ສູນກາງ ຊປປລ ສະເຫຼີມສະຫຼອງວັນເດັກສາກົນ ແລະ ວັນປູກຕົ້ນໄມ້ແຫ່ງຊາດ


...

05.06.2018 9:52     

   ສູນກາງຊາວໜຸ່ມປະຊາ ຊົນ ປະຕິວັດລາວ (ຊປປລ) ໄດ້ຈັດພິທີສະເຫຼີມສະຫຼອງວັນ ເດັກນ້ອຍສາກົນ ແລະ ວັນປູກ ຕົ້ນໄມ້ແຫ່ງຊາດ 1 ມິຖຸນາ 2018 ຂຶ້ນໃນວັນທີ 4 ມິຖຸນາ ທີ່ສູນກາງຊາວໜຸ່ມປະຊາຊົນ ປະຕິວັດລາວ ໂດຍເປັນກຽດ ເຂົ້າຮ່ວມຂອງທ່ານ ໄຊສົມ ພອນ ພົມວິຫານ ກຳມະການ ກົມການເມືອງສູນກາງພັກ ປະ ທານສູນກາງແນວລາວສ້າງ ຊາດ, ທ່ານ ອາລຸນໄຊ ສູນນະ ລາດ ເລຂາຄະນະບໍລິຫານ ງານສູນກາງ ຊປປລ, ມີບັນດາ ທ່ານລັດຖະມົນຕີ, ເອກອັກຄະ ລັດຖະທູດ, ຜູ້ຕາງໜ້າຈາກອົງ ການ ຈັດຕັ້ງສາກົນ, ແຂກຖືກເຊີນ ບັນດາຜູ້ປົກຄອງ ແລະ ຊາວ ໜຸ່ມ-ເຍົາວະຊົນ-ອະນຸຊົນເຂົ້າ ຮ່ວມ. ໃນພິທີ ທ່ານເລຂາຄະນະ ບໍລິຫານງານສູນກາງ ຊປປລ ໄດ້ກ່າວວ່າ: ສຳລັບກິດຈະກຳ ປີນີ້ ສູນກາງຊາວໜຸ່ມ ປະຊາ ຊົນ ປະຕິວັດລາວ ໄດ້ຈັດງານ ວັນເດັກນ້ອຍສາກົນ ພາຍໃຕ້ ຫົວຂໍ້ "ເຍົາວະຊົນຍຸກໃໝ່ໃສ່ ໃຈວັດທະນະທຳ ຕ້ອນຮັບປີ ທ່ອງທ່ຽວລາວ 2018" ໂດຍ ເຫັນໄດ້ຄວາມສຳຄັນຕໍ່ເດັກທີ່ ຈະເປັນຜູ້ໃຫຍ່ໃນວັນໜ້າ ຄະ ນະຊາວໜຸ່ມທົ່ວປະເທດໃຫ້ ເອົາໃຈໃສ່ປະກອບສ່ວນຈັດ ຕັ້ງປະຕິບັດ ບັນດາແຜນງານ ບຸລິມະສິດຂອງຄະນະກຳມາທິ ການແຫ່ງຊາດ ເພື່ອຄວາມກ້າວ ໜ້າຂອງແມ່ ແລະ ເດັກ ຕາມພາ ລະບົດບາດ ໂດຍຕິດພັນກັບ ຖະແຫຼງການຂອງອົງການສະ ຫະປະຊາຊາດກ່ຽວກັບສິດທິ ຂອງເດັກ ໂດຍສະເພາະແມ່ນ 4 ສິດ ຄື: 1. ສິດໃນການຢູ່ ລອດ, 2. ສິດໃນການປົກປ້ອງ, 3. ສິດໃນການມີສ່ວນຮ່ວມ ແລະ 4. ສິດໄດ້ຮັບການສຶກສາ ພ້ອມ ນັ້ນ ເພື່ອປູກຈິດສຳນຶກໃຫ້ລູກ ຫຼານຮັບຮູ້ ແລະ ເຂົ້າໃຈວັດທະ ນະທຳອັນດີງາມຂອງຊາດ, ຄະນະຮັບຜິດຊອບຈັດງານ ຍັງໄດ້ຈັດກິດຈະກຳ ຊຶ່ງປະ ກອບມີການແຂ່ງຂັນຕີກອງດຸ ລິຍາງ ແລະ ແຂ່ງຂັນເດີນສວນ ສະໜາມແປຕົວອັກສອນ, ຮ້ອງເພງ, ສະແດງລະຄອນ, ກິດຈະກຳຖາມ-ຕອບ, ຮ້ານ ວາງສະແດງ ແລະ ກິດຈະກຳ ອື່ນໆ. ທ່ານກ່າວຕື່ມອີກວ່າ: ກິດຈະກຳທັງໝົດນັ້ນແມ່ນ ເປັນການປະກອບສ່ວນໃນວັນ ສຳຄັນຂອງຊາດຂອງພັກ ພ້ອມ ທັງເປັນການຊົມເຊີຍວັນສ້າງ ຕັ້ງຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 63 ປີ (2 ທັນວາ 1955 - 2 ທັນວາ 2018) ທີ່ຈະມາເຖິງນີ້. ພິເສດ ກິດຈະກຳຄັ້ງນີ້ ເປັນການສ້າງ ສິ່ງແວດລ້ອມ ແລະ ບັນຍາ ກາດທີ່ດີໃຫ້ແກ່ຂະບວນການ ພັດທະນາເດັກນ້ອຍລາວບັນ ດາເຜົ່າ ໃນໂອກາດອັນສຳຄັນ ດັ່ງກ່າວ ທ່ານ ໄຊສົມພອນ ພົມວິຫານ ກໍໄດ້ໃຫ້ກຽດຮ່ວມ ປູກຕົ້ນໄມ້ອີກດ້ວຍ. (ຂ່າວ: ຍຸພິທອງ, ພາບ: ສຊປປລ)