ກະຊວງການຕ່າງປະເທດ ສະຫຼຸບວຽກງານ ກວດກາປະຈຳປີ 2017


...

13.03.2018 9:40     

   ກະຊວງການຕ່າງປະ ເທດໄດ້ຈັດກອງປະຊຸມສະຫຼຸຸບ ວຽກງານກວດກາຂອງຂະ ແໜງການຕ່າງປະເທດ ປະຈຳ ປີ 2017 ແລະ ເຜີຍແຜ່ເອກະ ສານສຳຄັນຕ່າງໆ ຂຶ້ນໃນວັນ ທີ 9 ມີນາ ຜ່ານມານີ້ ໂດຍການ ໃຫ້ກຽດເປັນປະທານຂອງ ທ່ານ ນາງ ຄຳເພົາ ເອີນທະວັນ ຄະນະປະຈຳພັກ ປະທານຄະ ນະກວດກາພັກ ຮອງລັດຖະ ມົນຕີກະຊວງການຕ່າງປະ ເທດ ຊຶ່ງມີຄະນະພັກ-ຄະນະ ນຳກະຊວງ, ບັນດາຄະນະກົມ, ຄະນະພະແນກ, ພະນັກງານ ຫຼັກແຫຼ່ງ ແລະ ພະນັກງານລັດ ຖະກອນພາຍໃນກະຊວງ ການຕ່າງປະເທດເຂົ້າຮ່ວມ. ກອງປະຊຸມຄັ້ງນີ້ ໄດ້ຍົກ ໃຫ້ເຫັນການຈັດຕັ້ງປະຕິບັດ ວຽກງານກວດກາ ໂດຍສະເພາະ ໃນຂະແໜງການຕ່າງປະເທດ ໃນໄລຍະຜ່ານມາ ໂດຍການ ເອົາໃຈໃສ່ຊີ້ນຳ - ນຳພາຢ່າງໃກ້ ຊິດ ແລະ ເປັນປົກກະຕິຈາກ ຄະນະພັກ - ຄະນະນຳກະຊວງ ການຕ່າງປະເທດ, ພ້ອມທັງ ໄດ້ເອົາໃຈໃສ່ຊຸກຍູ້ ແລະ ສ້າງ ເງື່ອນໄຂອຳນວຍຄວາມສະ ດວກສຳລັບການເຄື່ອນໄຫວ ວຽກງານວິຊາສະເພາະລວມ ເຖິງການກໍ່ສ້າງພະນັກງານ ກວດກາຂອງຂະແໜງການ ຕ່າງປະເທດ ໃຫ້ມີຄວາມສາ ມາດຮັບປະກັນວຽກງານແຕ່ ລະໄລຍະໄດ້ຢ່າງມີປະສິດທິ ພາບ ແລະ ປະສິດທິຜົນ ໃນປີ 2017 ຜ່ານມາ. ຜ່ານການ ເຄື່ອນໄຫວລົງກວດກາຕົວຈິງ ໃນໄລຍະຜ່ານມາເຫັນວ່າ: ຄະນະໜ່ວຍພັກທຸກຂັ້ນຕະ ຫຼອດຮອດສະມາຊິກພັກ - ພະ ນັກງານຂອງກະຊວງມີຄວາມ ຮັບຮູ້, ເຂົ້າໃຈຢ່າງຖືກຕ້ອງຕໍ່ ວຽກງານຕິດຕາມ, ກວດກາ, ມີຄວາມຕື່ນຕົວ ແລະ ໃຫ້ການ ຮ່ວມມືເປັນຢ່າງດີ, ມີສະຕິຕໍ່ ການຈັດຕັ້ງ, ເຄົາລົບກົດລະ ບຽບຂອງພັກ ແລະ ປະຕິບັດ ຕາມກົດໝາຍຂອງລັດວາງ ອອກຢ່າງເຂັ້ມງວດ. ພ້ອມດຽວ ກັນນັ້ນກໍໄດ້ວາງທິດທາງແຜນ ການເຄື່ອນໄຫວ ສຳລັບປີ 2018 ແລະ ເຜີຍແຜ່ເຊື່ອມຊຶມເນື້ອ ໃນເອກະສານສຳຄັນຈຳນວນ ໜຶ່ງເຊັ່ນ: ບົດໂອ້ລົມຂອງທ່ານ ບຸນທອງ ຈິດມະນີ ກຳມະ ການກົມການເມືອງສູນກາງ ພັກ ເລຂາທິການສູນກາງພັກ ຮອງນາຍົກລັດຖະມົນຕີ ປະ ທານຄະນະກວດກາສູນກາງ ພັກ ປະທານອົງການກວດກາ ລັດຖະບານ ແລະ ຫົວໜ້າອົງ ການຕ້ານການສໍ້ລາດບັງຫຼວງ ຂັ້ນສູນກາງ ຕໍ່ກອງປະຊຸມວຽກ ງານກວດກາທົ່ວປະເທດ ປະ ຈຳປີ 2017 ແລະ ຕໍ່ກອງປະ ຊຸມເປີດກວ້າງວຽກງານກວດ ສອບງົບປະມານແຫ່ງລັດ ປະ ຈຳປີ 2017 ຂອງອົງການກວດ ສອບແຫ່ງລັດ ແລະ ບົດປາຖະ ກະຖາ ເນື່ອງໃນໂອກາດວັນ ຕ້ານການສໍ້ລາດບັງຫຼວງສາກົນ ຄົບຮອບ 14 ປີ (ວັນທີ 9 ທັນ ວາ 2003 - 9 ທັນວາ 2017). ນອກຈາກນີ້ ຜູ້ເຂົ້າຮ່ວມ ກອງປະຊຸມຍັງໄດ້ຮັບຟັງການ ໂອ້ລົມຂອງທ່ານປະທານຄະ ນະກວດກາພັກ ໂດຍເນັ້ນໃຫ້ ພະນັກງານທຸກຄົນມີຄວາມ ເຂົ້າໃຈເລິກເຊິ່ງຕໍ່ພາລະບົດ ບາດຄວາມສຳຄັນຂອງວຽກ ງານກວດກາດັ່ງຄຳເວົ້າທີ່ວ່າ “ຖ້າບໍ່ມີການກວດກາກໍໝາຍ ຄວາມວ່າບໍ່ມີການນຳພາ” ສ້າງຈິດສຳນຶກທີ່ດີຕໍ່ວຽກງານ ດັ່ງກ່າວ, ພ້ອມທັງນຳໄປຈັດ ຕັ້ງຜັນຂະຫຍາຍໃຫ້ມີປະສິດ ທິຜົນສູງສຸດໃນຂົງເຂດວຽກ ງານຕົນ ທ່ານປະທານໄດ້ຮຽກ ຮ້ອງການນຳທຸກຂັ້ນ ກໍຄືພະນັກ ງານກະຊວງການຕ່າງປະເທດ ຈົ່ງພ້ອມກັນເອົາໃຈໃສ່ເຮັດ ໜ້າທີ່ການເມືອງຂອງຕົນດ້ວຍ ຄວາມຮັບຜິດຊອບສູງ ແລະ ມີ ບາດກ້າວບຸກທະລຸ.