ສປປ ລາວ ມີຜົນຄືບໜ້າໃນວຽກງານຕ້ານການຟອກເງິນ


...

13.03.2018 9:36     

   ຄະນະກຳມະການແຫ່ງ ຊາດ ເພື່ອຕ້ານການຟອກເງິນ ແລະ ການສະໜອງທຶນໃຫ້ແກ່ ການກໍ່ການຮ້າຍ (ຄຕຟງ) ໄດ້ ຈັດກອງປະຊຸມຄະນະກຳມະ ການແຫ່ງຊາດ ເພື່ອຕ້ານການ ຟອກເງິນ ແລະ ການສະໜອງ ທຶນໃຫ້ແກ່ການກໍ່ການຮ້າຍ ສະໄໝສາມັນ ຄັ້ງທີ I ປະຈຳປີ 2018 ຂຶ້ນໃນວັນທີ 12 ມີນານີ້ ຢູ່ຫ້ອງປະຊຸມທະນາຄານ ແຫ່ງ ສປປ ລາວ ໂດຍພາຍໃຕ້ການ ເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ປະທານ ຄຕຟງ, ມີຮອງປະ ທານ ແລະ ບັນດາສະມາຊິກ ຈາກບັນດາກະຊວງ ແລະ ພາກ ສ່ວນກ່ຽວຂ້ອງເຂົ້າຮ່ວມ. ກອງປະຊຸມຄັ້ງນີ້ ໄດ້ດຳ ເນີນໄປຕາມລະບອບແບບ ແຜນວິທີເຮັດວຽກຂອງ ຄຕຟງ ໂດຍໄດ້ມີການລາຍງານ ເຖິງຄວາມຄືບໜ້າ ໃນການຈັດ ຕັ້ງປະຕິບັດວຽກງານທີ່ຜ່ານມາ ກໍຄືມະຕິຂອງກອງປະຊຸມສະ ໄໝສາມັນ ຄັ້ງທີ III ປີ 2017 ແລະ ຍັງໄດ້ປຶກສາຫາລືບາງ ບັນຫາທີ່ພົ້ນເດັ່ນກ່ຽວກັບວຽກ ງານການຕ້ານການຟອກເງິນ ແລະ ສະໜອງທຶນໃຫ້ແກ່ການ ກໍ່ການຮ້າຍ ໂດຍສະເພາະກ່ຽວ ກັບຜົນການປະເມີນເບື້ອງຕົ້ນ ຄວາມສ່ຽງລະດັບຊາດການ ຟອກເງິນ ແລະ ການສະໜອງ ທຶນໃຫ້ແກ່ການກໍ່ການຮ້າຍ, ການສ້າງຄວາມສາມາດໃຫ້ ບັນດາຂະແໜງການຕິດພັນ ກັບການສືບສວນ - ສອບສວນ ຄະດີການຟອກເງິນ ແລະ ການ ປັບປຸງກົນໄກການດຳເນີນງານ, ປະສານງານກັບພາກສ່ວນ ກ່ຽວຂ້ອງ ເພື່ອຮັບຮອງການ ຈັດຕັ້ງປະຕິບັດ 40 ຂໍ້ແນະນຳ ຂອງອົງການຕ້ານການຟອກ ເງິນສາກົນ (FATF) ແລະ ບັນຫາອື່ນໆທີ່ປິ່ນອ້ອມອີກຈຳ ນວນໜຶ່ງ. ທ່ານ ນາງ ແພງສີ ແພງ ເມືອງ ຫົວໜ້າສຳນັກງານຂໍ້ ມູນຕ້ານການຟອກເງິນ ໄດ້ ລາຍງານຢ່າງຈະແຈ້ງກ່ຽວກັບ ການຈັດຕັ້ງປະຕິບັດມະຕິຂອງ ຄຕຟງ ໃນຄັ້ງກ່ອນ, ການຈັດ ຕັ້ງປະຕິບັດວຽກງານຂອງສຳ ນັກງານຂໍ້ມູນຕ້ານການຟອກ ເງິນ, ການເຂົ້າເປັນສະມາຊິກ ກຸ່ມຮ່ວມມື ໃນການແລກປ່ຽນ ຂໍ້ມູນລະຫວ່າງໜ່ວຍງານຂໍ້ ມູນຕ້ານການຟອກເງິນສາກົນ (Egmont Group) ແລະ ບັນ ຫາອື່ນໆ ລວມທັງ 4 ຂໍ້ແນະ ນຳຂອງກຸ່ມອາຊີ - ປາຊີຟິກ ເພື່ອ ຕ້ານການຟອກເງິນ (APG), ການຮ່ວມມືສາກົນ ແລະ ການ ສ້າງຜູ້ປະເມີນ. ທັງໝົດນັ້ນ ກໍເພື່ອຮັບປະ ກັນບໍ່ໃຫ້ ສປປ ລາວ ຕົກຢູ່ໃນ ການຕິດຕາມຂອງສາກົນກ່ຽວ ກັບວຽກງານ AML/CFT ແລະ ກະກຽມໃຫ້ແກ່ການປະເມີນ ສປປ ລາວ ຮອບດ້ານກ່ຽວກັບ ວຽກງານ AML/CFT (Mutual Evaluation “ME”) ໃນ ປີ 2020 ແລະ ຍັງເປັນການ ປຶກສາຫາລືເຖິງຄວາມຄືບໜ້າ ທີ່ ສປປ ລາວ ໄດ້ມີການຈັດ ຕັ້ງປະຕິບັດກ່ຽວກັບວຽກງານ ຕ້ານການຟອກເງິນ ແລະ ສະ ໜອງທຶນໃຫ້ແກ່ການກໍ່ການ ຮ້າຍ ຕາມແຜນການທີ່ວາງໄວ້ ແລະ ເພື່ອເຮັດໃຫ້ລະບົບເສດ ຖະກິດ - ການເງິນມີຄວາມເປັນ ລະບຽບຮຽບຮ້ອຍ, ມີຄວາມ ເຂັ້ມແຂງ, ໝັ້ນຄົງ ແລະ ເຊື່ອມ ໂຍງກັບພາກພື້ນ ແລະ ສາກົນ. (ຂ່າວ - ພາບ: ຣັດສະໝີ ດວງ ສັດຈະ)