ສນຊ ຈະເປີດກອງປະຊຸມສາມັນ ຄົບຄະນະ ຄັ້ງທີ 3 ສະໄໝທີ X


...

13.03.2018 9:39     

   ພິທີຖະແຫຼງຂ່າວຄວາມ ພ້ອມ ເປີດກອງປະຊຸມສາມັນ ຄົບຄະນະກຳມະການສູນກາງ ແນວລາວສ້າງຊາດ (ສນຊ) ຄັ້ງທີ 3 ສະໄໝທີ X ໄດ້ມີຂຶ້ນ ເມື່ອວັນທີ 12 ມີນານີ້ ທີ່ ສນຊ ໂດຍການໃຫ້ກຽດຖະແຫຼງ ຂ່າວຂອງທ່ານ ນາງ ຄຳຈັນ ພົມແສງສະຫວັນ ຮອງປະທານ ສນຊ, ມີບັນດາຫົວໜ້າກົມ, ຮອງກົມ, ສື່ມວນຊົນຈາກທຸກ ພາກສ່ວນເຂົ້າຮ່ວມ. ທ່ານ ນາງ ຄຳຈັນ ພົມ ແສງສະຫວັນ ກ່າວວ່າ: ເພື່ອ ເຮັດໃຫ້ກອງປະຊຸມສາມັນຄົບ ຄະນະສູນກາງແນວລາວສ້າງ ຊາດຄັ້ງນີ້ ໄດ້ດຳເນີນໄປຕາມຈຸດປະສົງ ແລະ ແຜນການທີ່ ວາງໄວ້, ຄະນະປະຈຳສູນກາງ ແນວລາວສ້າງຊາດ ໄດ້ຕົກລົງ ແຕ່ງຕັ້ງຄະນະຮັບຜິດຊອບ ຊ່ວຍວຽກກອງປະຊຸມ ແລະ ບັນດາອະນຸກຳມະການຕ່າງໆ ຮັບຜິດຊອບແຕ່ລະໜ້າວຽກ ເພື່ອຮັບປະກັນໃຫ້ແກ່ການ ກະກຽມ ແລະ ດຳເນີນກອງ ປະຊຸມສາມັນຄົບຄະນະກຳ ມະການສູນກາງແນວລາວ ສ້າງຊາດ ຄັ້ງທີ 3 ສະໄໝທີ X ດຳເນີນໄປດ້ວຍເນື້ອໃນດີ, ມີຄວາມໜັກແໜ້ນ ແລະ ສາ ມາດຈັດຂຶ້ນໃຫ້ທັນເວລາ, ເປັນ ລະບຽບຮຽບຮ້ອຍ, ສະຫງົບ ປອດໄພ ແລະ ມີປະສິດທິ ພາບສູງ. ມາເຖິງປັດຈຸບັນ ພວກ ເຮົາມີຄວາມພ້ອມທີ່ຈະເປີດ ກອງປະຊຸມສາມັນຄົບຄະນະ ກຳມະການສູນກາງແນວລາວ ສ້າງຊາດ ຄັ້ງທີ 3 ສະໄໝທີ X ຢ່າງເປັນທາງການ ໃນວັນທີ 15-16 ມີນາ 2018 ທີ່ຫໍປະ ຊຸມແຫ່ງຊາດ. ພາຍໃຕ້ການ ເປັນປະທານຂອງທ່ານ ໄຊສົມ ພອນ ພົມວິຫານ ກຳມະການ ກົມການເມືອງສູນກາງພັກ ປະ ທານສູນກາງແນວລາວສ້າງ ຊາດ, ມີກຳມະການສູນກາງ ແນວລາວສ້າງຊາດທັງພາຍ ໃນ ແລະ ຕ່າງປະເທດ ພ້ອມ ດ້ວຍແຂກຖືກເຊີນເຂົ້າຮ່ວມ ທັງໝົດ 300 ກວ່າທ່ານ. ກອງ ປະຊຸມສາມັນຄົບຄະນະກຳ ມະການສູນກາງແນວລາວສ້າງ ຊາດ ຄັ້ງທີ 3 ສະໄໝທີ X ເປັນ ກອງປະຊຸມໜຶ່ງທີ່ມີຄວາມສຳ ຄັນ ຊຶ່ງຈະໄດ້ມີການຄົ້ນຄວ້າ, ປຶກສາຫາລືດັ່ງລຸ່ມນີ້: 1. ເປັນເອກະພາບຕໍ່ຮ່າງ ບົດສະຫຼຸບຕີລາຄາການເຄື່ອນ ໄຫວວຽກງານຂອງແນວລາວ ສ້າງຊາດໄລຍະໜຶ່ງປີຜ່ານມາ (ປີ 2017) ແລະ ທິດທາງວຽກ ງານປີ 2018. 