ກອງປະຊຸມລະດົມແນວຄວາມຄິດພັດທະນາ ວາລະສານ ນວ


...

12.03.2018 9:00     

   ຄະນະໂຄສະນາອົບຮົມ ນະຄອນຫຼວງວຽງຈັນ (ນວ) ໄດ້ຈັດກອງປະຊຸມລະດົມແນວ ຄວາມຄິດ ເພື່ອພັດທະນາວາ ລະສານ ນະຄອນຫຼວງວຽງຈັນ ຂຶ້ນໃນວັນທີ 9 ມີນານີ້ ທີ່ຫ້ອງ ວ່າການປົກຄອງນະຄອນຫຼວງ ວຽງຈັນ. ກອງປະຊຸມພາຍໃຕ້ການ ເປັນປະທານຂອງທ່ານ ສິນລະ ວົງ ຄຸດໄພທູນ ເຈົ້າຄອງນະ ຄອນຫຼວງວຽງຈັນ, ມີບັນດາ ທ່ານຫົວໜ້າພະແນກ, ອົງການ ທຽບເທົ່າ, ເຈົ້າເມືອງ, ຮອງ ເຈົ້າເມືອງ, ຫົວໜ້າໂຄສະນາ ອົບຮົມ 9 ຕົວເມືອງ, ບັນດາ ນັກທຸລະກິດ ແລະ ພະນັກງານ ກ່ຽວຂ້ອງເຂົ້າຮ່ວມຢ່າງພ້ອມ ພຽງ. ໃນກອງປະຊຸມ, ທ່ານ ເຂັມເພັດ ແພງດວງຈັນ ຫົວ ໜ້າຄະນະໂຄສະນາອົບຮົມ ນວ ໄດ້ລາຍງານໂດຍຫຍໍ້ກ່ຽວ ກັບການເຄື່ອນໄຫວວຽກງານ ວາລະສານ ນວ, ສ້າງຕັ້ງຂຶ້ນ ເພື່ອເຮັດໜ້າທີ່ໂຄສະນາເຜີຍ ແຜ່ແນວທາງນະໂຍບາຍຂອງ ພັກ, ລະບຽບກົດໝາຍຂອງ ລັດ ທີ່ວາງອອກໃນແຕ່ລະໄລ ຍະໃຫ້ທັນການ-ກວ້າງຂວາງ ທັງຮັບປະກັນການຕອບໂຕ້ຕໍ່ ການໂຄສະນາບິດເບືອນ, ການ ໃສ່ຮ້າຍປ້າຍສີຂອງພວກສັດຕູ ແລະ ກຸ່ມຄົນບໍ່ດີທີ່ເຄື່ອນໄຫວ ຢູ່ ນວ. ທ່ານ ສິນລະວົງ ຄຸດໄພ ທູນ ກ່າວວ່າ: ກອງປະຊຸມຄັ້ງ ນີ້ ເພື່ອພັດທະນາ “ວາລະສານ ນວ” ຊຶ່ງແມ່ນເຫດການໜຶ່ງທີ່ ມີຄວາມໝາຍສຳຄັນສຳລັບສື່ ສິ່ງພິມເວົ້າລວມ, ເວົ້າສະເພາະ ວາລະສານ ນວ ເພາະວ່າເປັນ ໂອກາດດີ ທີ່ໄດ້ທົບທວນຄືນ ການເຕີບໃຫຍ່ຂະຫຍາຍຕົວ ຂອງວາລະສານຕິດພັນກັບ ການເຕີບໃຫຍ່ເຂັ້ມແຂງ ແລະ ນຳພາມີໄຊສະຫງ່າງາມຂອງ ພັກເຮົາ. ວາລະສານ, ໜັງສື ພິມ ແລະ ສື່ມວນຊົນ ແມ່ນ ວຽກງານແຫ່ງການຄົ້ນຄິດ, ປະ ດິດແຕ່ງດ້ວຍສະຕິປັນຍາຢ່າງ ເປັນເຈົ້າການ, ວາລະສານ ແມ່ນຜະລິດຕະພັນສະໝອງ ຂອງການຄົ້ນຄວ້າ, ຂີດຂຽນ ທີ່ມີວິທະຍາສາດ ແລະ ແທດ ຕົວຈິງ, ຢູ່ປະເທດເຮົາ ສື່ມວນ ຊົນ ແມ່ນມີບົດບາດຕົ້ນຕໍຮັບ ໃຊ້ໃຫ້ພາລະກິດຂອງພັກ ໂດຍ ສະເພາະແມ່ນເຮັດໜ້າທີ່ນຳ ເອົາການຈັດຕັ້ງປະຕິບັດແນວ ທາງ, ແຜນນະໂຍບາຍຂອງ ພັກ ແລະ ລະບຽບກົດໝາຍ ຂອງລັດ ມາເຜີຍແຜ່ໃຫ້ບັນດາ ສະມາຊິກພັກ, ພະນັກງານ ຕະຫຼອດຮອດປະຊາຊົນທຸກ ຊັ້ນຄົນໄດ້ຮັບຮູ້, ເຊື່ອມຊຶມ ແລະ ເຂົ້າໃຈຢ່າງເລິກເຊິ່ງ. ດັ່ງ ນັ້ນ ຈຶ່ງຮຽກຮ້ອງມາຍັງບໍລິສັດ- ຫ້າງຮ້ານ, ຫົວໜ່ວຍທຸລະກິດ ຕ່າງໆໃນທຸກພາກສ່ວນ ຈົ່ງໃຫ້ ການອຸປະຖຳອຸ້ມຊູ, ວາລະ ສານ ນວ ໃຫ້ມີຄວາມຍືນຍົງ ຕະຫຼອດໄປ. (ຂ່າວ: ແສງຈັນ)