ສະຫຼຸຸບຜົນການແຂ່ງຂັນນຳໃຊ້ໄມໂຄຼຊອບ ອອບຟິສ ປະຈຳປີ 2018


...

08.06.2018 9:24     

   ສູນປະກັນຄຸນນະພາບ ການສຶກສາ ກະຊວງສຶກສາທິ ການ ແລະ ກິລາ ໄດ້ສະຫຼຸຸບຜົນ ການແຂ່ງຂັນຄວາມສາມາດ ດ້ານການນຳໃຊ້ໄມໂຄຣຊອບ ອອບຟິສ ປະຈຳປີ 2018 ສຳ ລັບນັກຮຽນ-ນັກສຶກສາທົ່ວໄປ ທັງພາກລັດ ແລະ ເອກະຊົນ ຂຶ້ນໃນຕົ້ນເດືອນ ມິຖຸນາ ຜ່ານ ມາ ທີ່ຫ້ອງປະຊຸມໂຮງຮຽນມັດ ທະຍົມສົມບູນວຽງຈັນ ນະຄອນ ຫຼວງວຽງຈັນ ພາຍໃຕ້ການເປັນ ປະທານຂອງທ່ານ ກອງສີ ແສງ ມະນີ ຮອງລັດຖະມົນຕີກະຊວງ ສຶກສາທິການ ແລະ ກິລາ, ມີ ພາກສ່ວນກ່ຽວຂ້ອງເຂົ້າຮ່ວມ. ໂອກາດນີ້ ທ່ານ ນາງ ພູ ເຂົາຄຳ ສຸວັນ ຮອງຜູ້ອຳນວຍ ການສູນປະກັນຄຸນນະພາບ ການສຶກສາໄດ້ຂຶ້ນຜ່ານບົດສະ ຫຼຸຸບຜົນການຈັດຕັ້ງປະຕິບັດ ການແຂ່ງຂັນຄວາມສາມາດ ການນຳໃຊ້ໄມໂຄຼຊອບ ອອບ ຟິສ ປະຈຳປີ 2018 ສຳລັບນັກ ຮຽນ-ນັກສຶກສາທົ່ວໄປ ທັງພາກ ລັດ ແລະ ເອກະຊົນຜູ້ທີ່ມີຄວາມຮູ້ ສາມາດ ແລະ ພອນສະຫວັນ ທາງດ້ານໄອທີ ເພື່ອຄົ້ນຫານັກ ຮຽນຜູ້ທີ່ມີຄວາມເກັ່ງ ແລະ ຕິດ ອັນດັບຂອງປະເທດ ໄປແຂ່ງ ຂັນລະດັບໂລກ ທີ່ປະເທດສະ ຫະລັດອາເມຣິກາ ໃນລະຫວ່າງ ເດືອນສິງຫາ ທີ່ຈະມາເຖິງນີ້ ຕາມເງື່ອນໄຂ ແລະ ມາດຖານ ທີ່ກຳນົດ. ໃນນັ້ນ, ໄດ້ຈັດການ ແຂ່ງຂັນຢູ່ 3 ຫົວຂໍ້ຄື: ໄມໂຄຣ ຊອບ ອອບຟິສ ເວີຣດ 2016 (Microsoft Office Word 2016), ໄມໂຄຣຊອບ ອອບ ຟິສ ເອັກແຊລ 2016 (Microsoft Office Excel 2016), ໄມໂຄຣຊອບ ອອບຟິສ ພາວ ເວີຣ໌ພອຍ໌ 2016 (Microsoft Office Powerpoint 2016). ສຳລັບການແຂ່ງຂັນຮອບທຳ ອິດຈັດຂຶ້ນໃນລະຫວ່າງວັນທີ 18 ຫາ 21 ເມສາ 2018 ຢູ່ບັນ ດາແຂວງເປົ້າໝາຍໃນ 6 ແຂວງ ຄື:ນະຄອນຫຼວງວຽງຈັນ, ແຂວງ ວຽງຈັນ, ສະຫວັນນະເຂດ, ຈຳ ປາສັກ, ຊຽງຂວາງ ແລະ ແຂວງ ໄຊຍະບູລີ ໂດຍມີຜູ້ເຂົ້າຮ່ວມ ແຂ່ງຂັນຕົວຈິງທັງໝົດ 227 ຄົນ, ຍິງ 137 ຄົນ ແລະ ຜ່ານເກນ ມາດຕະຖານທາງດ້ານຄະ ແນນ 700 ຄະແນນຂຶ້ນໄປມີ 26 ຄົນ, ຍິງ 7 ຄົນ. ການແຂ່ງ ຂັນຮອບທີ 2 ຫຼື ຮອບຊີງຊະ ນະເລີດລະດັບປະເທດຈັດຂຶ້ນ ໃນລະຫວ່າງວັນທີ 28-29 ເມ ສາ 2018 ທີ່ນະຄອນຫຼວງວຽງ ຈັນ ມີຕົວແທນຈາກ 6 ແຂວງ ເປົ້າໝາຍເຂົ້າຮ່ວມ ທັງໝົດ 25 ຄົນ, ຍິງ 7 ຄົນ, ຜົນການ ແຂ່ງຂັນແຕ່ລະຫົວຂໍ້ມີດັ່ງນີ້: (Microsoft Office Word 2016), ຊະນະເລີດ ທ້າວ ສົມ ລິດ ພົນພັກດີ ຈາກແຂວງສະ ຫວັນນະເຂດ ໄດ້ຄະແນນເຕັມ 1.000 ຄະແນນ, ຮອງຊະນະ ເລີດ ທ້າວ ກາເຢັງຊົງ ທົງຊົວ ທົງ ຈາກນະຄອນຫຼວງວຽງຈັນ ໄດ້ 850 ຄະແນນ, (Microsoft Office Excel 2016), ຊະນະເລີດນາງ ສີດາ ອຸພຣະສັກດາ ຈາກແຂວງສະ ຫວັນນະເຂດ ໄດ້ 815 ຄະ ແນນ, ຮອງຊະນະເລີດ ທ້າວ ແກ້ວສະຫວັນ ຄວບແສງຈັນ ຈາກແຂວງສະຫວັນນະເຂດ ໄດ້ 775 ຄະແນນ, (Microsoft Office Powerpoint 2016), ຊະນະເລີດທ້າວ ອະ ພິສິດ ຣາຊພົງ ຈາກແຂວງສະ ຫວັນນະເຂດ ໄດ້ 979 ຄະ ແນນ, ຮອງຊະນະເລີດ ນາງ ປະທຸມມາ ອຸພຣະສັກດາ ຈາກ ແຂວງສະຫວັນນະເຂດ ເຊັ່ນ ດຽວກັນ ໄດ້ 950 ຄະແນນ, ຜູ້ ທີຊະນະເລີດຮອບສຸດທ້າຍນີ້ ຈະເປັນຕົວແທນໃຫ້ປະເທດ ລາວ ໄປແຂ່ງຂັນລະດັບໂລກ ທີ່ປະເທດສະຫະລັດອາເມຣິ ກາ ໃນເດືອນສິງຫາ ທີ່ຈະມາ ເຖິງນີ້. (ຂ່າວ: ຄານສີສະຫວັນ ພົງພັກດີ)