ປະທານສະພາແຫ່ງຊາດ ສຳເລັດ ການຢ້ຽມຢາມລາຊະອານາຈັກໄທ


...

05.06.2018 9:52     

   (ຂປລ) ທ່ານ ນາງ ປານີ ຢາທໍ່ຕູ້ ປະທານສະພາແຫ່ງ ຊາດ ສປປ ລາວ ພ້ອມດ້ວຍ ຄະນະໄດ້ເດີນທາງຢ້ຽມຢາມ ສັນຖະວະໄມຕີ ລາຊະອານາ ຈັກໄທຢ່າງເປັນທາງການໃນ ວັນທີ 1 ມິຖຸນາ ຜ່ານມາ ເພື່ອ ເສີມຂະຫຍາຍສາຍພົວພັນມິດ ຕະພາບ ແລະ ການຮ່ວມມື ລະ ຫວ່າງສອງປະເທດ ລາວ-ໄທ. ທ່ານປະທານສະພາແຫ່ງ ຊາດລາວ ພ້ອມດ້ວຍຄະນະໄດ້ ມີການພົບປະສອງຝ່າຍກັບທ່ານ ພອນເພັດ ພິຊິດຊົນໄຊ ປະ ທານສະພານິຕິບັນຍັດ ແຫ່ງ ລາ ຊະອານາຈັກໄທ ພ້ອມດ້ວຍຄະ ນະ ຊຶ່ງທັງສອງຝ່າຍຕ່າງກໍໄດ້ຕີ ລາຄາສູງ ຕໍ່ການພົວພັນ ແລະ ຮ່ວມມື ລະຫວ່າງສອງປະເທດທີ່ນັບ ມື້ຂະຫຍາຍຕົວ, ໂດຍສະແດງ ອອກຜ່ານການແລກປ່ຽນການ ຢ້ຽມຢາມຂອງຄະນະຜູ້ແທນ ຂັ້ນສູງຂອງລັດຖະບານ ແລະ ຂະແໜງການຕ່າງໆໃນລະດັບ ສູນກາງ ແລະ ທ້ອງຖິ່ນ. ໃນນັ້ນ, ສອງປະເທດມີການພົວພັນ ຮ່ວມມືກັນຫຼາຍດ້ານຜ່ານຫຼາຍ ກົນໄກຮ່ວມມື, ໄດ້ຮ່ວມມືກັນ ຮັກສາຄວາມເປັນລະບຽບຮຽບ ຮ້ອຍຕາມບໍລິເວນຊາຍແດນ ຂອງສອງປະເທດ ຊຶ່ງທັງສອງ ຝ່າຍຕົກລົງກັນວ່າຮອດປີ 2020 ຈະແກ້ໄຂປັກຫຼັກໝາຍຊາຍ ແດນທາງບົກໃຫ້ສຳເລັດ ແລະ ປີ 2021 ໃຫ້ສຳເລັດການປັກ ຫຼັກໝາຍທາງນ້ຳ, ການຮ່ວມ ມືດ້ານການຄ້າໃນປີຜ່ານມາ ການຄ້າສອງຝ່າຍມີມູນຄ່າ 6,2 ຕື້ໂດລາ ທຽບໃສ່ປີ 2016 ເພີ່ມ ຂຶ້ນ 6%, ໃນນີ້, ການສົ່ງອອກ ຂອງລາວມີມູນຄ່າ 2,2 ຕື້ ໂດລາ, ການນຳເຂົ້າຂອງລາວ ຈາກໄທ ມູນຄ່າ 3,9 ຕື້ໂດລາ ແລະ ຄາດວ່າຮອດປີ 2020 ມູນຄ່າການຄ້າ ລະຫວ່າງສອງ ປະເທດຈະບັນລຸ 10 ຕື້ໂດລາ, ການລົງທຶນຂອງໄທຢູ່ລາວມາ ຮອດປັດຈຸບັນແມ່ນຢູ່ອັນດັບ 2 ຂອງການລົງທຶນຕ່າງປະເທດ ຢູ່ ສປປ ລາວ ຖັດຈາກ ສປ ຈີນ ຊຶ່ງ ມີມູນຄ່າການລົງທຶນຈາກໄທ ບັນລຸ 4,5 ຕື້ໂດລາ ໃນ 758 ໂຄງການ, ການຮ່ວມມືດ້ານ ພະລັງງານໃນປີ 2017 ລາວ ໄດ້ຂະຫຍາຍກະແສໄຟຟ້າໃຫ້ ຝ່າຍໄທ ຈຳນວນ 3.801 ເມກາ ວັດ ແລະ ຮອດສົກປີ 2020- 2021 ຝ່າຍໄທຈະຊື້ໄຟຟ້າ ຈາກ ລາວເພີ່ມ ລວມເປັນ 9.000 ເມກາວັດ, ການຮ່ວມມືທາງ ດ້ານແຮງງານເຫັນວ່າສອງປະ ເທດໄດ້ມີຄວາມພະຍາຍາມ ແກ້ໄຂບັນຫາແຮງງານນຳກັນ ເປັນກ້າວໆມາ ໂດຍໄດ້ລົງ ນາມຮ່ວມກັນໃນບົດບັນທຶກ ຄວາມເຂົ້າໃຈວ່າດ້ວຍການ ຮ່ວມມືດ້ານແຮງງານ ໃນປີ 2016 ແລະ ຂໍ້ຕົກລົງວ່າດ້ວຍ ການຈ້າງງານປີ 2017, ໄດ້ມີ ການຝຶກອົບຮົມວິຊາຊີບໃຫ້ແກ່ ສີມືແຮງງານລາວ, ສ້າງສູນພັດ ທະນາສັງຄົມມິດຕະພາບລາວ - ໄທ ແລະ ອື່ນໆ. ແນວໃດກໍດີ ຍັງມີບາງບັນຫາຈະຕ້ອງໄດ້ ສືບຕໍ່ແກ້ໄຂ ໂດຍສະເພາະສະ ເໜີໃຫ້ຝ່າຍໄທ ເພີ່ມທະວີການ ຄຸ້ມຄອງແຮງງານລາວຕາມ ລະບຽບກົດໝາຍ, ຊ່ວຍຊຸກຍູ້ ປັບສະຖານະພາບແຮງງານ ລາວໃຫ້ສຳເລັດຕາມກຳນົດເວ ລາທີ່ສອງຝ່າຍໄດ້ເຫັນດີນຳ ກັນ (30/6/2018) ເພື່ອຮັບປະ ກັນການປົກປ້ອງສິດທິແຮງ ງານລາວ ທີ່ໄປອອກແຮງງານ ຢູ່ໄທ ໃຫ້ດີຂຶ້ນ, ການຮ່ວມມື ຕ້ານການຄ້າມະນຸດເຫັນວ່າ ສອງປະເທດໄດ້ມີການຮ່ວມ ມືທີ່ດີນຳກັນໃນການຕ້ານຕໍ່ ການຄ້າມະນຸດ ຊຶ່ງສອງລັດ ຖະບານໄດ້ລົງນາມຮ່ວມກັນ ໃນບົດບັນທຶກຄວາມເຂົ້າໃຈ ວ່າດ້ວຍການຮ່ວມມືຕ້ານການ ຄ້າມະນຸດ ໂດຍສະເພາະແມ່ ຍິງ ແລະ ເດັກນ້ອຍ ປີ 2017, ມີກົນໄກຮ່ວມກັນແຕ່ສູນກາງ ຈົນຮອດທ້ອງຖິ່ນ ເພື່ອສະກັດ ກັ້ນ ແລະ ຕ້ານການຄ້າມະນຸດ ໂດຍສະເພາະການຄຸ້ມຄອງ, ການສົ່ງກັບປະເທດ ແລະ ກັບ ຄືນສູ່ສັງຄົມຂອງຜູ້ເຄາະຮ້າຍ ສະນັ້ນ ເພື່ອສືບຕໍ່ວຽກງານດັ່ງ ກ່າວຝ່າຍລາວໄດ້ສະເໜີໃຫ້ ຝ່າຍໄທ ຈົ່ງຊ່ວຍຊຸກຍູ້ໃຫ້ສອງ ລັດຖະບານສືບຕໍ່ປະຕິບັດຕາມ ບົດບັນທຶກຊ່ວຍຈຳວ່າການ ຮ່ວມມືຕ້ານການຄ້າມະນຸດທີ່ ໄດ້ລົງນາມນຳກັນ ແລະ ອື່ນໆ. ແນວໃດກໍດີ ໄລຍະຜ່ານ ມາສອງສະພາໄດ້ມີການແລກ ປ່ຽນການຢ້ຽມຢາມໃນ ລະດັບ ສູງເຖິງລະດັບວິຊາການ. ນອກ ນັ້ນ, ສອງສະພາ ລາວ - ໄທ ຍັງ ເປັນສະມາຊິກຂອງສະພາລັດ ຖະສະພາສາກົນ, ອົງການສະ ມັດຊາລັດຖະສະພາ ລະຫວ່າງ ຊາດ ອາຊຽນ (ໄອປາ), ອົງການ ສະພາພາກພື້ນຈຳນວນໜຶ່ງ ແລະ ມີຫຼາຍໂອກາດໄດ້ເຂົ້າ ຮ່ວມເຄື່ອນໄຫວວຽກງານນຳ ອົງການດັ່ງກ່າວ ແລະ ຍັງໄດ້ ມີການແລກປ່ຽນ ແລະ ປຶກສາ ຫາລືຮ່ວມກັນໃນຫຼາຍດ້ານຕື່ມ ອີກ. ຫຼັງຈາກນັ້ນ, ຄະນະຜູ້ແທນ ຂັ້ນສູງ ສປປ ລາວ ກໍໄດ້ເດີນ ທາງຢ້ຽມຊົມໂຄງການກໍ່ສ້າງ ອາຄານລັດຖະສະພາຫຼັງໃໝ່ ຂອງລາຊະອານາຈັກໄທ ແລະ ເຂົ້າຢ້ຽມພົບປະກັບທ່ານ ພົນ ເອກ ປຣະຢຸດ ຈັນໂອຊາ ນາຍົກ ລັດຖະມົນຕີ ແຫ່ງລາຊະອານາ ຈັກໄທ ທີ່ທຳນຽບລັດຖະບານ ຊຶ່ງການພົບປະຄັ້ງນີ້ ທ່ານປະ ທານສະພາແຫ່ງຊາດລາວ ກໍ ໄດ້ແຈ້ງຈຸດປະສົງໃນການຢ້ຽມ ຢາມລາຊະອານາຈັກໄທ ໃຫ້ ທ່ານ ພົນເອກ ປຣະຢຸດ ຈັນໂອ ຊາ ນາຍົກລັດຖະມົນຕີ ແຫ່ງ ລາຊະອານາຈັກໄທ ຮັບຊາບ ຊຶ່ງທ່ານກໍໄດ້ສະແດງການ ຕ້ອນຮັບຢ່າງອົບອຸ່ນ ແລະ ຕີ ລາຄາສູງຕໍ່ການຢ້ຽມຢາມສັນ ຖະວະໄມຕີໃນຄັ້ງນີ້ ຂອງຄະ ນະຜູ້ແທນຂັ້ນສູງຂອງສະພາ ແຫ່ງຊາດ ສປປ ລາວ ອັນເປັນ ການປະກອບສ່ວນເຂົ້າໃນການ ເສີມຂະຫຍາຍສາຍພົວພັນມິດ ຕະພາບ ແລະ ການຮ່ວມມືໃຫ້ ແຕກດອກອອກຜົນຍິ່ງໆຂຶ້ນ ລະຫວ່າງສອງປະເທດ ລາວ ແລະ ໄທ. ມື້ດຽວກັນນັ້ນ, ຄະນະ ຜູ້ແທນຂັ້ນສູງຂອງ ສປປ ລາວ ກໍໄດ້ໄປວາງພວງມາລາທີ່ອະນຸ ສາວະລີ ພະບາດສົມເດັດ ພະ ປົກເກົ້າເຈົ້າຢູ່ຫົວ ລາຊະການ ທີ 7 ທີ່ໜ້າລັດຖະສະພາ.