ (The Ministerial Conference of the OECD Southeast Asia Regional Programme) ໃນລະຫວ່າງວັນທີ 8-9 ມີນາ 2018 ທີ່ໂຕກຽວ ປະເທດຍີ່ປຸ່ນ ຊຶ່ງເປັນກອງປະ ຊຸມຄັ້ງທຳອິດໃນລະດັບລັດຖະ ມົນຕີ ນັບຕັ້ງແຕ່ແຜນງານດັ່ງ ກ່າວໄດ້ຈັດຕັ້ງຂຶ້ນໃນປີ 2014. ກອງປະຊຸມຄັ້ງນີ້ ເປັນເວ ທີສຳຄັນໃນການເຕົ້າໂຮມບັນ ດາລັດຖະມົນຕີ ແລະ ເຈົ້າໜ້າ ທີ່ລະດັບສູງຈາກປະເທດອາຊີ ຕາເວັນອອກສ່ຽງໃຕ້ ແລະ ປະ ເທດສະມາຊິກ OECD ເພື່ອ ມາປຶກສາຫາລື ແລະ ແລກ ປ່ຽນນະໂຍບາຍການພັດທະ ນາ ປະເທດຂອງຕົນ ກໍຄືການ ມີ ສ່ວນຮ່ວມໃນການເຊື່ອມໂຍງ ແລະ ການພັດທະນາໃນພາກ ພື້ນອາຊີຕາເວັນອອກສ່ຽງໃຕ້ ໂດຍສະເພາະໃນພາກພື້ນອາ ຊຽນພາຍໃຕ້ຫົວຂໍ້ “ການມີ ສ່ວນຮ່ວມຂອງອາຊຽນ (Inclusive ASEAN)” ໂດຍການ ເປັນປະທານຮ່ວມຂອງທ່ານ ລັດຖະມົນຕີຕ່າງປະເທດຍີ່ປຸ່ນ, ທ່ານລັດຖະມົນຕີກະຊວງການ ເງິນອິນໂດເນເຊຍ ແລະ ທ່ານ ເລຂາທິການໃຫຍ່ OECD ໂດຍເນັ້ນໃສ່ 2 ບັນຫາສຳຄັນ ຄື: ການມີສ່ວນຮ່ວມຜ່ານການ ເຊື່ອມຈອດ (Inclusiveness through Connectivity) ແລະ ການມີສ່ວນຮ່ວມຜ່ານ ການເຂົ້າຮ່ວມ (Inclusiveness through Perticipation) ແນໃສ່ສົ່ງເສີມ ແລະ ເພີ່ມທະວີການຮ່ວມມືຫຼາຍ ດ້ານ ເປັນຕົ້ນແມ່ນການເຊື່ອມ ໂຍງພື້ນຖານໂຄງລ່າງ, ແລກ ປ່ຽນຂໍ້ກຳນົດລະບຽບການໃນ ການອຳນວຍຄວາມສະດວກ ແລະ ຫຼຸດຜ່ອນສິ່ງກີດຂວາງ ທາງດ້ານການຄ້າ ແລະ ການ ລົງທຶນ, ການສົ່ງເສີມບົດບາດ ຍິງ-ຊາຍ, ການພັດທະນາຊັບ ພະຍາກອນມະນຸດ, ການສົ່ງ ເສີມທຸລະກິດຂະໜາດນ້ອຍ ແລະ ຂະໜາດກາງ ລວມທັງ ການມີສ່ວນຮ່ວມຂອງພາກເອ ກະຊົນ ຊຶ່ງບັນດາລັດຖະມົນຕີ ແລະ ຜູ້ແທນຂັ້ນສູງຈາກປະ ເທດອາຊີຕາເວັນອອກສ່ຽງໃຕ້ ແລະ ປະເທດສະມາຊິກ OECD