ລັດຖະມົນຕີກະຊວງຍຸຕິທຳ ຕ້ອນຮັບ ທູດຕວັກກີ


...

14.03.2018 9:37     

   ທ່ານ ໄຊສີ ສັນຕິວົງ ລັດ ຖະມົນຕີກະຊວງຍຸຕິທຳ ໄດ້ ຕ້ອນຮັບທ່ານ ອາເມດ ໄອເດັມ ອາໄກ (Ahmet Idem AKAY) ເອກອັກຄະລັດຖະທູດ ແຫ່ງ ສາທາລະນະລັດຕວັກກີ ຄົນ ໃໝ່ປະຈຳລາວ ເຂົ້າຢ້ຽມຂ່ຳ ນັບ ເມື່ອວັນທີ 13 ມີນານີ້ ທີ່ ກະຊວງດັ່ງກ່າວ ໃນໂອກາດທີ່ ທ່ານທູດມາດຳລົງຕຳແໜ່ງ ເປັນເອກອັກຄະລັດຖະທູດຄົນ ໃໝ່ປະຈຳລາວ. ໃນໂອກາດດັ່ງກ່າວທ່ານ ລັດຖະມົນຕີກະຊວງຍຸຕິທຳ ກໍ ໄດ້ກ່າວສະແດງຄວາມຕ້ອນ ຮັບຊົມເຊີຍຕໍ່ທ່ານ ອາເມດ ໄອເດັມ ອາໄກ ທີ່ຖືກແຕ່ງຕັ້ງ ມາດຳລົງຕຳແໜ່ງເປັນເອກ ອັກຄະລັດຖະທູດຄົນໃໝ່ປະ ຈຳລາວຄັ້ງນີ້ ຊຶ່ງເປັນຂີດໝາຍ ສຳຄັນໃນການປະກອບສ່ວນ ເສີມສ້າງສາຍພົວພັນຮ່ວມມື ແລະ ຊ່ວຍເຫຼືອຊຶ່ງກັນ ແລະ ກັນລະຫວ່າງລາວ-ຕວັກກີ ທີ່ມີມາແລ້ວນັ້ນ ໃຫ້ນັບມື້ເພີ່ມ ພູນຄູນສ້າງຍິ່ງໆຂຶ້ນ, ທ່ານ ລັດຖະມົນຕີ ແລະ ທ່ານທູດ ຍັງໄດ້ລາຍງານສະພາບຈຸດພິ ເສດ ແລະ ການເຄື່ອນໄຫວ ວຽກງານໃນໄລຍະຜ່ານມາໃຫ້ ກັນຊາບ, ໃນນັ້ນຍັງໄດ້ປຶກສາ ຫາລືແຜນການຮ່ວມມືໃນອະ ນາຄົດ ໃນການເຮັດວຽກຮ່ວມ ກັນໃນຂົງເຂດກົດໝາຍ-ຍຸຕິ ທຳລະຫວ່າງ ລາວ-ຕວັກກີ ຕື່ມອີກ. ທ່ານ ອາເມດ ໄອເດັມ ອາໄກ ກໍໄດ້ສະແດງຄວາມ ຂອບໃຈຕໍ່ທ່ານລັດຖະມົນຕີ ກະຊວງຍຸຕິທຳ ທີ່ໄດ້ໃຫ້ການ ຕ້ອນຮັບຢ່າງອົບອຸ່ນ ພ້ອມທັງ ຢືນຢັນວ່າຈະຕັ້ງໜ້າປະຕິບັດ ໜ້າທີ່ເຂົ້າໃນການເພີ່ມທະວີ ສາຍພົວພັນຮ່ວມມືລະຫວ່າງ ຕວັກກີ-ລາວ ແລະ ລາວ-ຕວັກ ກີ ໃຫ້ດີຂຶ້ນເລື້ອຍໆ. (ຂ່າວ: ສຳນານ)