ສະຫະພັນສັນຕິພາບໂລກ ມອບເຂົ້າຊ່ວຍເຫຼືອ


...

11.07.2018 9:33     

   ພິທີມອບ-ຮັບເຂົ້າສານ ຈຳນວນ 5 ໂຕນ ຈາກສະຫະ ພັນສັນຕິພາບໂລກ ໄດ້ຈັດຂຶ້ນ ເມື່ອວັນທີ 6 ກໍລະກົດຜ່ານມາ ທີ່ສູນກາງແນວລາວສ້າງຊາດ (ສນຊ). ເຂົ້າ ທີ່ນຳມາມອບໃນ ຄັ້ງນີ້ ແມ່ນເພື່ອເອົາໄປຊ່ວຍ ເຫຼືອປະຊາຊົນລາວບັນດາເຜົ່າ ທີ່ພົບຄວາມຫຍຸ້ງຍາກຂາດ ເຂີນຢູ່ເຂດຫ່າງໄກສອກຫຼີກ ໃນຂອບເຂດທົ່ວປະເທດ ໂດຍ ສະເພາະແມ່ນແຂວງໄຊຍະ ບູລີ. ໃນພິທີ ທ່ານ ຈັນເພັງ ສຸດທິວົງ ກຳມະການສູນກາງ ແນວລາວສ້າງຊາດ ຫົວໜ້າ ຫ້ອງການ ສນຊ ໄດ້ກ່າວຮັບແລະ ໄດ້ຕາງໜ້າໃຫ້ ສນຊ ກ່າວສະແດງຄວາມຂອບໃຈຕໍ່ ທ່ານ ສະກຸດອນ ກ້ອນທອງ ຜູ້ ອຳນວຍການເຂດພາກຕາເວັນ ອອກສ່ຽງເໜືອ ແລະ ທູດສັນຕິ ພາບ ທີ່ໄດ້ນຳເອົາເຂົ້າສານ ຈຳນວນດັ່ງກ່າວມາມອບໃຫ້ ສນຊ ແລະ ພວກເຮົາຈະສືບຕໍ່ ນຳເອົາເຂົ້າຈຳນວນດັ່ງກ່າວ ໄປມອບຕໍ່ໃຫ້ແກ່ປະຊາຊົນ ລາວບັນດາເຜົ່າຕາມເປົ້າໝາຍ ທີ່ວາງໄວ້. ເປັນກຽດເຂົ້າຮ່ວມເປັນ ສັກຂີພິຍານໃນພິທີມອບ-ຮັບ ຄັ້ງນີ້ ໂດຍ ທ່ານ ນາງ ວິພາວັນ ພົມວິຫານ (ພັນລະຍາ ປະທານ ສນຊ) ພ້ອມດ້ວຍພະນັກງານ ທີ່ກ່ຽວຂ້ອງເຂົ້າຮ່ວມ. (ຂ່າວ: ສນຊ)