2. ບົດສະຫຼຸບຕີລາຄາ ການຈັດຕັ້ງປະຕິບັດຂະບວນ ການສ້າງຄອບຄົວ ແລະ ບ້ານ ສາມັກຄີປອງດອງຂອງແນວ ລາວສ້າງຊາດ. 3. ການປະກອບຄຳເຫັນ ຂອງຄະນະກຳມະການສູນກາງ ແນວລາວສ້າງຊາດ, ແນວລາວ ສ້າງຊາດບັນດາແຂວງ, ອົງ ການຈັດຕັ້ງພາຄີຂອງແນວ ລາວສ້າງຊາດຈຳນວນໜຶ່ງໃນ ຫົວຂໍ້ຕ່າງໆ ເປັນຕົ້ນແມ່ນການ ສຶກສາອົບຮົມ, ເຕົ້າໂຮມຄວາມ ສາມັກຄີປະຊາຊົນບັນດາເຜົ່າ, ຊັ້ນຄົນ, ສາສະໜາ, ວຽກງານ ສ້າງຄອບຄົວ ແລະ ບ້ານສາ ມັກຄີ ເພື່ອເປັນການຢືນຢັນຕໍ່ ຂະບວນການເຄື່ອນໄຫວຂອງ ແນວລາວສ້າງຊາດແຕ່ລະຂັ້ນ ຜ່ານມາ. ໃນໂອກາດນີ້ ຄະນະຮັບ ຜິດຊອບກອງປະຊຸມ ກໍໄດ້ເຊີນ ກະຊວງ-ຂະແໜງການຈຳ ນວນໜຶ່ງເຊັ່ນ: ກະຊວງໂຍທາ ທິການ-ຂົນສົ່ງ, ກະຊວງຖະ ແຫຼງຂ່າວ-ວັດທະນະທຳ ແລະ ທ່ອງທ່ຽວ, ກະຊວງກະສິກຳ- ປ່າໄມ້ ເພື່ອມາປະກອບຄຳ ເຫັນ ທັງເປັນການສະເໜີໃຫ້ ຜູ້ແທນກອງປະຊຸມໄດ້ຮັບຮູ້ຕໍ່ ແຜນການ, ຄວາມຄືບໜ້າໃນ ການປະຕິບັດແຜນພັດທະນາ ເສດຖະກິດ-ສັງຄົມ ຂອງຂະ ແໜງການດັ່ງກ່າວ ເປັນຕົ້ນ ການຈັດຕັ້ງປະຕິບັດໂຄງການ ກໍ່ສ້າງທາງລົດໄຟລາວ-ຈີນ, ການປະຕິບັດແຜນພັດທະນາ ຊົນນະບົດຕິດພັນກັບການແກ້ ໄຂຄວາມທຸກຍາກຂອງປະຊາ ຊົນ ແລະ ຂະບວນການເປີດ ປີທ່ອງທ່ຽວລາວປີ 2018 ແລະ ອື່ນໆ. 4. ກອງປະຊຸມຄັ້ງນີ້ ຍັງ ຈະໄດ້ຄົ້ນຄວ້າພິຈາລະນາເປັນ ເອກະພາບ ເພື່ອຮັບຮອງເອົາ ບຸກຄະລາກອນປ່ຽນແທນໃຫ້ ຄະນະກຳມະການສູນກາງ ແນວລາວສ້າງຊາດຜູ້ເກົ່າທີ່ໄປ ຮັບໜ້າທີ່ໃໝ່ ແລະ ຮັບຮອງ ເອົາການແຕ່ງຕັ້ງຄະນະທີ່ປຶກ ສາວຽກງານແນວລາວສ້າງ ຊາດຈຳນວນໜຶ່ງຕາມກົດລະ ບຽບກຳນົດໄວ້.