ຈະຊົດເຊີຍຜູ້ໄດ້ຮັບຜົນກະທົບໂຄງການກໍ່ສ້າງ ທາງລົດໄຟລາວ-ຈີນ


...

12.06.2018 9:11     

   ພາຍຫຼັງການລົງສຳຫຼວດ ໄກ່ເກ່ຍກັບຜູ້ທີ່ໄດ້ຮັບຜົນກະ ທົບຈາກໂຄງການກໍ່ສ້າງທາງ ລົດໄຟ ລາວ-ຈີນ ທີ່ຜ່ານມາ ຢູ່ຫຼາຍແຂວງນັບແຕ່ນະຄອນ ຫຼວງວຽງຈັນ ຂຶ້ນໄປຫາແຂວງ ຫຼວງນ້ຳທາ ລວມມູນຄ່າໃນ ການຊົດເຊີຍຕາມການສຳ ຫຼວດເບື້ອງຕົ້ນປະມານ 2.492 ຕື້ກວ່າກີບ ໂດຍລັດຖະບານ ຈະມອບໃຫ້ແຂວງເປັນຜູ້ເບີກ ຈ່າຍໂດຍຜ່ານຄັງເງິນແຫ່ງ ຊາດເທົ່ານັ້ນ ຜູ້ທີ່ໄດ້ຮັບຜົນກະ ທົບ ສາມາດມາພົວພັນກັບແຂວງ ທີ່ຕົນອາໄສຢູ່ຄາດວ່າ ຈະເລີ່ມ ປະຕິບັດໃນທ້າຍເດືອນມິຖຸນາ 2018 ເປັນຕົ້ນໄປ. ຂະນະທີ່ ການກໍ່ສ້າງໂຄງການດັ່ງກ່າວ ຄືບໜ້າແລ້ວ 33,8% ລື່ນຄາດ ໝາຍ 4%. ກອງປະຊຸມສະໄໝສາ ມັນເທື່ອທີ 5 ຂອງສະພາແຫ່ງ ຊາດ ຊຸດທີ 8 ເມື່ອວັນທີ 8 ມິ ຖຸນາ ຜ່ານມາ ນີ້ ພາຍໃຕ້ການ ເປັນປະທານຂອງທ່ານ ນາງ ປານີ ຢາທໍ່ຕູ້ ປະທານສະພາ ແຫ່ງຊາດ ທ່ານ ບຸນຈັນ ສິນທະ ວົງ ລັດຖະມົນຕີກະຊວງໂຍທາ ທິການ ແລະ ຂົນສົ່ງ ລາຍງານ ວ່າ: ໄດ້ມີການລົງໄປຕິດຕາມ ແລະ ກວດກາເຂດພື້ນທີ່ຂອງ ປະຊາຊົນທີ່ໄດ້ຮັບຜົນກະທົບ ຈາກການຕັດຜ່ານໂຄງການ ສ້າງເສັ້ນທາງລົດໄຟລາວ - ຈີນ ທີ່ມີທັງໝົດ 11 ສະຖານີ ແລະ ໄດ້ມີການຫາລື, ອະທິບາຍກັບ ເຈົ້າຂອງສະຖານທີ່ໃຫ້ມີຄວາມ ເຂົ້າໃຈ ແລະ ຕົກລົງການຊົດ ເຊີຍຢ່າງເປັນເອກະພາບ ຊຶ່ງ ເລີ່ມຈາກນະຄອນຫຼວງວຽງຈັນ, ອຸດົມໄຊ, ຫຼວງພະບາງ, ແຂວງ ວຽງຈັນ ແລະ ຫຼວງນ້ຳທາ ຄະ ນະຊີ້ນຳໄດ້ມີການລວບລວມ ຂໍ້ມູນ ແລະ ປະເມີນຄວາມເສຍ ຫາຍຂອງການຊົດເຊີຍປະມານ 2.492 ຕື້ກວ່າກີບ ເປັນໂຕ ເລກທີ່ຂ້ອນສູງພໍສົມຄວນ, ການຊົດເຊີຍແມ່ນໄດ້ມີການ ຄິດໄລ່ແບ່ງຕາມປະເພດຂອງ ດິນຕາມຄວາມເໝາະສົມ. ມາເຖິງວັນທີ 31 ພຶດສະ ພາ 2018 