ເປີດ​ຝຶກ​ອົບ​ຮົມ​ໃຫ້​ພັນ​ລະ​ຍາ ນັກ​ການ​ທູດ


...

...

10.07.2018 9:13     

   ກະຊວງການຕ່າງປະ ເທດ ໄດ້ເປີດຊຸດຝຶກອົບຮົມ ໃຫ້ແກ່ພັນລະຍານັກການທູດ ແລະ ພະນັກງານແມ່ຍິງກະ ຊວງການຕ່າງປະເທດຂຶ້ນ ໃນວັນທີ 9 ກໍລະກົດນີ້ ທີ່ສູນ ການຮ່ວມມືສາກົນ ແລະ ຝຶກ ອົບຮົມ ໂດຍມີທ່ານ ນາງ ນາລີ ສີສຸລິດ ພັນລະຍາຂອງທ່ານ ທອງລຸນ ສີສຸລິດ ນາຍົກລັດ ຖະມົນຕີ ແຫ່ງ ສປປ ລາວ, ມີ ພາກສ່ວນກ່ຽວຂ້ອງເຂົ້າຮ່ວມ. ໃນພິທີ, ທ່ານ ນາງ ນາລີ ສີສຸລິດ ໄດ້ໃຫ້ກຽດໂອ້ລົມຕໍ່ ແມ່ຍິງກະຊວງການຕ່າງປະ ເທດ ໂດຍສະເພາະການເປັນ ພັນລະຍານັກການທູດ ຕ້ອງ ໄດ້ຮຽນຮູ້ວຽກງານວັດທະນະ ທຳ, ຮີດຄອງປະເພນີ, ມາລະ ຍາດ, ເອກະລັກຂອງແມ່ຍິງ ລາວ, ປະສົບການຕົວຈິງ ແລະ ວຽກງານວິຊາສະເພາະການ ຕ່າງປະເທດ. ພ້ອມນີ້ ທ່ານໄດ້ ສະແດງຄວາມຊົມເຊີຍຕໍ່ການ ຈັດຊຸດຝຶກອົບຮົມ ແລະ ໃຫ້ ທິດຊີ້ນຳແກ່ຜູ້ເຂົ້າຮັບການຝຶກ ອົບຮົມ ຈົ່ງເອົາໃຈໃສ່ ແລະ ສືບຕໍ່ນຳເອົາຄວາມຮູ້ທີ່ໄດ້ ຈາກການຝຶກອົບຮົມຄັ້ງນີ້ ໄປຈັດຕັ້ງປະຕິບັດ ແລະ ຜັນ ຂະຫຍາຍເຂົ້າໃນໜ້າທີ່ວຽກ ງານຂອງຕົນ ເພື່ອຍາດແຍ່ງ ການພົວພັນຮ່ວມມືກັບສາກົນ, ສະກັດກັ້ນ ແລະ ຕ້ານທຸກ ປະກົດການຫຍໍ້ທໍ້ ເພື່ອພ້ອມ ກັນປະຕິບັດແນວທາງການ ຕ່າງປະເທດຂອງພັກປະຊາ ຊົນ ປະຕິວັດລາວ ໃຫ້ມີຜົນສຳເລັດເປັນ ຢ່າງດີ. ການຝຶກອົບຮົມແມ່ນ ເປັນການຈັດຕັ້ງປະຕິບັດມະຕິ ຂອງຄະນະພັກ ກະຊວງການ ຕ່າງປະເທດ ເພື່ອຜັນຂະຫຍາຍ ຜົນຂອງກອງປະຊຸມວຽກງານ ການຕ່າງປະເທດ ຄັ້ງທີ 13 ກ່ຽວກັບການບຳລຸງກໍ່ສ້າງພະ ນັກງານ ແລະ ເປັນການປະຕິ ບັດແຜນການຝຶກອົບຮົມປະ ຈຳປີ ຂອງສະຖາບັນການຕ່າງ ປະເທດຕາມຫຼັກສູດການຮຽນ ເພື່ອເພີ່ມຄວາມຮູ້ໃຫ້ພັນລະ ຍານັກການທູດ ກໍຄືແມ່ຍິງກະ ຊວງການຕ່າງປະເທດ ມີຄວາມ ຮູ້ວຽກງານວັດທະນະທຳ, ຮີດ ຄອງປະເພນີຂອງລາວ, ວຽກ ງານພິທີການທູດ, ມາລະຍາດ ທາງສັງຄົມ, ພາລະບົດບາດ ໜ້າທີ່ຂອງພັນລະຍານັກການ ທູດ ແລະ ແບບຟ້ອນຂອງລາວ ເຮົາ, ແນໃສ່ເພື່ອເສີມສ້າງ, ເພີ່ມທັກສະໃຫ້ແກ່ເພດຍິງ ເຂົ້າໃນວຽກງານການຕ່າງປະ ເທດໃຫ້ໄດ້ຮັບຜົນດີໃນຕໍ່ໜ້າ. (ຂ່າວ: ກະຊວງການຕ່າງ ປະເທດ)