ເປີດສູນຄົ້ນຄວ້າແມ່ນ້ຳຂອງສາກົນ ຂອງ ສປປ ລາວ


...

07.06.2018 9:22     

   ກະຊວງການຕ່າງປະເທດ ໄດ້ຈັດພິທີເປີດ "ສູນຄົ້ນຄວ້າ ແມ່ນ້ຳຂອງສາກົນຂອງ ສປປ ລາວ (Global Center for Mekong Studies of Laos: GCMS-Laos)" ໃນວັນທີ 6 ມິຖຸນານີ້ ທີ່ສະຖາບັນການ ຕ່າງ ປະເທດ ໂດຍການໃຫ້ກຽດເຂົ້າ ຮ່ວມເປັນສັກຂີພິຍານ ແລະ ຕັດ ແຖບຜ້າຂອງທ່ານ ແສງເພັດ ຮຸ່ງບຸນຍວງ ຮອງລັດຖະມົນຕີ ກະຊວງການຕ່າງ ປະເທດ ແລະ ທ່ານ ຫວາງເວີນທຽນ (Wang Wentian) ເອກອັກຄະລັດຖະ ທູດ ແຫ່ງ ສປ ຈີນ ປະຈຳ ສປປ ລາວ, ມີພາກສ່ວນກ່ຽວຂ້ອງເຂົ້າຮ່ວມ. ທ່ານ ນາງ ພິມພາ ແກ້ວ ມີໄຊ ຮອງຫົວໜ້າສະຖາບັນ ການຕ່າງປະເທດ ໄດ້ຕາງໜ້າ ໃຫ້ສະຖາບັນການຕ່າງປະເທດ ກ່າວເປີດສູນ. ຫຼັງຈາກນັ້ນ ທ່ານ Liu Qing ຫົວໜ້າກົມ ຄົ້ນຄວ້າບັນຫາສາກົນ ສະຖາ ບັນຄົ້ນຄວ້າສາກົນ ຫົວໜ້າ ກອງເລຂາສູນຄົ້ນຄວ້າແມ່ນ້ຳ ຂອງສາກົນ ສປ ຈີນ ກ່າວວ່າ: ການຮ່ວມມືໃນຂອບແມ່ນ້ຳ ຂອງ-ແມ່ນ້ຳລ້ານຊ້າງ ເປັນກົນ ໄກການຮ່ວມມືອະນຸພາກພື້ນ ທີ່ເຊື່ອມຕໍ່ລະຫວ່າງ ສປ ຈີນ ແລະ ບັນດາປະເທດສະມາຊິກ ອະນຸພາກພື້ນແມ່ນ້ຳຂອງ ທີ່ ເນັ້ນໃສ່ການຮ່ວມມືດ້ານການ ເມືອງຄວາມໝັ້ນຄົງ, ດ້ານເສດ ຖະກິດ ແລະ ວັດທະນະທຳ-ສັງຄົມ ຊຶ່ງລັດຖະບານຈີນ ໃຫ້ ຄວາມສຳຄັນໃນການຮ່ວມມື ກັບທຸກປະເທດບົນພື້ນຖານ ຕ່າງຝ່າຍຕ່າງໄດ້ຮັບຜົນປະ ໂຫຍດ ແລະ ສອດຄ່ອງກັບນະ ໂຍບາຍຂອງ ຈີນ ທີ່ໃຫ້ຄວາມ ສຳຄັນໃນການຮ່ວມມືກັບບັນ ດາປະເທດບ້ານໃກ້ເຮືອນຄຽງ. ການເປີດສູນ GCMS-Laos ເປັນກາລະໂອກາດອັນດີໃຫ້ ແກ່ ສປປ ລາວ ໃຫ້ບັນລຸເປົ້າ ໝາຍຍຸດທະສາດການຫັນປະ ເທດຈາກປະເທດທີ່ບໍ່ມີທາງ ອອກສູ່ທະເລ ກາຍເປັນປະເທດ ທາງຜ່ານຂອງສາກົນ ອັນເປັນ ພື້ນຖານໃຫ້ແກ່ການພັດທະນາ ເສດຖະກິດ-ສັງຄົມ ຂອງປະ ເທດ ນຳເອົາປະຊາຊົນລາວ ຫຼຸຸດພົ້ນອອກຈາກຄວາມທຸກ ຍາກເທື່ອລະກ້າວ. ສປປ ລາວ ເປັນປະເທດ ທີສອງ ທີ່ໄດ້ເປີດສູນຄົ້ນ ຄວ້າແມ່ນ້ຳຂອງສາກົນ ຫຼື GCMS ຖັດຈາກກຳປູເຈຍ ຊຶ່ງໄດ້ເປີດສູນ GCMS-Cambodia ໃນເດືອນກັນຍາ 2017. ສູນ GCMS ໄດ້ຮັບ ການສ້າງຕັ້ງຂຶ້ນໃນວັນທີ 28 ກັນຍາ 2017 ຊຶ່ງເປັນຂໍ້ລິເລີ່ມ ຂອງຝ່າຍຈີນ ແລະ ບັນດາປະ ເທດສະມາຊິກ ໄດ້ຍິນດີຕໍ່ຂໍ້ລິ ເລີ່ມດັ່ງກ່າວ ແລະ ເຫັນດີຮັບ ຮອງເອົາໃນກອງປະຊຸມລັດ ຖະມົນຕີຕ່າງປະເທດໃນຂອບ ການຮ່ວມມືແມ່ນ້ຳຂອງ-ແມ່ ນ້ຳລ້ານຊ້າງ ຄັ້ງທີ 2 (the 2th Lancang-Mekong Cooperation: LMC) ໃນເດືອນ ພະຈິກ 2016, ທີ່ພະນົມເປັນ ກຳປູເຈຍ, ຊຶ່ງເປັນເຄືອຂ່າຍ ຄັງປັນຍາ (Think Tanks) ໃນຂອບການຮ່ວມມືດັ່ງກ່າວ ເພື່ອສົ່ງເສີມການຮ່ວມມື, ແລກປ່ຽນທາງດ້ານວິຊາການ ແລະ ຍົກສູງການມີສ່ວນຮ່ວມ ຂອງບັນດາສະຖາບັນຄົ້ນຄວ້າ ໃນການຕອບສະໜອງຄຳຄິດ ຄຳເຫັນ, ຂໍ້ສະເໜີແນະທາງ ດ້ານນະໂຍບາຍໃຫ້ແກ່ລັດຖະ ບານ ແລະ ອົງການຈັດຕັ້ງສາ ກົນອື່ນໆ. ທັງນີ້ ກໍເພື່ອເປັນການ ສົ່ງເສີມການຮ່ວມມືກັນ ເພື່ອ ອະນາຄົດແຫ່ງການພັດທະນາ ທີ່ຮຸ່ງເຮືອງຂອງບັນດາປະເທດ ແມ່ນ້ຳຂອງ-ແມ່ນ້ຳລ້ານຊ້າງ ທັງ 6 ປະເທດຄື: ສປ ຈີນ, ກຳ ປູເຈຍ, ລາວ, ມຽນມາ, ໄທ ແລະ ຫວຽດນາມ. (ຂ່າວ: ກະຊວງການຕ່າງ ປະເທດ+ພາບ: ແສງຈັນ)