ສປປ ລາວ ຍິນດີຕໍ່ຜົນການພົບປະ ສຸດຍອດຜູ້ນຳ ສປປ ເກົາຫຼີ-ອາເມຣິກາ


...

14.06.2018 9:26     

   (ລັດຖະມົນຕີຕ່າງປະເທດ ຕອບຄຳຖາມສຳພາດຂອງສື່ມວນ ຊົນ ກ່ຽວກັບທັດສະນະຂອງ ສປປ ລາວ ຕໍ່ຜົນສຳເລັດຂອງການ ພົບປະສຸດຍອດລະຫວ່າງຜູ້ນຳ ສປປ ເກົາຫຼີ ແລະ ສ.ອາເມຣິກາ) ທ່ານ ສະເຫຼີມ ໄຊ ກົມມະສິດ ລັດ ຖະມົນຕີກະຊວງ ການຕ່າງປະເທດ ແຫ່ງ ສປປ ລາວ ໄດ້ຕອບຄຳຖາມສຳ ພາດຂອງສື່ມວນ ຊົນກ່ຽວກັບທັດສະ ນະຂອງ ສປປ ລາວ ຕໍ່ເຫດການທາງປະ ຫວັດສາດ ຂອງການພົບປະສຸດຍອດລະຫວ່າງສອງຜູ້ນຳ ສປປ ເກົາຫຼີ ແລະ ສ.ອາເມຣິກາ ໃນວັນທີ 12 ມິຖຸນາ 2018 ທີ່ປະເທດສິງກະໂປ ໂດຍທ່ານໄດ້ກ່າວວ່າ: ກະຊວງການຕ່າງ ປະເທດ ກໍໄດ້ອອກຖະແຫຼງການ ໃນນາມລັດຖະບານໄປ ແລ້ວ ຊຶ່ງໃນນີ້ ທ່ານກໍໄດ້ຢ້ຳຄືນຕື່ມວ່າ: ລັດຖະບານລາວ ສະແດງ ຄວາມຍິນດີຕໍ່ຜົນສຳເລັດ ຂອງການພົບປະສຸດຍອດຄັ້ງ ປະຫວັດສາດລະຫວ່າງຜູ້ນຳ ຂອງສອງປະເທດນີ້ ຊຶ່ງຜົນ ການພົບປະຄັ້ງນີ້ ຈະເປັນບາດ ລ້ຽວໃໝ່ແຫ່ງການພົວພັນ ລະຫວ່າງສະຫະລັດອາເມຣິ ກາ ແລະ ສປປ ເກົາຫຼີ ແລະ ຈະປະກອບສ່ວນສຳຄັນ ເຂົ້າໃນການປົກປັກຮັກສາສັນ ຕິພາບ ແລະ ສະຖຽນລະພາບ ໃນແຫຼມເກົາຫຼີ ແລະ ໃນໂລກ, ກ້າວໄປສູ່ການສ້າງແຫຼມເກົາ ຫຼີ ໃຫ້ເປັນເຂດປອດອາວຸດນິວ ເຄຼຍ, ທ່ານໄດ້ຢືນຢັນຄືນທັດ ສະນະອັນສະເໝີຕົ້ນສະເໝີ ປາຍຂອງ ສປປ ລາວ ໃນການ ສະໜັບສະໜູນການສ້າງແຫຼມ ເກົາຫຼີໃຫ້ປອດອາວຸດນິວເຄຼຍ ດ້ວຍສັນຕິວິທີ ເພື່ອຜົນປະ ໂຫຍດ ກໍຄືສັນຕິພາບ, ສະ ຖຽນລະພາບ ແລະ ການຮ່ວມ ມືໃນແຫຼມເກົາຫຼີ, ໃນພາກພື້ນ ແລະ ໃນໂລກໂດຍລວມ. (ຂ່າວ: ຈາກກະຊວງການຕ່າງ ປະເທດ)