ໄດ້ແລກປ່ຽນປະສົບ ການ, ບົດຮຽນ ແລະ ຮ່ວມກັນ ກຳນົດທິດທາງນະໂຍບາຍທີ່ ຈຳເປັນຕໍ່ການເສີມສ້າງຄວາມ ເຂັ້ມແຂງໃນພາກພື້ນອາຊີຕາ ເວັນອອກສ່ຽງໃຕ້ ໂດຍສະ ເພາະພາກພື້ນອາຊຽນ. ພ້ອມນີ້ ກອງປະຊຸມຍັງ ໄດ້ມີການມອບ-ຮັບໜ້າທີ່ຂອງ ປະທານຮ່ວມຜູ້ເກົ່າ (ຍີ່ປຸ່ນ ແລະ ອິນໂດເນເຊຍ) ໃຫ້ປະ ທານຮ່ວມຜູ້ໃໝ່ (ສ.ເກົາຫຼີ ແລະ ໄທ) ເພື່ອໃຫ້ປະທານ ຮ່ວມຜູ້ໃໝ່ ສາມາດປະຕິບັດ ໜ້າທີ່ໄດ້ໃນເດືອນເມສາ. ພ້ອມດຽວກັນ ກອງປະຊຸມດັ່ງ ກ່າວ ໄດ້ດຳເນີນຄວບຄູ່ໄປກັບ ກອງປະຊຸມຄະນະຊີ້ນຳແຜນ ງານ ຄັ້ງທີ 4 (The Fourth Steering Group Meeting of SEARP) ຊຶ່ງມີເຈົ້າໜ້າທີ່ ລະດັບສູງ ແລະ ບັນດາລັດຖະ ມົນຕີຂອງປະເທດອາຊຽນ ພ້ອມ ດ້ວຍຜູ້ຕາງໜ້າຂອງປະເທດ ສະມາຊິກ OECD ຖືກເຊີນ ເຂົ້າຮ່ວມ. ໃນໂອກາດເຂົ້າຮ່ວມກອງ ປະຊຸມຄັ້ງນີ້ ເພື່ອເພີ່ມທະວີ ຮັດແໜ້ນສາຍພົວພັນມິດຕະ ພາບ ແລະ ການຮ່ວມມືລະ ຫວ່າງ ສປປ ລາວ ແລະ ຍີ່ປຸ່ນ ໃນຖານະຄູ່ຮ່ວມຍຸດທະສາດ ໃຫ້ນັບມື້ນັບກວ້າງຂວາງ ແລະ ເລິກເຊິ່ງ, ທ່ານ ສະເຫຼີມໄຊ ກົມມະສິດ ໄດ້ຢ້ຽມຢາມສອງ ຝ່າຍ ຊຶ່ງໄດ້ພົບປະກັບການ ນຳທີ່ສຳຄັນຂອງຝ່າຍຍີ່ປຸ່ນຄື: ວັນທີ 7 ມີນາ 2018 ໄດ້ພົບ ປະກັບ ທ່ານ ທະໂຣ ໂຄໂນະ (Mr. Taro KONO) ລັດຖະ ມົນຕີຕ່າງປະເທດຍີ່ປຸ່ນ, ຊຶ່ງ ກ່ອນຈະພົບປະ, ສອງທ່ານລັດ ຖະມົນຕີຕ່າງປະເທດລາວ ແລະ ຍີ່ປຸ່ນ ໄດ້ຖະແຫຼງຂ່າວ ຮ່ວມກັນ. ໃນການພົບປະ, ສອງຝ່າຍໄດ້ຕີລາຄາສູງຕໍ່ສາຍ ພົວພັນມິດຕະພາບ ແລະ ການ ຮ່ວມມືອັນດີງາມລະຫວ່າງ ສອງປະເທດ ທີ່ໄດ້ຮັບການຂະ ຫຍາຍຕົວຢ່າງບໍ່ຢຸດຢັ້ງຕະ ຫຼອດໄລຍະທີ່ຜ່ານມາ. ສອງ ຝ່າຍໄດ້ປຶກສາຫາລື ແລະ ແລກປ່ຽນຄຳຄິດຄຳເຫັນນຳ ກັນກ່ຽວກັບການຮ່ວມມືດ້ານ ຕ່າງໆ, ສະແດງຄວາມຊົມເຊີຍ ຕໍ່ພາກສ່ວນກ່ຽວຂ້ອງຂອງສອງ ປະເທດ ທີ່ໄດ້ພ້ອມກັນຜັນຂະ ຫຍາຍຜົນການຢ້ຽມຢາມຍີ່ປຸ່ນ ຢ່າງເປັນທາງການຂອງພະນະ ທ່ານ ທອງລຸນ ສີສຸລິດ ນາຍົກ ລັດຖະມົນຕີ ແຫ່ງ ສປປ ລາວ ໃນເດືອນມີຖຸນາ 2017. ພ້ອມ ນີ້ ສອງຝ່າຍໄດ້ເຫັນດີເປັນເອ ກະພາບກັນຕໍ່ທິດທາງການ ຮ່ວມມືໃນຕໍ່ໜ້າ ເປັນຕົ້ນແມ່ນ ການພັດທະນາພື້ນຖານໂຄງ ລ່າງຂອງ ສປປ ລາວ ເພື່ອ ເຊື່ອມໂຍງກັບພາກພື້ນ ແລະ ສາກົນ, ການພັດທະນາຊັບພະ ຍາກອນມະນຸດ, ການສຶກສາ, ວັດທະນະທຳ, ທ່ອງທ່ຽວ, ການພົວພັນຮ່ວມມືໃນຂອບ ພາກພື້ນ ແລະ ສາກົນ ແລະ ດ້ານອື່ນໆ. ໃນໂອກາດດັ່ງ ກ່າວນີ້ ທ່ານລັດຖະມົນຕີ ສະ ເຫຼີມໄຊ ກົມມະສິດ ໄດ້ສະ ແດງຄວາມຂອບໃຈຕໍ່ລັດຖະ ບານ ແລະ ປະຊາຊົນຍີ່ປຸ່ນ ທີ່ ໄດ້ໃຫ້ການສະໜັບສະໜູນ ແລະ ຊ່ວຍເຫຼືອ ສປປ ລາວ ໂດຍຕະຫຼອດມາ, ເຫັນວ່າການ ຊ່ວຍເຫຼືອຂອງຍີ່ປຸ່ນແມ່ນມີປະ ສິດທິພາບສູງ ຊຶ່ງໄດ້ປະກອບ ສ່ວນສຳຄັນເຂົ້າໃນການພັດ ທະນາເສດຖະກິດ-ສັງຄົມຂອງ ສປປ ລາວ ໃນແຕ່ລະໄລຍະ. ໃນໂອກາດຢ້ຽມຢາມຄັ້ງ ນີ້ ທ່ານລັດຖະມົນຕີ ສະເຫຼີມ ໄຊ ກົມມະສິດ ພ້ອມດ້ວຍຄະ ນະຍັງໄດ້ເຂົ້າຢ້ຽມຂ່ຳນັບທ່ານ ຊິນໂຊະ ອາເບະ (H.E. Mr. Shinzo ABE) ນາຍົກລັດຖະ ມົນຕີຍີ່ປຸ່ນ, ໄດ້ພົບປະກັບ ທ່ານ ຄາຊູຢູກິ ນາກາເນະ (Mr. Kazuyuki NAKANE) ຮອງ ລັດຖະມົນຕີກະຊວງການຕ່າງ ປະເທດຍີ່ປຸ່ນ, ທ່ານ ຟູມີໂອະ ກິຊິດະ (Mr. Fumio KISHIDA) ປະທານຄະນະກຳມະ ການຄົ້ນຄວ້ານະໂຍບາຍຂອງ ພັກເສລີປະຊາທິປະໄຕຍີ່ປຸ່ນ, ອະດີດລັດຖະມົນຕີຕ່າງປະ ເທດຍີ່ປຸ່ນ, ທ່ານ ຕາເກໂອະ ຄາວາມູຣະ (Mr.Takeo KAWAMURA) ປະທານສະ ມາຄົມມິດຕະພາບຍີ່ປຸ່ນ-ລາວ ຝ່າຍລັດຖະສະພາ ແລະ ຄະ ນະ, ທ່ານ ຊິນອິຈິ ຄິຕາໂອກະ (Mr. Shinichi KITAOKA) ປະທານອົງການຮ່ວມມືສາກົນ ຍີ່ປຸ່ນ (ອົງການໄຈກາ).