ຄຳມ່ວນ ສະຫຼຸບວຽກງານ 3 ສ້າງ


...

11.07.2018 9:32     

   ແຂວງຄຳມ່ວນ ໄດ້ສະ ຫຼຸບຜົນການຈັດຕັ້ງປະຕິບັດ ວຽກງານສ້າງແຂວງເປັນຫົວ ໜ່ວຍຍຸດທະສາດ, ສ້າງເມືອງ ເປັນຫົວໜ່ວຍເຂັ້ມແຂງຮອບ ດ້ານ ແລະ ສ້າງບ້ານເປັນຫົວ ໜ່ວຍພັດທະນາ ໃນວັນທີ 9 ກໍລະກົດຜ່ານມາ ໂດຍການ ເປັນປະທານຂອງທ່ານ ໂອໄດ ສຸດາພອນ ເຈົ້າແຂວງຄຳມ່ວນ, ມີທ່ານ ທອງຈັນ ມະນີໄຊ ຮອງ ລັດຖະມົນຕີກະຊວງພາຍໃນ, ບັນດາທ່ານການນຳຂັ້ນແຂວງ, ຂັ້ນເມືອງ, ພະແນກ, ຂະແໜງ ການຕ່າງໆທົ່ວແຂວງເຂົ້າຮ່ວມ. ໃນໂອກາດກ່າວເປີດກອງ ປະຊຸມ, ທ່ານ ໂອໄດ ສຸດາ ພອນ ໄດ້ຍົກໃຫ້ເຫັນສະພາບ ໂດຍລວມຂອງການຈັດຕັ້ງປະ ຕິບັດວຽກງານ 3 ສ້າງຢູ່ພາຍ ໃນແຂວງຄຳມ່ວນ ກໍຄືປະຕິ ບັດຄຳສັ່ງເລກທີ 34/ນຍ ວ່າ ດ້ວຍທິດທາງ, ເປົ້າໝາຍ ແລະ ມາດຕະການສ້າງແຂວງເປັນ ຫົວໜ່ວຍຍຸດທະສາດ, ສ້າງ ເມືອງເປັນຫົວໜ່ວຍເຂັ້ມແຂງ ຮອບດ້ານ ແລະ ສ້າງບ້ານເປັນ ຫົວໜ່ວຍພັດທະນາເຫັນວ່າ ໄດ້ມີການຈັດຕັ້ງຢ່າງເປັນລະ ບົບ ແລະ ເປັນຂະບວນການ ຢ່າງກວ້າງຂວາງ ຊຶ່ງຄະນະ ພັກ, ອົງການປົກຄອງທຸກຂັ້ນ ໄດ້ຖືສຳຄັນໂດຍສຸມໃສ່ການ ຈັດຕັ້ງຜັນຂະຫຍາຍເນື້ອໃນ ຂອງມະຕິ, ຄຳສັ່ງ ແລະ ນິຕິ ກຳອື່ນໆ ທີ່ກ່ຽວຂ້ອງໃນວຽກ ງານ 3 ສ້າງໃຫ້ທົ່ວເຖິງທຸກເປົ້າ ໝາຍ ເພື່ອໃຫ້ສະມາຊິກພັກ, ພະນັກງານ, ທະຫານ, ຕຳ ຫຼວດ ຕະຫຼອດຮອດປະຊາຊົນ ທຸກຊັ້ນຄົນໄດ້ເຊື່ອມຊຶມ, ຮັບ ຮູ້-ກຳແໜ້ນແນວທາງນະໂຍ ບາຍຂອງພັກ-ລັດ, ມີສະຕິຕື່ນ ຕົວ, ເປັນເຈົ້າການເຂົ້າຮ່ວມ ຂະບວນການ ເພື່ອເຮັດໃຫ້ລະ ບົບການເມືອງຢູ່ຂັ້ນຮາກຖານ ໄດ້ຮັບການປັບປຸງໃຫ້ໜັກ ແໜ້ນເຂັ້ມແຂງ ແນໃສ່ແກ້ໄຂ ຄວາມທຸກຍາກຂອງຄອບຄົວ ໄດ້ຢ່າງຕັ້ງໜ້າ, ເຮັດໃຫ້ຊີວິດ ການເປັນຢູ່ຂອງປະຊາຊົນມີ ການຫັນປ່ຽນດີຂຶ້ນ. ພ້ອມດຽວ ກັນ ທ່ານຍັງໄດ້ຮຽກຮ້ອງມາ ຍັງບັນດາທ່ານທີ່ເຂົ້າຮ່ວມໃນ ກອງປະຊຸມ ຈົ່ງພ້ອມກັນຍົກ ສູງຄວາມຮັບຜິດຊອບໃນການ ປະກອບຄຳຄິດຄຳເຫັນເຂ້ົາໃສ່ ຮ່າງບົດສະຫຼຸບທິດທາງແຜນ ການ ກໍຄືຄາດໝາຍສູ້ຊົນໃນ ຕໍ່ໜ້າ ໂດຍສະເພາະແມ່ນການ ປະກອບຄຳເຫັນຂອງບັນດາ ພະແນກການທີ່ຕິດພັນກັບວຽກ ງານ 3 ສ້າງ ແລະ ບັນດາເມືອງ ເປົ້າໝາຍ ໃນການສ້າງເປັນ ຫົວໜ່ວຍເຂັ້ມແຂງຮອບດ້ານ ເພື່ອເປັນການປະກອບສ່ວນ ແລກປ່ຽນບົດຮຽນຊຶ່ງກັນ ແລະ ກັນ. ພ້ອມນັ້ນ ກອງປະຊຸມຍັງ ໄດ້ຮັບຟັງການເຜີຍແຜ່ຄຳສັ່ງ ເລກທີ 03/ນຍ ວ່າດ້ວຍການ ປັບປຸງຄຸນນະພາບການເຄື່ອນ ໄຫວຂອງວຽກງານການຈັດຕັ້ງ ແລະ ການບັນຈຸລັດຖະກອນ ໃໝ່. (ຂ່າວ: ກອງຄຳ)