ກະຊວງ ຮສສ ເປີດກອງປະຊຸມຄົບຄະນະ ເປີດກວ້າງ ຄັ້ງທີ 3 ສະໄໝທີ V


...

11.07.2018 9:31     

   ກອງປະຊຸມຄົບຄະນະ ເປີດກວ້າງ ຄັ້ງທີ 3 ສະໄໝທີ V ຂອງອົງຄະນະພັກກະຊວງ ແຮງງານ ແລະ ສະຫວັດດີການ ສັງຄົມ (ຮສສ) ໄດ້ຈັດຂຶ້ນ ເມື່ອວັນທີ 10 ກໍລະກົດນີ້ ທີ່ ເຮືອນຮັບແຂກກະຊວງ ຮສສ ໂດຍການເປັນປະທານຂອງ ສະຫາຍ ຄຳແພງ ໄຊສົມແພງ ກຳມະການສູນກາງພັກ ລັດ ຖະມົນຕີກະຊວງ ຮສສ, ມີ ຄະນະພັກ, ຮອງລັດຖະມົນຕີ, ຄະນະປະຈຳພັກ, ກຳມະການ ພັກ, ເລຂາ, ຮອງເລຂາຄະນະ ພັກຮາກຖານ ແລະ ເລຂາ ໜ່ວຍພັກເຂົ້າຮ່ວມ. ກອງປະຊຸມຄັ້ງນີ້ ໄດ້ສະ ຫຼຸບຕີລາຄາໝາກຜົນຂອງ ການຊີ້ນຳ - ນຳພາ ຈັດຕັ້ງຜັນ ຂະຫຍາຍ ແລະ ປະຕິບັດມະຕິກອງປະ ຊຸມໃຫຍ່ຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ ຄັ້ງທີ V ຂອງອົງຄະນະພັກ ກະຊວງ ຮສສ ໃນໄລຍະ 6 ເດືອນຕົ້ນປີ 2018 ແລະ ກາງ ສະໄໝ 2016-2018 ແລະ ທິດທາງແຜນການໃນໄລຍະ ທ້າຍສະໄໝ ປີ 2018-2020, ສະຫຼຸຸບຕີລາຄາການຊີ້ນຳ-ນຳ ພາ ວຽກງານຂອງຄະນະພັກ ກະຊວງ 6 ເດືອນຕົ້ນປີ 2018 ແລະ ທິດທາງແຜນການ 6 ເດືອນທ້າຍປີ 2018, ໃນນັ້ນ, ຈະໄດ້ພ້ອມກັນຄົ້ນຄວ້າ, ປຶກ ສາຫາລື, ປະກອບຄຳຄິດຄຳ ເຫັນ ແລະ ເປັນເອກະພາບຕໍ່ ທິດທາງແຜນການວຽກງານ ຈຸດສຸມ 6 ເດືອນທ້າຍປີ 2018 ແລະ ທິດທາງແຜນການໄລຍະ ກາງສະໄໝ 2018-2020. ກອງປະຊຸມໄດ້ດຳເນີນ ເປັນເວລາ 2 ວັນ ຈຶ່ງສຳເລັດ ຊຶ່ງບັນດາຜູ້ເຂົ້າຮ່ວມໄດ້ ພ້ອມກັນເຊີດຊູຄວາມຮັບຜິດ ຊອບການເມືອງຂອງຕົນ, ເສີມ ຂະຫຍາຍສິດປະຊາທິປະໄຕ ແລະ ສຸມສະຕິປັນຍາເຂົ້າໃນ ການຄົ້ນຄວ້າ, ຄິດຫງຳຢ່າງ ເລິກເຊິ່ງ ຕໍ່ເອກະສານສຳຄັນ ຕ່າງໆຂອງກອງປະຊຸມແນໃສ່ ເພື່ອກ້າວໄປໃນການຈັດຕັ້ງປະ ຕິບັດເຂົ້າໃນວຽກງານໃຫ້ໄດ້ ຮັບຜົນສຳເລັດເປັນກ້າວໆ. (ຂ່າວ: ສຳນານ)