ລົງນາມບັນທຶກຄວາມເຂົ້າໃຈໂຄງການ ມີສ່ວນຮ່ວມເພື່ອຕ້ານການໃຊ້ຄວາມ ຮຸນແຮງຕໍ່ແມ່ຍິງ ແລະ ເດັກຍິງ


...

14.03.2018 9:38     

   ສູນກາງສະຫະພັນແມ່ຍິງ ລາວ (ສສຍລ) ແລະ ອົງການ ແຄຣ ໄດ້ຈັດພິທີຮ່ວມລົງນາມ ບົດບັນທຶກຄວາມເຂົ້າໃຈ "ໂຄງ ການເສີມສ້າງຄວາມເຂັ້ມແຂງ ໃນການມີສ່ວນຮ່ວມຂອງຊຸມ ຊົນ ເພື່ອຕ້ານການໃຊ້ຄວາມ ຮຸນແຮງຕໍ່ແມ່ຍິງ ແລະ ເດັກ ຍິງ" ໃນວັນທີ 13 ມີນານີ້ ທີ່ສູນ ກາງສະຫະພັນແມ່ຍິງລາວ, ຮ່ວມລົງນາມໃນຄັ້ງນີ້ໂດຍ ທ່ານ ນາງ ດວງສະໝອນ ດາ ລາວົງ ຫົວໜ້າກົມແຜນການ ແລະ ການຮ່ວມມື ສູນກາງສະ ຫະພັນແມ່ຍິງລາວ ແລະ ທ່ານ ແຣນໂດ້ ໂຣດ ຮອງຜູ້ອຳ ນວຍການປະຈຳປະເທດຂອງ ອົງການແຄຣ ນາໆຊາດ ປະ ຈຳ ສປປ ລາວ, ເປັນກຽດ ເຂົ້າຮ່ວມ ເປັນສັກຂີພິຍານ ຂອງ ທ່ານ ນາງ ອິນລາວັນ ແກ້ວບຸນພັນ ປະທານສູນກາງ ສະຫະພັນແມ່ຍິງລາວ, ທ່ານ ຊອນ ເບີນາດ ຄາລາສໂກ ເອກ ອັກຄະລັດຖະທູດອົດສະຕຣາ ລີ ປະຈຳ ສປປ ລາວ ພ້ອມ ດ້ວຍພາກສ່ວນກ່ຽວຂ້ອງທັງ ສອງຝ່າຍເຂົ້າຮ່ວມ. ໂຄງການ "ເສີມສ້າງຄວາມ ເຂັ້ມແຂງໃນການມີສ່ວນຮ່ວມ ຂອງຊຸມຊົນ ເພື່ອຕ້ານການໃຊ້ ຄວາມຮຸນແຮງຕໍ່ແມ່ຍິງ ແລະ ເດັກຍິງ" ແມ່ນສອດຄ່ອງກັບ ແຜນງານບຸລິມະສິດແຫ່ງຊາດ ວ່າດ້ວຍການປ້ອງກັນ ແລະ ການລຶບລ້າງການໃຊ້ຄວາມ ຮຸນແຮງຕໍ່ເດັກນ້ອຍ ປີ 2014- 2020 ຂອງ ສສຍລ, ການກຳ ນົດແຜນໂຄງການແມ່ນໄດ້ອີງ ໃສ່ບັນດາເອກະສານ, ບົດຄົ້ນ ຄວ້າທີ່ກ່ຽວຂ້ອງ, ການປຶກສາ ຫາລືກັບຄູ່ຮ່ວມງານ ແລະ ຊຸມ ຊົນ, ຈຸດປະສົງ ເພື່ອແນໃສ່ ສ້າງຄວາມເຂົ້າໃຈກ່ຽວກັບການ ໃຊ້ຄວາມຮຸນແຮງຕໍ່ແມ່ຍິງ- ເດັກຍິງ ເພື່ອກ້າວໄປສູ່ການ ປ່ຽນແປງພຶດຕິກຳດ້ານແນວ ຄິດຕໍ່ກັບການປົກປ້ອງແມ່ຍິງ- ເດັກຍິງໃນສັງຄົມ ໂດຍຜ່ານ ສອງກິດຈະກຳຄື: ການສົນທະ ນາໃນຊຸມຊົນ ແລະ ໜ່ວຍງານ ໄກ່ເກ່ຍ ໂດຍການນຳໃຊ້ປຶ້ມ ຄູ່ມືທີ່ທາງກະຊວງຍຸຕິທຳເຮັດ ອອກມາ ເພື່ອນຳໃຊ້ເຂົ້າໃນ ວຽກງານຕົວຈິງ. ໂຄງການດັ່ງ ກ່າວນີ້ ແມ່ນເລີ່ມໃນໄລຍະ ເດືອນມີນາ 2018 ຫາເດືອນ ກຸມພາ 2020 ຊຶ່ງຈະໄດ້ຈັດຕັ້ງ ປະຕິບັດໃນ 3 ແຂວງຄື: ເຊ ກອງມີ 1 ເມືອງ 10 ບ້ານ, ນະ ຄອນຫຼວງວຽງຈັນມີ 4 ເມືອງ ມີ 20 ບ້ານ ແລະ ແຂວງຜົ້ງສາລີ 2 ເມືອງ 10 ບ້ານ. (ຂ່າວ: ຍຸພິນທອງ)