ທູດລາວ ຍື່ນສານຕາຕັ້ງຕໍ່ອົງສົມເດັດ ແຫ່ງ ບຣູໄນ ດາຣູຊາລາມ


...

12.07.2018 9:40     

   ໃນຕອນບ່າຍວັນທີ 7 ກໍ ລະກົດ ທີ່ພະລາດຊະວັງອິສະ ຕາ ນາ ນູຣູບ ອີມານ ທ່ານ ພອນ ທະວີ ບຸດດາລາ ໄດ້ຍື່ນສານ ຕາຕັ້ງຕໍ່ອົງ ສົມເດັດຊຸນຕານ ຮາຈິ ຮາຊານານ ໂບນເກຍ ແຫ່ງ ບຣູໄນ ດາຣູຊາລາມ ເພື່ອດຳລົງຕຳແໜ່ງເປັນເອກ ອັກຄະລັດຖະທູດວິສາມັນຜູ້ມີ ອຳນາດເຕັມ ແຫ່ງ ສປປ ລາວ ປະຈຳ ປະເທດບຣູໄນ ດາຣູຊາ ລາມ ທີ່ມີສຳນັກງານສະຖານທູດຕັ້ງ ຢູ່ນະຄອນຫຼວງບັນດາ ເສຣິ ເບ ກາວັນ ປະເທດ ບຣູໄນ ດາຣູ ຊາລາມ. ພາຍຫຼັງສຳເລັດການຍື່ນ ສານແລ້ວ ໃນເວລາ 14:30 ໂມງ ເອກອັກຄະລັດຖະທູດ ແລະ ພະນັກງານນັກການທູດ ລາວ ກໍໄດ້ເຂົ້າຢ້ຽມຂ່ຳນັບອົງ ສົມເດັດຊຸນຕານ ຮາຈິ ຮາຊາ ນານ ໂບນເກຍ ທີ່ພະລາດຊະ ວັງອິດສະຕານາ. ໃນການຢ້ຽມ ຂ່ຳນັບ, ອົງສົມເດັດຊຸນຕານ ໄດ້ຊົມເຊີຍ ແລະ ຍິນດີຕ້ອນ ຮັບເອກອັກຄະລັດຖະທູດລາວ ໃນການດຳລົງຕຳແໜ່ງເປັນ ເອກອັກຄະລັດຖະທູດ ວິສາມັນ ຜູ້ມີອຳນາດເຕັມ ແຫ່ງ ສປປ ລາວ ຄົນໃໝ່ ປະຈຳ ບຣູໄນ ດາຣູຊາລາມ ສະແດງຄວາມ ເພິ່ງພໍໃຈຕໍ່ສາຍພົວພັນ ແລະ ການຮ່ວມມືທີ່ດີລະຫວ່າງສອງ ປະເທດບຣູໄນ ແລະ ລາວ. ອົງ ສົມເດັດຊຸນຕານໄດ້ກ່າວເຖິງ ສາຍພົວພັນອັນດີທີ່ມີຕໍ່ກັບ ການນຳລາວ, ກັບປະເທດລາວ ໄດ້ກ່າວເຖິງການໄປຢ້ຽມຢາມ ລາວ ໂດຍສະເພາະການຢ້ຽມ ຢາມທາງການໃນຫຼາຍປີກ່ອນ ແລະ ການໄປເຂົ້າຮ່ວມກອງ ປະຊຸມສຳຄັນນີ້ ສປປ ລາວ ເປັນເຈົ້າພາບຈັດເຊັ່ນ: ກອງ ປະຊຸມສຸດຍອດອາຊຽນ, ກອງ ປະຊຸມສຸດຍອດອາເຊັມໃນປີ 2012 ແລະ ກອງປະຊຸມສຸດ ຍອດອາຊຽນຄັ້ງທີ 28 ແລະ 29 ໃນປີ 2016. ການເດີນ ທາງໄປຢ້ຽມຢາມ ສປປ ລາວ ຫຼາຍຄັ້ງຂອງອົງສົມເດັດຊຸນ ຕານ ແລະ ການນຳຂອງບຣູ ໄນ ແມ່ນໄດ້ຮັບການຕ້ອນຮັບ ອັນອົບອຸ່ນຈາກການນຳລາວ ແລະ ປະຊາຊົນລາວ ສອງຝ່າຍ ໄດ້ເສີມສ້າງສາຍພົວພັນອັນດີ ນຳກັນຕະຫຼອດມາ. ເອກອັກຄະລັດຖະທູດ ພອນທະວີ ບຸດດາລາ ໄດ້ສະ ແດງຄວາມຂອບໃຈຕໍ່ອົງສົມ ເດັດຊຸນຕານທີ່ເຫັນດີໃນການ ແຕ່ງຕັ້ງມາເປັນເອກອັກຄະລັດ ຖະທູດ ສປປ ລາວ ປະຈຳ ບຣູ ໄນ ດາຣູຊາລາມ ແລະ ຮູ້ສຶກ ເປັນກຽດຢ່າງສູງທີ່ໄດ້ຖືກແຕ່ງ ຕັ້ງຈາກປະທານປະເທດລາວ ມາດຳລົງຕຳແໜ່ງນີ້, ທັງສະ ແດງຄວາມຂອບໃຈຢ່າງຈິງໃຈ ທີ່ໄດ້ຮັບການຕ້ອນຮັບອັນອົບ ອຸ່ນ, ສົມກຽດ ແລະ ຈະສຸມທຸກ ຄວາມພະຍາຍາມເພື່ອສືບຕໍ່ ປະກອບສ່ວນເສີມຂະຫຍາຍ ການພົວພັນລະຫວ່າງສອງປະ ເທດທີ່ດີຢູ່ແລ້ວນັ້ນໃຫ້ນັບມື້ ນັບດີຂຶ້ນ ແລະ ມີໝາກຜົນຕົວ ຈິງໃນການຮ່ວມມືກັນໂດຍ ພາຍໃຕ້ການຊີ້ນຳຂອງການ ນຳຂອງທັງສອງປະເທດ. ພ້ອມກັນນີ້, ເອກອັກຄະລັດຖະ ທູດ ກໍໄດ້ນຳເອົາຄວາມຢື້ຢາມ ຖາມຂ່າວອັນອົບອຸ່ນ ແລະ ຄຳ ອວຍພອນໄຊອັນປະເສີດຈາກ ພະນະ ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ພ້ອມພັນລະຍາ ແລະ ລັດຖະບານແຫ່ງ ສປປ ລາວ ທີ່ສົ່ງມາຍັງອົງສົມເດັດຊຸນ ຕານ ຮາຈິ ຮາຊານາ ໂບນເກຍ, ລາຊີນີ, ບໍລົມມະວົງສານຸວົງ ທຸກພະອົງ ແລະ ປະຊາຊົນບຣູ ໄນ ໂດຍສະເພາະຄຳອວຍ ພອນອັນປະເສີດເນື່ອງໃນໂອ ກາດຄົບຮອບ 72 ປີ ວັນເກີດ ຂອງອົງສົມເດັດຊຸນຕານ ທີ່ຈະ ມາເຖິງໃນມໍ່ໆນີ້ ເອກອັກຄະ ລັດຖະທູດໄດ້ຕາງໜ້າໃຫ້ ສປປ ລາວ ສະແດງຄວາມຂອບໃຈຕໍ່ ອົງສົມເດັດຊຸນຕານ ກໍຄືລັດຖະ ບານ ແລະ ປະຊາຊົນບຣູໄນ ທີ່ໄດ້ໃຫ້ການຊ່ວຍເຫຼືອແກ່ ສປປ ລາວ ໃນດ້ານຕ່າງໆໃນ ໄລຍະຜ່ານມາ. ສອງຝ່າຍຍັງໄດ້ກ່າວເຖິງ ບາງດ້ານສຳຄັນຕື່ມ ເປັນຕົ້ນ ແມ່ນປີ 2018 ນີ້ ເປັນປີຄົບ ຮອບ 25 ປີ ແຫ່ງການສ້າງຕັ້ງ ສາຍພົວພັນທາງການທູດລະ ຫວ່າງລາວ ແລະ ບຣູໄນ ຊຶ່ງ ສອງຝ່າຍເຫັນດີຈະມີການ ເຄື່ອນໄຫວສະເຫຼີມສະຫຼອງທີ່ ສຳຄັນນຳກັນຈຳນວນໜຶ່ງ ເຊັ່ນ: ການແລກປ່ຽນຢ້ຽມຢາມ ຂອງຄະນະຜູ້ແທນຂັ້ນສູງນຳ ກັນ ແລະ ການແລກປ່ຽນສານ ອວຍພອນ ຊຶ່ງກັນໃນໂອກາດ ດັ່ງກ່າວ. ອົງສົມເດັດຊຸນຕານ ໄດ້ ຝາກຄວາມຢ້ຽມຢາມຖາມ ຂ່າວ ແລະ ຄຳອວຍພອນໄຊ ອັນປະເສີດມາຍັງພະນະທ່ານ ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາລັດ ຖະບານ ແລະ ປະຊາຊົນ ລາວ ຊຶ່ງເອກອັກຄະລັດຖະທູດກໍ ໄດ້ຮັບເອົາ ແລະ ເພື່ອສົ່ງຕໍ່ຄຳ ອວຍພອນດັ່ງກ່າວໃຫ້ການນຳ ສປປ ລາວ.