ຫ້ອງວ່າການປະທານປະເທດ ສະຫຼຸບວຽກງານ ກວດກາ-ຈັດຕັ້ງ ປະຈຳປີ 2017


...

14.03.2018 9:38     

   ຫ້ອງວ່າການປະທານປະ ເທດ ໄດ້ຈັດກອງປະຊຸມສະຫຼຸບ ວຽກງານກວດກາ, ວຽກງານ ຈັດຕັ້ງ ປະຈຳປີ 2017 ແລະ ເຊື່ອມຊຶມມະຕິ, ຄຳສັ່ງຂອງ ກົມການເມືອງສູນກາງພັກ ໃນ ວັນທີ 13 ມີນານີ້ ທີ່ຫ້ອງວ່າ ການປະທານປະເທດ ໂດຍໃຫ້ ກຽດເຂົ້າຮ່ວມຂອງທ່ານ ຄຳ ເມິງ ພົງທະດີ ກຳມະການສູນ ກາງພັກ ເລຂາຄະນະພັກ ລັດ ຖະມົນຕີ ຫົວໜ້າຫ້ອງວ່າການ ປະທານປະເທດ, ມີບັນດາສະ ມາຊິກພັກ-ພະນັກງານຫຼັກ ແຫຼ່ງເຂົ້າຮ່ວມຢ່າງພ້ອມພຽງ. ໃນພິທີ, ທ່ານ ຄຳຕາ ລາດຊະວົງ ເລຂາໜ່ວຍພັກ ຫົວໜ້າກົມຈັດຕັ້ງ, ກວດກາ ແລະ ໂຄສະນາ ໄດ້ຂຶ້ນລາຍ ງານວຽກງານຈັດຕັ້ງພັກ, ກໍ່ ສ້າງພັກ-ພະນັກງານປະຈຳປີ 2017 ຊຶ່ງທ່ານໄດ້ຍົກໃຫ້ເຫັນ ຄວາມເອົາໃຈໃສ່ຈັດຕັ້ງຜັນຂະ ຫຍາຍແນວທາງນະໂຍບາຍ ຂອງພັກ-ນະໂຍບາຍຂອງລັດ ເປັນຕົ້ນແມ່ນເນື້ອໃນມະຕິ ກອງປະຊຸມໃຫຍ່ ຄັ້ງທີ X ຂອງ ພັກ ແລະ ແຜນພັດທະນາເສດ ຖະກິດ-ສັງຄົມແຫ່ງຊາດ 5 ປີ ຄັ້ງທີ VIII ແລະ ມະຕິກອງປະ ຊຸມໃຫຍ່ ຄັ້ງທີ I ຂອງຄະນະ ພັກຮາກຖານ, ເນື້ອໃນກອງ ປະຊຸມວຽກງານຈັດຕັ້ງທົ່ວປະ ເທດ ຄັ້ງທີ X ເຂົ້າໃນວຽກງານ ຕົວຈິງ ເຮັດໃຫ້ພາຍໃນມີ ຄວາມສະຫງົບ, ມີຄວາມເປັນ ລະບຽບຮຽບຮ້ອຍດີ ແລະ ມີ ບັນຍາກາດຟົດຟື້ນ, ເອົາໃຈ ໃສ່ຈັດຕັ້ງປະຕິບັດວຽກງານມີ ຜົນສຳເລັດເປັນຢ່າງດີ, ສາມາດ ເຮັດໜ້າທີ່ເປັນບັນນາທິການ ຮັບໃຊ້ໃຫ້ແກ່ທ່ານປະທານປະ ເທດ ແລະ ຮອງປະທານປະ ເທດ ໃນການເຄື່ອນໄຫວລັດ ຖະກິດພາຍໃນ ແລະ ຕ່າງປະ ເທດ, ພ້ອມທັງຮັບປະກັນ ແລະ ມີຜົນສຳເລັດເປັນຢ່າງສູງ. ນອກຈາກນັ້ນ ກອງປະ ຊຸມຍັງໄດ້ຮັບຟັງແຜນວຽກງານ ຕ່າງໆປະຈຳປີ 2018 ແລະ ບົດໂອ້ລົມຂອງທ່ານ ບຸນທອງ ຈິດມະນີ ປະທານຄະນະກວດ ກາສູນກາງພັກ ແລະ ອົງການ ກວດກາລັດຖະບານຕໍ່ກອງປະ ຊຸມວຽກງານກວດກາທົ່ວປະ ເທດ ປະຈຳປີ 2017 ຊຶ່ງສະ ເໜີໂດຍທ່ານ ຄຳເມິງ ພົງທະ ດີ. (ຂ່າວ: ແສງຈັນ)