ສະເຫຼີມສະຫຼອງໄຊຊະນະບັ້ນຮົບປົດປ່ອຍຜາຖີ່ ຄົບຮອບ 50 ປີ


...

14.03.2018 9:36     

   (ຂປລ) ແຂວງຫົວພັນ ໄດ້ຈັດພິທີສະເຫຼີມສະຫຼອງໄຊຊະນະບັ້ນຮົບປົດປ່ອຍຜາຖີ່ ຄົບຮອບ 50 ປີ (13 ມີນາ 1968-13 ມີນາ 2018) ຢູ່ ເດີ່ນກິລາແຂວງ ເມື່ອວັນທີ 10 ມີນາຜ່ານມາ ໂດຍ ເປັນກຽດເຂົ້າຮ່ວມຂອງທ່ານ ພົນໂທ ຈັນສະໝອນ ຈັນຍາລາດ ກຳມະການກົມການເມືອງສູນ ກາງພັກ ລັດຖະມົນຕີກະຊວງປ້ອງກັນປະເທດ, ທ່ານ ວັນໄຊ ແພງຊຸມມາ ກຳມະການສູນກາງພັກ ເລຂາພັກແຂວງ ເຈົ້າແຂວງຫົວພັນ, ມີຮອງລັດຖະມົນຕີຈາກກະຊວງຕ່າງໆ, ນັກຮົບແຂ່ງຂັນ, ວິລະຊົນແຫ່ງຊາດ, ບັນດາສະຫາຍມາຈາກສູນກາງ, ກະຊວງປ້ອງກັນປະເທດ, ຜູ້ແທນຈາກບັນດາ ແຂວງທົ່ວປະເທດ, ອະດີດຊ່ຽວຊານທະຫານຫວຽດນາມ, ຫົວໜ້າທະຫານຊາຍແດນ, ການນຳຂັ້ນ ແຂວງ, ຂັ້ນເມືອງ, ກ້ອນ ກຳລັງຕ່າງໆ ພ້ອມດ້ວຍພໍ່ແມ່ ປະຊາຊົນທົ່ວເທດສະບານ ແຂວງ ເຂົ້າຮ່ວມຢ່າງເປັນຂະ ບວນຟົດຟື້ນ. ໃນພິທີ, ທ່ານ ວັນໄຊ ແພງຊຸມມາ ໄດ້ກ່າວວ່າ: ພິທີ ສະເຫຼີມສະຫຼອງຄັ້ງນີ້ ມີຄວາມ ໝາຍສຳຄັນ ເປັນການລະ ນຶກ ແລະ ຫວນຄືນປະຫວັດ ສາດມູນເຊື້ອບັ້ນຮົບປົດປ່ອຍ ຜາຖີ່ ຄົບຮອບ 50 ປີ ແມ່ນ ເປັນການຈົດຈຳຄຸນງາມຄວາມ ດີອັນໃຫຍ່ຫຼວງຂອງຜູ້ນຳປະຕິ ວັດ ແລະ ຮູ້ບຸນຄຸນຢ່າງສຸດຊຶ້ງ ເຖິງພະນັກງານນັກຮົບ ລາວ- ຫວຽດນາມ ຜູ້ເກັ່ງກ້າ ແລະ ປະຊາຊົນລາວບັນດາເຜົ່າຊາວ ແຂວງຫົວພັນ ທີ່ໄດ້ອຸທິດຊີວິດ ເລືອດເນື້ອເຫື່ອແຮງຢ່າງພິລະ ອາດຫານ ເພື່ອຄວາມເປັນເອ ກະລາດຂອງຊາດ, ຄວາມຢູ່ ເຢັນເປັນສຸກຂອງປະຊາຊົນ ບັນດາເຜົ່າ ເພາະວ່າບັ້ນຮົບ ປົດປ່ອຍຜາຖີ່ ເປັນບັ້ນຮົບທີ່ ຍິ່ງໃຫຍ່, ດຸເດືອດ ແລະ ຂ້ຽວ ຂາດທີ່ສຸດ ຊຶ່ງແມ່ນໄຊຊະນະ ຂອງກຳລັງແຮງແຫ່ງນ້ຳໃຈຮັກ ຊາດ, ນ້ຳໃຈຄຽດແຄ້ນຕໍ່ຈັກ ກະພັດຜູ້ຮຸກຮານ ແລະ ລູກ ແຫຼ່ງຕີນມື, ນ້ຳໃຈເສຍສະຫຼະ ອັນສູງສົ່ງຕໍ່ສູ້ຢ່າງພິລະອາດ ຫານຂອງກອງທັບ ແລະ ປະ ຊາຊົນລາວ ໂດຍສະເພາະ ແມ່ນກອງທັບ ແລະ ປະຊາຊົນ ບັນດາເຜົ່າແຂວງຫົວພັນ ແມ່ນ ໄຊຊະນະຂອງກຳລັງແຮງແຫ່ງ ຄວາມສາມັກຄີຮ່ວມສຳພັນສູ້ ຮົບແບບພິເສດລະຫວ່າງລາວ- ຫວຽດນາມ ແລະ ການສະໜັບ ສະໜູນຈາກບັນດາເພື່ອນມິດ ສາກົນທີ່ກາຍເປັນຂີດໝາຍ ທາງປະຫວັດສາດໃນການທັບ ມ້າງເຈດຈຳນົງຍຸດທະສາດ ຂອງຈັກກະພັດຜູ້ຮຸກຮານທີ່ ຫວັງບຽດຢຶດເອົາບໍລິເວນຈອມ ຜາຖີ່ ເພື່ອສ້າງເປັນແປ້ນຢັນ, ຢຶດເອົາບັນດາແຂວງພາກເໜືອ ຂອງລາວ ແລະ ໜີບຮັດເອົາ ບັນດາແຂວງທາງທິດຕາເວັນ ຕົກສ່ຽງເໜືອຂອງຫວຽດນາມ, ໄຊຊະນະບັ້ນຮົບປົດປ່ອຍຜາ ຖີ່ເປັນຂີດໝາຍແຫ່ງການປະ ລາໄຊຂອງຈັກກະພັດຜູ້ຮຸກ ຮານທີ່ດຳເນີນສົງຄາມພິເສດ ຢູ່ລາວຈາກໄຊຊະນະອັນເປັນ ປະຫວັດສາດນີ້ ມັນໄດ້ເຮັດໃຫ້ ກຳລັງການປະຕິວັດເຕີບໃຫຍ່ ເຂັ້ມແຂງ ແລະ ເຂດປົດປ່ອຍ ນັບມື້ນັບຂະຫຍາຍຕົວອອກ ຢ່າງບໍ່ຢຸດຢັ້ງ.