ວຽກງານຍົກຍ້າຍ ສິ່ງກີດຂວາງແມ່ນຍັງບໍ່ທັນສຳ ເລັດສົມບູນ 100% ນະຄອນ ຫຼວງວຽງຈັນ ມີປະຊາຊົນໄດ້ ມອບສິດໃຫ້ກັບໂຄງການແລ້ວ 34,17 ກິໂລແມັດ, ປະມານ 83% ຂອງໂຄງການທີ່ມີການ ຕັດຜ່ານ, ແຂວງວຽງຈັນ 135 ກິໂລແມັດ 93%, ຫຼວງພະບາງ 75 ກິໂລແມັດ 94%, ອຸດົມໄຊ 100,62 ກິໂລແມັດ 83% ແລະ ແຂວງຫຼວງນ້ຳທາ 15,79 ກິ ໂລແມັດ ປະມານ 93% ສ່ວນ ທີ່ເຫຼືອຢູ່ໃນຂັ້ນຕອນຂອງການ ເຈລະຈາ. ທ່ານລັດຖະມົນຕີ ກະ ຊວງ ຍທຂ ກ່າວວ່າ: ເພື່ອຮັບ ປະກັນໃຫ້ການຊົດເຊີຍຄັ້ງນີ້ ທີ່ຖືວ່າເປັນໂຄງການໃຫຍ່ລະ ດັບຊາດ ແລະ ມີການຊົດເຊີຍ ໃນວົງເງິນມະຫາສານ ລັດຖະ ບານໄດ້ມີການຕັ້ງຄະນະກຳ ມະການໃນການຄຸ້ມຄອງ ແລະ ຊົດເຊີຍໂດຍຜ່ານຄັງເງິນແຫ່ງ ຊາດ ຄາດວ່າຈະສູ້ຊົນໃຫ້ເລີ່ມ ປະຕິບັດໃນທ້າຍເດືອນ ມິຖຸນາ 2018 ນີ້ເປັນຕົ້ນໄປ ຊຶ່ງຜູ້ເຊັນ ຂໍອະນຸມັດເບີກຈ່າຍຢູ່ນະຄອນ ຫຼວງວຽງຈັນ ແມ່ນຮອງເຈົ້າ ຄອງ ແລະ ບັນດາແຂວງ ແມ່ນ ຮອງເຈົ້າແຂວງ ຜູ້ໄດ້ຮັບການ ຊົດເຊີຍສາມາດມາພົວພັນກັບ ແຂວງທີ່ຕົນອາໄສຢູ່ ແລະ ຈະ ມີການມອບ-ຮັບເງິນຄ່າຊົດ ເຊີຍຜ່ານລະບົບຂອງທະນາ ຄານ ເພື່ອຮັບປະກັນຄວາມ ໂປ່ງໃສໃຫ້ເປັນໄປຕາມທີ່ລະ ບົບຂອງທະນາຄານ ແລະ ລັດ ຖະບານກຳນົດເທົ່ານັ້ນ. ຂະນະທີ່ ສສຊ ຫຼາຍເຂດ ສະແດງຄວາມເປັນຫ່ວງເລື່ອງ ຂອງແຮງງານລາວ ທີ່ໄປເຮັດ ວຽກກັບບໍລິສັດຈີນທີ່ຮັບເໝົາ ກໍ່ສ້າງແຕ່ລະຈຸດຢ້ານບໍ່ໄດ້ຮັບ ຄວາມຍຸຕິທຳໃນເລື່ອງຂອງ ການຈ້າງງານ, ເຮັດວຽກແລ້ວ ບໍ່ໄດ້ເງິນເດືອນປົກກະຕິ, ຄວນ ມີການກວດສອບ ແລະ ຄຸ້ມ ຄອງຈາກຫຼາຍຝ່າຍເປັນຢ່າງ ດີ ເພື່ອຮັບປະກັນໃຫ້ມີຄວາມ ສະຫງົບ, ເພາະຜ່ານມາມີຫາງ ສຽງຈຳນວນໜຶ່ງໄດ້ມີການ ສ່ອງແສງມາແລ້ວ ຈຶ່ງຢາກໃຫ້ ພາກສ່ວນກ່ຽວຂ້ອງກວດກາ ຄືນ. (ຂ່າວ: ຄຳເຮືອງ, ຮູບ: ພູ ວຽງຄຳ)