ລັດຖະມົນຕີກະຊວງການຕ່າງປະເທດ ຕ້ອນຮັບ ທູດປະເທດເພ່ືອນມິດເຂົ້າຢ້ຽມຂ່ຳນັບ


...

13.03.2018 9:38     

   ໃນຕອນບ່າຍຂອງວັນທີ 12 ມີນາ ທີ່ກະຊວງການຕ່າງ ປະເທດ, ທ່ານ ສະເຫຼີມໄຊ ກົມມະສິດ ລັດຖະມົນຕີກະ ຊວງການຕ່າງປະເທດ ໄດ້ຕ້ອນ ຮັບການເຂົ້າຢ້ຽມຂ່ຳນັບຂອງ ທ່ານ ຊິນ ຊອງ ຊຸນ (Shin Sung - soon). ເນື່ອງໃນໂອກາດໄດ້ ຖືກແຕ່ງຕັ້ງເປັນເອກອັກຄະ ລັດຖະທູດວິສາມັນຜູ້ມີອຳນາດ ເຕັມ ແຫ່ງ ສາທາລະນະລັດ ເກົາຫຼີ ປະຈຳ ສປປ ລາວ ຄົນ ໃໝ່. ໃນໂອກາດດັ່ງກ່າວ, ທ່ານ ສະເຫຼີມໄຊ ກົມມະສິດ ໄດ້ສະ ແດງຄວາມຍິນດີຕ້ອນຮັບ ແລະ ຊົມເຊີຍຕໍ່ທ່ານ ຊິນ ຊອງ ຊຸນ ທີ່ໄດ້ຮັບການແຕ່ງຕັ້ງໃຫ້ ມາດຳລົງຕຳແໜ່ງເປັນເອກ ອັກຄະລັດຖະທູດ ແຫ່ງ ສາທາ ລະນະລັດ ເກົາຫຼີ ປະຈຳ ສປປ ລາວ, ສະແດງຄວາມເຊື່ອໝັ້ນ ວ່າໃນໄລຍະດຳລົງຕຳແໜ່ງຢູ່ ສປປ ລາວ, ທ່ານເອກອັກຄະ ລັດຖະທູດຈະເຮັດສຸດຄວາມ ສາມາດ ເພື່ອສືບຕໍ່ເສີມຂະ ຫຍາຍສາຍພົວພັນ ແລະ ການ ຮ່ວມມື ລະຫວ່າງ ສປປ ລາວ ແລະ ສ.ເກົາຫຼີ ເພື່ອນຳເອົາ ຜົນປະໂຫຍດຕົວຈິງມາສູ່ປະ ເທດຊາດກໍຄືປະຊາຊົນສອງ ຊາດ. ພ້ອມນັ້ນໄດ້ໃຫ້ຄຳຢືນ ຢັນວ່າຈະໃຫ້ການຮ່ວມມືກັບ ທ່ານທູດເປັນຢ່າງດີ ເພື່ອເຮັດ ໃຫ້ການປະຕິບັດໜ້າທີ່ຂອງ ທ່ານທູດ ຢູ່ ສປປ ລາວ ປະສົບ ຜົນສຳເລັດດ້ວຍດີ. ສອງຝ່າຍໄດ້ຕີລາຄາສູງຕໍ່ ສາຍພົວພັນມິດຕະພາບ ແລະ ການຮ່ວມມືສອງຝ່າຍ ໃນໄລ ຍະຜ່ານມາ ນັບຕັ້ງແຕ່ສອງປະ ເທດໄດ້ສ້າງຕັ້ງສາຍພົວພັນ ການທູດນຳກັນ ໃນວັນທີ 25 ຕຸລາ 1995 ເປັນຕົ້ນມາ ຊຶ່ງ ສອງປະເທດໄດ້ມີການແລກ ປ່ຽນຢ້ຽມຢາມເຊິ່ງກັນ ແລະ ກັນຢ່າງເປັນປົກກະຕິ ທັງໃນ ລະດັບການນຳຂັ້ນສູງ ແລະ ລະດັບຕ່າງໆ. ພ້ອມນັ້ນ ສອງ ປະເທດໄດ້ມີການພົວພັນຮ່ວມ ມືກັນໃນຫຼາຍດ້ານ, ເປັນຕົ້ນ ດ້ານເສດຖະກິດມີທ່ວງທ່າຂະ ຫຍາຍຕົວ, ການລົງທຶນຂອງ ສ.ເກົາຫຼີ ຢູ່ ສປປ ລາວ ມາ ຮອດທ້າຍປີ 2017 ມີມູນຄ່າ 750 ລ້ານໂດລາ, ຈັດເປັນ ອັນດັບ 5 ຂອງການລົງທຶນ ຕ່າງປະເທດຢູ່ ສປປ ລາວ, ດ້ານການທ່ອງທ່ຽວມີນັກທ່ອງ ທ່ຽວ ສ.ເກົາຫຼີ ເຂົ້າມາ ທ່ອງ ທ່ຽວຢູ່ ສປປ ລາວ ຫຼາຍສົມ ຄວນ ແລະ ສອງປະເທດໄດ້ ມີສາຍການບິນໂດຍກົງນຳກັນ ຫຼາຍສາຍການບິນ, ດ້ານແຮງ ງານ ຊຶ່ງແຮງງານລາວຊຸດທຳ ອິດຈຳນວນ 26 ຄົນໄດ້ເດີນ ທາງເຖິງ ສ.ເກົາຫຼີ ໃນວັນທີ 5 ກຸມພາ 2018 ຜ່ານມາ. ນອກນັ້ນຍັງມີການພົວພັນຮ່ວມ ມືອື່ນໆ ໃນຂອບສອງຝ່າຍ ແລະ ຫຼາຍຝ່າຍ ໂດຍສະເພາະການ ພັດທະນາຊັບພະຍາກອນມະ ນຸດ, ການສຶກສາ, ສາທາລະ ນະສຸກ, ການພັດທະນາພື້ນ ຖານໂຄງລ່າງ ແລະ ອື່ນໆ ຊຶ່ງ ເປັນການປະກອບສ່ວນອັນສຳ ຄັນເຂົ້າໃນການພັດທະນາເສດ ຖະກິດ - ສັງຄົມຂອງ ສປປ ລາວ ໄດ້ເປັນຢ່າງດີ. ເວລາຕໍ່ມາຂອງວັນດຽວ ກັນທ່ານລັດຖະມົນຕີກະຊວງ ການຕ່າງປະເທດກໍໄດ້ຕ້ອນ ຮັບທ່ານ ອາເມັດອີເດັມ ອາໄກ ເອກອັກຄະລັດຖະທູດຜູ້ມີອຳ ນາດເຕັມ ແຫ່ງ ສາທາລະນະ ລັດ ຕວກກີ ຄົນໃໝ່ ປະຈຳ ລາວ ແລະ ທ່ານ ຊອນ ເບີ ນາດ ຄາຣາສໂກ ເອກອັກຄະ ລັດຖະທູດຜູ້ມີອຳນາດເຕັມ ແຫ່ງ ອົດສະຕຣາລີ ປະຈຳ ລາວ ຄົນໃໝ່ ຊຶ່ງມີສຳນັກງານ ຕັ້ງຢູ່ນະຄອນຫຼວງວຽງຈັນເຂົ້າ ຢ້ຽມຂ່ຳນັບເຊັ່ນດຽວກັນ. (ຂ່າວ - ພາບ: ພູວຽງຄຳ)