ສາລະວັນ ເປີດກອງປະຊຸມຄົບຄະນະບໍລິຫານງານ ພັກແຂວງ ຄັ້ງທີ 8 ສະໄໝທີ VIII


...

11.07.2018 9:31     

   ແຂວງສາລະວັນ ເປີດກອງ ປະຊຸມຄົບຄະນະບໍລິຫານງານ ພັກແຂວງ ຄັ້ງທີ 8 ສະໄໝທີ VIII ເຄິ່ງສະໄໝຂຶ້ນ ໃນວັນທີ 9 ກໍລະກົດຜ່ານມາ ໂດຍການ ເປັນປະທານຂອງທ່ານ ສີສຸວັນ ວົງຈອມສີ ກຳມະການສູນກາງ ພັກ ເລຂາພັກແຂວງ ເຈົ້າ ແຂວງສາລະວັນ, ມີຮອງເລຂາ ພັກແຂວງ, ຄະນະປະຈຳພັກ ແຂວງ, ກຳມະການພັກແຂວງ, ເລຂາພັກເມືອງ, ເຈົ້າເມືອງທັງ 8 ເມືອງ, ມີບັນດາພະແນກ ການຕ່າງໆ ແລະ ພາກສ່ວນ ກ່ຽວຂ້ອງເຂົ້າຮ່ວມ. ທ່ານ ບົວທອງ ຄຸນຍອດ ປັນຍາ ຮອງເລຂາພັກແຂວງ ຮອງເຈົ້າແຂວງສາລະວັນ ໄດ້ ລາຍງານກ່ຽວກັບການນຳພາ ຮອບດ້ານຂອງຄະນະບໍລິຫານ ງານພັກແຂວງກາງສະໄໝທີ 8 ຕະຫຼອດໄລຍະ 2 ປີຜ່ານມາ ອົງຄະນະພັກແຂວງ ໄດ້ເອົາ ໃຈໃສ່ຍົກສູງຄວາມຮັບຜິດ ຊອບ, ຄວາມເປັນເຈົ້າການ ດ້ວຍນ້ຳໃຈເພິ່ງຕົນເອງ, ກຸ້້ມ ຕົນເອງ ແລະ ສ້າງຄວາມເຂັ້ມແຂງ ດ້ວຍຕົນເອງ, ຕິດພັນກັບການ ປະຕິບັດເນື້ອໃນຈິດໃຈ 4 ບຸກ ທະລຸ, ໄດ້ເຊື່ອມຊຶມແນວທາງ ປ້ອງກັນຊາດ-ປ້ອງກັນຄວາມ ສະຫງົບໃຫ້ປະຊາຊົນຢ່າງທົ່ວ ເຖິງ, ການພັດທະນາເສດຖະ ກິດ-ສັງຄົມຂອງແຂວງ ໄດ້ ຂະຫຍາຍຕົວໃນລະດັບ 7,51%, ລາຍໄດ້ສະເລ່ຍຕໍ່ຫົວ ຄົນ 9.586 ກີບ ຫຼື ເທົ່າກັບ 1.197 ໂດລາ, ການລົງທຶນ ຂອງພາຍໃນ ແລະ ຕ່າງປະ ເທດມີ 2.702 ຕື້ກວ່າກີບ, ເທົ່າກັບ 36,47% ຂອງແຜນ ການ, ໃນນັ້ນ ການລົງທຶນຂອງ ລັດປະຕິບັດໄດ້ 251,67 ຕື້ ກີບ, ເທົ່າກັບ 75,12%, ທຶນ ຊ່ວຍເຫຼືອ-ກູ້ຢືມມີ 336,27 ຕື້ກີບ ເທົ່າກັບ 56,35%, ທຶນ ເອກະຊົນ 1.374 ຕື້ກວ່າກີບ, ເທົ່າກັບ 24,16%, ທຶນທະນາ ຄານ 529,16 ຕື້ກວ່າກີບ, ລື່ນ ແຜນ 5 ປີ 45,77%, ທຶນຂອງ ປະຊາຊົນ 210,45 ຕື້ກີບ, ການຈັດເກັບລາຍຮັບເຂົ້າງົບ ປະມານບັນລຸໄດ້ 407,81 ຕື້ ກີບ, ເທົ່າກັບ 54,33% ຂອງ ແຜນການ, ອາກອນກວມເອົາ 57,97%, ຊັບສິນກວມເອົາ 12,67% ແລະ ຄຸ້ມຄອງລັດວິ ສາຫະກິດ ກວມ 0,13%, ການປະຕິບັດລາຍຈ່າຍແມ່ນ ຖືເອົາລາຍຈ່າຍເງິນເດືອນເປັນ ບຸລິມະສິດສາມາດປະຕິບັດໄດ້ 680,25 ຕື້ກີບ ເທົ່າກັບ 51,40% ຂອງແຜນການ. ນອກນັ້ນ ກອງປະຊຸມຍັງ ຈະໄດ້ຮັບຟັງການລາຍງານ ແຜນພັດທະນາເສດຖະກິດ- ສັງຄົມ, ຜ່ານບົດສຳຫຼວດການ ນຳພາລວມຂອງຄະນະບໍລິ ຫານງານພັກແຂວງ, ຜ່ານຄຳ ສັ່ງເລກທີ 04/ຄລສພ ວ່າດ້ວຍ ການດຳເນີນກອງປະຊຸມໃຫຍ່, ເຜີຍແຜ່ເຊື່ອມຊຶມມະຕິເລກທີ 032/ກມສພ ວ່າດ້ວຍການ ສ້າງແຜນກຳນົດພະນັກງານ ນຳພາ-ຄຸ້ມຄອງ ແລະ ມະຕິ 030/ກມສພ ວ່າດ້ວຍມາດ ຖານພະນັກງານນຳພາ-ຄຸ້ມ ຄອງ, ຜ່ານຄຳແນະນຳເລກທີ 292/ຄຈສພ ກ່ຽວກັບການຈັດ ຕັ້ງປະຕິບັດມະຕິຂອງກົມການ ເມືອງສູນກາງພັກ ວ່າດ້ວຍ ມາດຖານຂອງພະນັກງານນຳ ພາ-ຄຸ້ມຄອງ, ວຽກງານຄຸ້ມ ຄອງພະນັກງານ ແລະ ວຽກ ງານສ້າງແຜນກຳນົດພະນັກ ງານນຳພາ-ຄຸ້ມຄອງ, ເຜີຍແຜ່ ເຊື່ອມຊຶມມະຕິຂອງຄະນະບໍລິ ຫານງານສູນກາງພັກປະຊາ ຊົນ ປະຕິວັດລາວ ວ່າດ້ວຍ ການຍົກສູງປະສິດທິພາບການ ຄຸ້ມຄອງລັດ, ຄຸ້ມຄອງສັງຄົມ ດ້ວຍກົດໝາຍ, ພ້ອມນັ້ນ ໃນ ກອງປະຊຸມຍັງຈະໄດ້ປະກອບ ຄຳເຫັນໃສ່ບົດສະຫຼຸບຕີລາຄາ ການນຳພາລວມ, ແຜນພັດ ທະນາເສດຖະກິດ ແລະ ບົດ ສຳຫຼວດການນຳພາລວມ, ກອງປະຊຸມຄັ້ງນີ້ ຈະດຳເນີນ ເປັນເວລາ 3 ວັນຈຶ່ງສຳເລັດ. (ຂ່າວ: ພອນສະໄໝ ໄຊຍະເສນ)