ຫົວໜ້າຄະນະໂຄສະນາອົບຮົມສູນກາງພັກ ຕ້ອນຮັບທູດອົດສະຕຣາລີ


...

14.06.2018 9:25     

   ທ່ານ ກິແກ້ວ ໄຂຄຳພິທູນ ເລຂາທິການສູນກາງພັກ ເລຂາ ຄະນະພັກ ຫົວໜ້າຄະນະໂຄ ສະນາອົບຮົມສູນກາງພັກ ໄດ້ ໃຫ້ກຽດຕ້ອນຮັບການເຂົ້າຢ້ຽມ ຂ່ຳນັບຂອງ ທ່ານ ຊອງເບີນາດ ຄາຣາດສໂກ ເອກອັກຄະລັດ ຖະທູດຜູ້ມີອຳນາດເຕັມແຫ່ງ ອົດສະຕຣາລີ ປະຈຳ ສປປ ລາວ ພ້ອມຄະນະ ຢູ່ທີ່ຫ້ອງຮັບ ແຂກສຳນັກງານໃຫຍ່ຂອງ ຄະນະໂຄສະນາອົບຮົມສູນ ກາງພັກ (ຫຼັກ 6) ເນື່ອງໃນໂອ ກາດ ທ່ານໄດ້ຍົກຍ້າຍມາຮັບ ໜ້າທີ່ເປັນເອກອັກຄະລັດຖະ ທູດຄົນໃໝ່ປະຈຳ ສປປ ລາວ. ໃນໂອກາດນີ້, ທ່ານຫົວ ໜ້າຄະນະໂຄສະນາອົບຮົມ ສູນກາງພັກ ກໍໄດ້ກ່າວສະແດງ ຄວາມຍິນດີຕ້ອນຮັບຕໍ່ທ່ານ ຊອງເບີນາດ ຄາຣາດສໂກ ແລະ ຄະນະ ດ້ວຍໄມຕີຈິດມິດ ຕະພາບອັນອົບອຸ່ນ ຊຶ່ງໄດ້ສະ ແດງໃຫ້ເຫັນເຖິງການປະກອບ ສ່ວນອັນສຳຄັນເຂົ້າໃນການ ສົ່ງເສີມການພົວພັນຮ່ວມມືລະ ຫວ່າງສອງປະເທດລາວ-ອົດ ສະຕຣາລີ ທີ່ມີມາແລ້ວນັ້ນ ໃຫ້ ດີຂຶ້ນຢ່າງບໍ່ຢຸດຢັ້ງ, ເປັນຕົ້ນ ແມ່ນການພົວພັນຮ່ວມມືຊ່ວຍ ເຫຼືອກໍ່ສ້າງທາງດ້ານຊັບພະຍາ ກອນມະນຸດ ແລະ ການປະ ກອບສ່ວນຊ່ວຍເຫຼືອໃນການ ພັດທະນາປະເທດຊາດໃນໄລ ຍະຜ່ານມາ, ພ້ອມດຽວກັນນັ້ນ ທ່ານຫົວໜ້າຄະນະໂຄສະນາ ອົບຮົມສູນກາງພັກ ຍັງໄດ້ອວຍ ພອນໃຫ້ທ່ານທູດຄົນໃໝ່ ພ້ອມ ດ້ວຍຄະນະ ຈົ່ງປະສົບຜົນສຳ ເລັດໃນການປະຕິບັດໜ້າທີ່ ວຽກງານຢູ່ທີ່ ສປປ ລາວ ຕາມ ຈຸດປະສົງ ແລະ ຄາດໝາຍທີ່ ວາງໄວ້. ສ່ວນທ່ານເອກອັກຄະ ລັດຖະທູດຜູ້ມີອຳນາດເຕັມ ແຫ່ງ ອົດສະຕຣາລີ ຄົນໃໝ່ ກໍ ສະແດງຄວາມຂອບອົກຂອບ ໃຈຕໍ່ການຕ້ອນຮັບທີ່ອົບອຸ່ນ ຂອງທ່ານຫົວໜ້າຄະນະໂຄສະ ນາອົບຮົມສູນກາງພັກ ໃນຄັ້ງນີ້ ພ້ອມທັງໃຫ້ການຢືນຢັນວ່າ: ຈະພະຍາຍາມສືບຕໍ່ເສີມຂະ ຫຍາຍການພົວພັນຮ່ວມມື ຊ່ວຍເຫຼືອທາງດ້ານຊັບພະຍາ ກອນມະນຸດ ກໍຄືການປະກອບ ສ່ວນພັດທະນາປະເທດຊາດ ໃນຕໍ່ໜ້າໃຫ້ດີທີ່ສຸດ, ປະກອບ ສ່ວນສົ່ງເສີມ, ຮັດແໜ້ນສາຍ ພົວພັນຮ່ວມມືລະຫວ່າງສອງ ປະເທດ ລາວ-ອົດສະຕຣາລີ ໃຫ້ນັບມື້ບັນລຸໝາກຜົນເປັນ ຢ່າງສູງ. (ຂ່າວ: ປາລິສັກ ເຂັມທອງ)