ພາກລັດ-ທຸລະກິດ ຫາລືແກ້ໄຂອຸປະສັກ ໃນການດຳເນີນທຸລະກິດ


...

...

06.07.2018 13:56     

   ກອງປະຊຸມທຸລະກິດລາວ ຄັ້ງທີ 11 ເພື່ອເສີມຂະຫຍາຍ ການຮ່ວມມືລະຫວ່າງພາກລັດ ແລະ ພາກທຸລະກິດໄດ້ຈັດ ຂຶ້ນໃນວັນທີ 5 ກໍລະກົດນີ້ ທີ່ ນະຄອນຫຼວງວຽງຈັນ ພາຍໃຕ້ ການເປັນປະທານຂອງທ່ານ ນາງ ເຂັມມະນີ ພົນເສນາ ລັດ ຖະມົນຕີກະຊວງອຸດສາຫະ ກຳ ແລະ ການຄ້າ ໂດຍການ ໃຫ້ກຽດເຂົ້າຮ່ວມຂອງທ່ານ ທອງລຸນ ສີສຸລິດ ນາຍົກລັດຖະ ມົນຕີ, ມີພາກສ່ວນກ່ຽວຂ້ອງ ເຂົ້າຮ່ວມ. ທ່ານ ນາງ ເຂັມມະນີ ພົນ ເສນາ ໄດ້ກ່າວບາງຕອນສຳຄັນ ໃຫ້ຮູ້ວ່າ: ອີງຕາມຜົນສຳເລັດ ຂອງກອງປະຊຸມທຸລະກິດລາວ ຄັ້ງທີ 10 ໃນວັນທີ 28 ມີນາ 2017 ທີ່ຜ່ານມາແມ່ນມີ 4 ບັນຫາບຸລິມະສິດທີ່ໄດ້ຮັບ ການແກ້ໄຂເກືອບສົມບູນແບບ ແລະ ບັນຫາທີ່ໄດ້ຮັບການແກ້ ໄຂດີມີ 7 ບັນຫາ, ໃນກອງປະ ຊຸມຄັ້ງນີ້ ແມ່ນມີ 3 ກຸ່ມ ບັນຫາ ໃຫຍ່ທີ່ໄດ້ຍົກມາປຶກສາຫາລື ກັນຄື: ກຸ່ມບັນຫາອາກອນສຳ ລັບທຸລະກິດມີ 2 ບັນຫາຄື: ບັນຫາການສົ່ງຄືນເງິນອາກອນ ມູນຄ່າເພີ່ມ ແລະ ບັນຫາອາກອນ ຊົມໃຊ້ ອິນເຕີເນັດ, ກຸ່ມບັນຫາການ ອຳນວຍຄວາມສະດວກ ດ້ານ ການຄ້າ ແລະ ການຂົນສົ່ງໃນ ສປປ ລາວ ມີ 4 ບັນຫາ ຄື: ບັນຫາການນຳເຂົ້າສິນຄ້າ ແລະ ວັດຖຸດິບທີ່ໄດ້ຮັບການ ຍົກເວັ້ນພາສີ ແລະ ອາກອນ ມູນຄ່າເພີ່ມພາຍໃຕ້ກົດໝາຍ ສົ່ງເສີມການລົງທຶນຕ້ອງຜ່ານ ຫຼາຍຂັ້ນຕອນ ແລະ ໃຊ້ເວລາ ຫຼາຍ, ການນຳເຂົ້າສິນຄ້າຜ່ານ ດ່ານປະເພນີທີ່ມີລັກສະນະ ການຄ້າ, ລາຄາຂົນສົ່ງສິນຄ້າ ພາຍໃນ ແລະ ຕ່າງປະເທດ ແພງ ແລະ ຂັ້ນຕອນການຂໍ ອະນຸຍາດຂົນສົ່ງສິນຄ້າຜ່ານ ແດນ ແລະ ບັນຫາອຸປະສັກຕໍ່ ການພັດທະນາຂະແໜງການ ທ່ອງທ່ຽວ. ທ່ານໄດ້ກ່າວຕື່ມອີກວ່າ ລັດຖະບານເຫັນໄດ້ບົດບາດ ຄວາມສຳຄັນຂອງພາກທຸລະ ກິດເພື່ອໃຫ້ທາງພາກລັດຖະ ບານສາມາດບັນລຸເປົ້າໝາຍ ການພັດທະນາດ້ານເສດຖະ ກິດ-ສັງຄົມ ແລະ ຈະໄດ້ເອົາ ກອງປະຊຸມທຸລະກິດລາວນີ້ ເປັນເວທີປຶກສາຫາລືລະຫວ່າງ ພາກລັດ ແລະ ພາກທຸລະກິດ, ໝູນໃຊ້ກອງປະຊຸມນີ້ ໃຫ້ເປັນ ເຄື່ອງມືທີ່ມີປະສິດທິພາບໃນ ການກຳນົດ ແລະ ແກ້ໄຂບັນ ຫາທີ່ກ່ຽວຂ້ອງກັບການສ້າງຕັ້ງ ທຸລະກິດ ແລະ ຂໍ້ຫຍຸ້ງຍາກທີ່ ເປັນອຸປະສັກໃນການຂະຫຍາຍ ທຸລະກິດໃນ ສປປ ລາວ. ໃນໂອກາດເຂົ້າຮ່ວມ ກອງປະຊຸມທ່ານນາຍົກລັດຖະ ມົນຕີ ໄດ້ໂອ້ລົມຕໍ່ກອງປະຊຸມ ວ່າ: ລັດຖະບານໄດ້ມີຄວາມ ພະຍາຍາມຮັກສາສະຖຽນລະ ພາບດ້ານເສດຖະກິດມະຫາ ພາກ, ຫຼຸຸດຜ່ອນຄວາມທຸກ ຍາກ, ພະຍາຍາມເຮັດໃຫ້ທຸ ລະກິດລວມກຸ່ມກັນ ແລະ ການ ປັບສະພາບແລດລ້ອມທຸລະ ກິດ ພ້ອມທັງເນັ້ນວ່າ: ລັດຖະ ບານໄດ້ມີຄວາມຕັ້ງໃຈສົ່ງ ເສີມ ແລະ ພັດທະນາພາກທຸລະກິດ ໃຫ້ມີຄວາມເຂັ້ມແຂງ ໂດຍ ຜ່ານຂະບວນການປັບປຸງກົດ ໝາຍ ແລະ ລະບຽບການຕ່າງໆ ທີ່ຕິດພັນກັບການດຳເນີນທຸ ລະກິດໃນ ສປປ ລາວ ຊຶ່ງລັດ ຖະບານໄດ້ເຫັນເຖິງບົດບາດ ແລະ ຄວາມສຳຄັນຂອງພາກ ທຸລະກິດໃນການພັດທະນາ ເສດຖະກິດ-ສັງຄົມ. ກອງປະຊຸມຄັ້ງນີ້ ເປັນເວ ທີປຶກສາຫາລືລະຫວ່າງພາກ ລັດ ແລະ ທຸລະກິດ ແລະ ຈະ ນຳເອົາບັນດາບັນຫາທີ່ໄດ້ປຶກ ສາຫາລື ໃນກອງປະຊຸມຄັ້ງນີ້ ໃນການແກ້ໄຂບັນຫາອຸປະສັກ ຕ່າງໆໃນການດຳເນີນທຸລະ ກິດ ເພື່ອເຮັດໃຫ້ການດຳເນີນ ທຸລະກິດຢູ່ປະເທດເຮົາສະ ດວກຂຶ້ນ. (ຂ່າວ: ສຸກສາຄອນ)